വില്ലന്‍ വേഷങ്ങളിലൂടെ മലയാള സിനിമയില്‍ തിളങ്ങിയ നടനാണ് ബിജു പപ്പന്‍. പോത്തന്‍വാവ, ചിന്തമണി കൊലക്കേസ്, ബാബ കല്യാണി, പതാക, ടൈം, മാടമ്പി, ദ്രോണ,കസബ, ഓഗസ്റ്റ് 15 എന്നിങ്ങനെ നിരവധി ഹിറ്റ് ചിത്രങ്ങളുടെ ഭാഗമായിട്ടുള്ള ബിജു പപ്പന്‍ ആദ്യമായി പ്രിയദര്‍ശന്‍ സിനിമയില്‍ എത്തുന്ന സന്തോഷം പങ്ക് വച്ച് എഴുതിയ കുറിപ്പ് ശ്രദ്ധ നേടുന്നു.
കുറിപ്പ് ഇങ്ങനെ:ഇന്നത്തെ ദിവസം എന്റെ ജീവിതത്തിലെ പ്രിയപ്പെട്ടതും ഒരുപാട് സന്തോഷം നിറഞ്ഞതുമാണ്. സിനിമയില്‍ വന്നിട്ട് 30വര്‍ഷമായി. ചെറുതും വലുതുമായ ഒരുപാട് വേഷങ്ങള്‍ പ്രമുഖ സംവിധായകരുടെ ചിത്രങ്ങളില്‍ ചെയ്തു . ഇതെല്ലാം ചെയ്യുമ്പോഴും പ്രിയന്‍ ചേട്ടന്റെ സിനിമയില്‍ ഒരു വേഷം ചെയ്യണമെന്ന ആഗ്രഹം ഉണ്ടായിരുന്നു . ഇന്ന് അതു സാധിച്ചു. അഭിമാന നിമിഷങ്ങള്‍. അതിനേക്കാള്‍ എനിക്ക് അഭിമാനവും സന്തോഷവും തോന്നിയത് ഈ ഒരു കാര്യത്തിന് വേണ്ടി ഞാന്‍ ഒരുപാട് പേരെ ബന്ധപെടുകയും സംസാരിക്കുകയും ഒക്കെ ചെയ്തിട്ടുണ്ട്. എന്നാല്‍ പ്രിയന്‍ ചേട്ടന്‍ ഇന്ന് എന്നോട് പറഞ്ഞത് 'ഒരാളുടെയും ശുപാര്‍ശയില്‍ അല്ല ഞാന്‍ പപ്പനെ എന്റെ സിനിമയില്‍ വേഷം ചെയ്യാന്‍ വിളിച്ചത്. പപ്പന്‍ ചെയ്ത വേഷങ്ങള്‍ കണ്ടാണ് '.
ലോകം അറിയപ്പെടുന്ന, ഇന്ത്യയിലെ ഏറ്റവും വലിയ സംവിധായകന്‍ അങ്ങനെ പറഞ്ഞപ്പോള്‍ എനിക്ക് ഒരുപാട് സന്തോഷവും അഭിമാനവും തോന്നിയ നിമിഷങ്ങളായിരുന്നു.എല്ലാവര്‍ക്കും നന്ദി. എല്ലാത്തിനുംനന്ദി. ദൈവത്തിനും നന്ദി .ബിജു പപ്പന്‍ കുറിച്ചു. ഷെയ്ന്‍ നിഗം, ഗായത്രി ശങ്കര്‍ എന്നിവരെ കേന്ദ്രകഥാപാത്രങ്ങളാക്കി പ്രിയദര്‍ശന്‍ സംവിധാനം ചെയ്യുന്ന കൊറോണ പേപ്പേഴ്‌സ് കൊച്ചിയില്‍ ചിത്രീകരണം പുരോഗമിക്കുയാണ്.
1993ല്‍ പുറത്ത് ഇറങ്ങിയ സമൂഹം എന്ന ചിത്രത്തിലൂടെയാണ് ബിജു സിനിമയില്‍ എത്തിയത്.
Premium Lifestyle and Entertainment website
യൂറിക് ആസിഡ്: ലക്ഷണങ്ങളും പരിഹാരവും അറിയാം
ബി ഉണ്ണികൃഷ്ണന്റെ മോശം വശം ആദ്യ സിനിമ മുതല്‍ കണ്ട ആള്‍; അദ്ദേഹത്തിന്റെ സിനികളുടെ പേര് പോലെ തന്നെ മാടമ്പി, പ്രമാണി എന്നൊക്കെ പോലെ തന്നെ ജീവിതത്തിലും; ബട്ടണ്‍സ് ഊരി കിടന്നിട്ട് ഇടാന്‍ മെസ്സേജ് അയച്ചു എന്നൊക്കെ പറയുന്നത് പച്ചക്കള്ളം; സാന്ദ്രാ തോമസ് പങ്ക് വക്കുന്നത്