ജോജു ജോര്‍ജ്ജ് ആദ്യമായി ഇരട്ട വേഷത്തില്‍ എത്തുന്ന 'ഇരട്ട'യിലെ 'പുതുതായോരിത്' സോങ്ങ് പുറത്തിറങ്ങി. മുഷ്‌കിന്‍ പരാരി രചന നിര്‍വഹിച്ചു ജേക്ക്‌സ് ബിജോയ് സംഗീതം നല്‍കി ഷഹബാസ് അമന്‍ പാടിയ ഗാനം ആണ് പുറത്തിറങ്ങിയത്.
നേരത്തെ ഇരട്ടയിലെ പ്രമോ സോങ്ങ് പുറത്തിറങ്ങിയിരുന്നു. പ്രെമോ സോങ്ങിന് മികച്ച സ്വീകാര്യത ആയിരുന്നു സോഷ്യല്‍ മീഡിയയില്‍ ലഭിച്ചിരുന്നത്. ഫെബ്രുവരി 3 ന് ചിത്രം തിയ്യേറ്ററുകളില്‍ എത്തും. മലയാളത്തില്‍ നിരവധി ഹിറ്റ് സിനിമകള്‍ നമുക്ക് സമ്മാനിച്ച ജോജു ജോര്‍ജിന്റെ ഉടമസ്ഥതയിലുള്ള അപ്പു പാത്തു പാപ്പു പ്രൊഡക്ഷന്‍സും മാര്‍ട്ടിന്‍ പ്രക്കാട്ട് ഫിലിംസും സിജോ വടക്കനും ചേര്‍ന്നാണ് ഇരട്ട നിര്‍മ്മിക്കുന്നത് നവാഗതനായ രോഹിത് എം ജി കൃഷ്ണന്‍ ആണ് ഇരട്ടയുടെ സംവിധായകന്‍.
വിനോദ്, പ്രമോദ് എന്നീ ഇരട്ട സഹോദരന്മാരായാണ് ജോജു ജോര്‍ജ്ജ് ഈ ചിത്രത്തില്‍ എത്തുന്നത്. നിരവധി സസ്‌പെന്‍സുകള്‍ ട്വിസ്റ്റുകളും ഒക്കെ ചേര്‍ന്ന പോലീസ് ക്രൈം ഇന്‍വെസ്റ്റിഗേഷന്‍ ത്രില്ലര്‍ ആയിട്ടാണ് ഇരട്ട അണിയിച്ചൊരുക്കുന്നത്. ജോസഫ് നായാട്ട് എന്നീ ചിത്രങ്ങള്‍ക്ക് ശേഷം ജോജു ജോര്‍ജ്ജ് നായകനാകുന്ന ഇന്‍വെസ്റ്റിഗേഷന്‍ ചിത്രം കൂടിയാണ് ഇരട്ട. സംസ്ഥാന-ദേശീയ അവാര്‍ഡുകള്‍ സ്വന്തമാക്കിയിട്ടുള്ള ജോജു ജോര്‍ജിന്റെ കരിയറിലെ മറ്റൊരു വഴിത്തിരിവ് ആകും ഇരട്ടയിലെ കഥാപാത്രങ്ങള്‍. തെന്നിന്ത്യന്‍ താരം അഞ്ജലി ആണ് ചിത്രത്തില്‍ നായികയായില്‍ എത്തുന്നത്.
ശ്രീന്ദ,ആര്യ സലിം, ശ്രീകാന്ത് മുരളി, സാബുമോന്‍, അഭിരാം ,കിച്ചു ടെല്ലസ്, ശ്രുതി ജയന്‍,ത്രേസ്യാമ്മ ചേച്ചി, ജയിംസ് എലിയ,ജിത്തു അഷ്‌റഫ്, മനോജ്, ശരത് സഭ, ഷെബിന്‍ ബെന്‍സന്‍,എന്നിവരാണ് 'ഇരട്ട'യിലെ മറ്റു പ്രധാന കഥാപാത്രങ്ങളെ അവതരിപ്പിക്കുന്നത്. സമീര്‍ താഹിറിന്റെയും, ഷൈജു ഖാലിദിന്റെയും ഗിരീഷ് ഗംഗാധരന്റെയും കൂടെ ഛായാഗ്രഹണ മേഖലയില്‍ പ്രവര്‍ത്തിച്ച വിജയ് ആണ് ഇരട്ടയുടെ ഡി ഓ പി. ഹിറ്റ് ഗാനങ്ങള്‍ മലയാളി പ്രേക്ഷകര്‍ക്ക് സമ്മാനിച്ച ജേക്‌സ് ബിജോയാണ് സംഗീത സംവിധാനം, വരികള്‍ അന്‍വര്‍ അലി. മനു ആന്റണി ആണ് ചിത്രത്തിന്റെ എഡിറ്റര്‍. ദിലീപ് നാഥ് ആര്‍ട്ട്, വസ്ത്രലങ്കാരം സമീറ സനീഷ്, മേക്കപ്പ് റോനെക്‌സ്. സംഘട്ടനം കെ രാജശേഖര്‍, മാര്‍ക്കറ്റിംഗ് ഒബ്‌സ്‌ക്യൂറ, പി.ആ.ഓ പ്രതീഷ് ശേഖര്‍ എന്നിവരാണ് ചിത്രത്തിലെ മറ്റു അണിയറ പ്രവര്‍ത്തകര്‍.
Premium Lifestyle and Entertainment website
മുട്ട സ്റ്റൂ ; അപ്പത്തിനും ഇടിയപ്പത്തിനും കൂട്ടാം
നന്ദി ദിനത്തിലെ വാടാമലരുകള്‍ (കവിത)