'ആകാശഗംഗ'യുടെ രണ്ടാം ഭാഗം 'ആകാശഗംഗ 2' വര്ഷങ്ങള്ക്ക് ശേഷം തീയ്യേറ്ററുകളില് എത്താന് പോവുകയാണ്. ചിത്രത്തില് ഹരീഷ് പേരടി മുഖ്യ കഥാപാത്രത്തെ അവതരിപ്പിക്കുന്നു.അതുല്യ നടന് രാജന് പി ദേവ് അവതരിപ്പിച്ച 'മേപ്പാടന് തിരുമേനി' എന്ന കഥാപാത്രത്തിന്റെ ശിഷ്യനായാണ് ഹരീഷ് പേരടി ചിത്രത്തില് അഭിനയിക്കുന്നത്. ഇതേ കുറിച്ച് അദ്ദേഹം കുറിച്ച കുറിപ്പാണ് ഇപ്പോള് ശ്രദ്ധേയമായിരിക്കുന്നത്. ചിത്രത്തിന്റെ ട്രെയിലര് ഇതിനോടകം തന്നെ സോഷ്യല് മീഡിയയില് വൈറലായിരുന്നു.
'ആകാശഗംഗയുടെ രണ്ടാം ഭാഗത്തില് രാജേട്ടന് ഗംഭിരമാക്കിയ മേപ്പാടന് തിരുമേനിയുടെ ശിഷ്യനായി അഭിനയിക്കാന് വിനയന് സാര് എന്നെയാണ് നിയോഗിച്ചത്. ഇത് എനിക്ക് രാജേട്ടന്റെ പേരില് കിട്ടുന്ന ഒരു അവാര്ഡായാണ് ഞാന് കാണുന്നത്' എന്നാണ് അദ്ദേഹം ഫെയ്സ്ബുക്കില് കുറിച്ചത്.
രാജേട്ടാ. ഞാന് തമിഴ് സിനിമയില് അഭിനയിക്കാന് പോകുമ്പോള് അവിടെയുള്ള സംവിധായകരും തിരക്കഥാകൃത്തുക്കളും ഇപ്പോഴും രാജേട്ടനെ പറ്റി പറയാറുണ്ട്. കേള്ക്കുമ്പോള് വലിയ സന്തോഷമാണ് .നാടകം, മലയാള സിനിമ, തമിഴ് സിനിമ.മുരളിയേട്ടനും കലാഭവന് മണിയും തിലകന് ചേട്ടനും നിങ്ങളുമൊക്കെ വെട്ടി തെളിയിച്ച വഴിയിലൂടെ ഇങ്ങിനെ നടക്കുമ്ബോള് അതിര്ത്തികള് കിഴടക്കുന്ന ഒരു പട്ടാളക്കാരന്റെ സന്തോഷമാണെനിക്ക്.ഈ കത്തെഴുതാനുള്ള പ്രധാന കാരണം.നിങ്ങളഭിനയിച്ച ആകാശഗംഗയുടെ രണ്ടാം ഭാഗത്തില് രാജേട്ടന് ഗംഭിരമാക്കിയ മേപ്പാടന് തിരുമേനിയുടെ ശിഷ്യനായി അഭിനയിക്കാന് വിനയന് സാര് എന്നെയാണ് നിയോഗിച്ചത്. ഇത് എനിക്ക് രാജേട്ടന്റെ പേരില് കിട്ടുന്ന ഒരു അവാര്ഡായാണ് ഞാന് കാണുന്നത്.നവംബര് ഒന്നിന് പടം റിലീസാവുകയാണ്.ആരും അറിയാതെ ഇങ്ങിനെ ഒരു ഒസ്യത്ത് എന്റെ പേരില് എഴുതി വെച്ചതിന് നന്ദി. അറിയാത്ത ഒരു ലോകത്തിരുന്നുള്ള അനുഗ്രഹവര്ഷങ്ങള് ഞാന് അറിയുന്നുണ്ട്.മുരളിയേട്ടനോടും മണിയോടും തിലകന് ചേട്ടനോടും ഭരത് ഗോപി സാറിനോടും അന്വേഷ്ണം അറിയിക്കണം.എന്നും ഹരീഷ് പേരടി പോസ്റ്റില് കുറിച്ചു
Premium Lifestyle and Entertainment website
അബുദാബി രാജകുടുംബത്തിന്റെ വിശ്വസ്തനായ ബാര് ഹോട്ടല് ഉടമയായ അച്ഛന്; പതിനെട്ടാം വയസ്സില് തിരുവനന്തപുരത്തുകാരനുമായി വിവാഹം; ബിസിനസ്സില് മികവ് കാട്ടിയിട്ടും ഭാര്യയെ കൈവിട്ട ഭര്ത്താവ്; എയര്ഇന്ത്യാ സ്റ്റാറ്റ്സിലൂടെ കോണ്സുലേറ്റില്; വിവാദം വരും വരെ കൂടെ നിന്ന രണ്ടാം ഭര്ത്താവ്; നയതന്ത്ര കടത്തെത്തില് എല്ലാം നഷ്ടപ്പെട്ട സ്വപസുരേഷ് പുതിയ ജീവിതത്തിലേക്ക്
'മലയാളികള്ക്ക് മുന്നില് ഇംഗ്ലീഷില് എന്തോന്നാ ഈ കടുക് വറുക്കുന്നത്?' എല്ലാവര്ക്കും മനസ്സിലാകുന്ന രീതിയില് സംസാരിച്ചാല് പോരെ; അവതാരകയോട് ഉര്വശി