പതിനാറ് വര്ഷങ്ങള്ക്ക് ശേഷം തന്റെ കുടുംബത്തെ ഇല്ലാതാക്കിയവരോട് പ്രതികാരം ചെയ്യാന് വീണ്ടുമെത്തുകയാണ് കഥകളി കലാകാരന് 'വരദനുണ്ണി'. മലയാളികളുടെ പ്രിയ സംവിധായകന് ലിജോ ജോസ് പെല്ലിശ്ശേരി ഇന്ദ്രജിത്ത് സുകുമാരനെ കേന്ദ്ര കഥമാക്കി സംവിധാനം ചെയ്ത്, പി.എസ് റഫീക്കിന്റെ രചനയില് പുറത്തിറങ്ങിയ ചിത്രമാണ് 'നായകന്'. 2010-ല് റിലീസ് ചെയ്ത ചിത്രം ലിജോ ജോസ് പെല്ലിശ്ശേരിയുടെ ആദ്യ സംവിധാന സംരംഭമാണ്. ചിത്രത്തില് വരദനുണ്ണി എന്ന കഥകളി കലാകാരനായാണ് ചിത്രത്തില് ഇന്ദ്രജിത്ത് എത്തുന്നത്. ഇന്ദ്രജിത്തിന് പുറമെ തിലകന്, ജഗതി ശ്രീകുമാര്, ധന്യ മേരി വര്ഗീസ്, സിദ്ദിഖ്, വിജയരാഘവന്, ലാലു അലക്സ്, കലാശാല ബാബു, ചെമ്പന് വിനോദ് ജോസ്, ശ്രീജിത്ത് രവി, അനില് മുരളി, സാലു കെ ജോര്ജ്ജ്, ശിവജ്, കിരണ്രാജ്, ടോഷ് ക്രിസ്റ്റി, മജീദ്, രാജീവ് കളമശ്ശേരി, അംബികാ മോഹന് എന്നിവരും നായകനില് ഒന്നിച്ചു. ഇല്ലുമിനാറ്റോ ഫിലിംസിന്റെ ബാനറില് അനൂപ് ജോണ്സണ് കരേടന് ആണ് ചിത്രം നിര്മിച്ചത്.
റിലീസ് വേളയില് ചിത്രം പരാജയപ്പെട്ടെങ്കിലും, ഇന്ദ്രജിത്തിന്റെ അഭിനയ കരിയറിലെ മികച്ച പ്രകടനങ്ങളില് ഒന്നാണ് വരദനുണ്ണി എന്ന കഥാപാത്രം. ദേവദൂതന്, ഛോട്ടാ മുംബൈ, ഫ്രണ്ട്സ്, സമ്മര് ഇന് ബത്ലഹേം എന്നീ സിനിമകള്ക്ക് ശേഷം ഹൈ സ്റ്റുഡിയോസ് ആണ് നായകന്റെ 4K ഡോള്ബി അറ്റ്മോസില് റീമാസ്റ്ററിംഗ് ചെയ്യുന്നത്. മികച്ച 4K ദൃശ്യ നിലവാരത്തിലും, ശബ്ദത്തിലും പുനരവതരിപ്പിക്കുന്ന ചിത്രം 2026 ഏപ്രിലില് പ്രേക്ഷകര്ക്ക് മുന്പില് എത്തിക്കാനാണ് ശ്രമിക്കുന്നതെന്ന് നിര്മാതാവ് അറിയിച്ചു. ഹൈസിന് ഗ്ലോബല് വെഞ്ചേഴ്സ് ആണ് ചിത്രം തിയേറ്ററുകളില് എത്തിക്കുന്നത്. മനോജ് പരമഹംസയാണ് ചിത്രത്തിന്റെ ഛായാഗ്രഹണം. പ്രശാന്ത് പിള്ളയുടെ ശ്രദ്ധേയമായ സംഗീതവും നോണ്-ഇന്ട്രൂസീവ് സ്കോറും സിനിമയെപ്പോലെ തന്നെ ഏറെ വേറിട്ട ഒന്നായിരുന്നു പ്രേക്ഷകന്.
എഡിറ്റര്: മനോജ്, സൗണ്ട് ഡിസൈന്: രംഗനാഥ് രവി, ആര്ട്ട്: സാലു കെ ജോര്ജ്ജ്, പ്രൊഡക്ഷന് കണ്ട്രോളര്: അനില് മാത്യു, മേക്കപ്പ്: രാജീവ് അങ്കമാലി, കോസ്റ്റ്യൂംസ്: സുനില് റഹ്മാന്, ക്രിയേറ്റീവ് വിഷനറി ഹെഡ്ഡ്: ബോണി അസനാര്, കളറിസ്റ്റ്: ഷാന് ആഷിഫ്, സ്റ്റുഡിയോ: ഹൈ സ്റ്റുഡിയോസ്, അറ്റ്മോസ് മിക്സിംഗ്: ഹരിനാരായണന്, പ്രോജക്ട് മാനേജ്മെന്റ്: ജിബിന് ജോയ്, മാര്ക്കറ്റിംഗ്: ഹൈസിന് ഗ്ലോബല് വെഞ്ചേഴ്സ്, സ്റ്റില്സ്: കാഞ്ചന്, ഡിസൈന്സ്: അര്ജുന്@ ഹൈ സ്റ്റുഡിയോസ്, പി.ആര്.ഓ: പി.ശിവപ്രസാദ് എന്നിവരാണ് മറ്റ് അണിയറ പ്രവര്ത്തകര്.
Premium Lifestyle and Entertainment website
എട്ട് വര്ഷങ്ങള്ക്ക് മുമ്പ് ചെമ്പട്ട് എന്ന ഏഷ്യാനെറ്റ് സീരിയലിന്റെ ലൊക്കേഷനില് വെച്ച് ആദ്യമായി കണ്ട് മുട്ടല്; നടി ആര്യാ പാര്വ്വതി ഭര്ത്താവിനെ ആദ്യമായി കണ്ട നിമിഷം പങ്ക് വച്ചപ്പോള്
മട്ടാഞ്ചേരി മാഫിയ'യുമായി മമ്മൂട്ടിയും ഖാലിദ് റഹ്മാനും; ഒപ്പം ആസിഫ് അലിയും നെസ്ലനും; ടൈറ്റില് പോസ്റ്റര് ശ്രദ്ധേയമാകുമ്പോള്