കൊച്ചിയില്‍ നിന്ന് താമസം മാറിയ നടന്‍ ബാല കേരളത്തില്‍ തന്നെ വീട് എടുത്താണ് താമസം ആരംഭിച്ചത്. പുതിയ വീടിന്റെയെന്ന് കരുതുന്ന വീഡിയോ നടന്‍ തന്നെ പങ്കുവച്ചു. ബാലയും ഭാര്യയുംകൂടി വിളക്ക് കത്തിച്ച് വീടിലേക്ക് പ്രവേശിക്കുന്നതാണ് വീഡിയോയില്‍ ഉള്ളത്.
കായലിന്റെ തീരത്തുള്ള ഒരു മനോഹരമായ വീടിന്റെ വിഡിയോയാണ് ബാല ഇപ്പോള്‍ സമൂഹമാധ്യമങ്ങളില്‍ പങ്കുവച്ചത്. ബാലയെയും ഭാര്യ കോകിലയേയും വിഡിയോയില്‍ കാണാം.
'ഞാന്‍ നിങ്ങളുടെ ബിഗ് ബി ബാലയായി തിരികെ വരും. മനോഹരമായ ഈ വീടിന്റെ സ്രഷ്ടാവ് ഷാലു കെ ജോര്‍ജിനും സിനിമാറ്റോഗ്രഫറും എന്റെ പ്രിയപ്പെട്ട അനുജനുമായ ശാലു പേയാടിനും നന്ദി. ഞാന്‍ കൊച്ചി വിട്ടു. പക്ഷേ, ഞാന്‍ എന്നും നിങ്ങളുടെ ഹൃദയത്തില്‍ നിറഞ്ഞു നില്‍ക്കുമെന്ന് വിശ്വസിക്കുന്നു,'' വിഡിയോയ്‌ക്കൊപ്പം ബാല കുറിച്ചു.
ബാല പുതിയ വീട് സ്വന്തമാക്കിയത് വൈക്കത്താണെന്ന് ഫോട്ടോഗ്രാഫര്‍ ശാലു പേയാട് മനോരമ ഓണ്‍ലൈനിനോട് പങ്ക് വച്ചിട്ടുണ്ട്. ബാല ഉടന്‍ സംവിധാനം ചെയ്യാന്‍ പോകുന്ന ഒരു ചിത്രം ഷൂട്ട് ചെയ്യാനും ബാലയ്ക്കും ഭാര്യയ്ക്കും താമസിക്കാനുമായി വാങ്ങിയ വീടാണിതെന്ന് ശാലു പേയാട് പറഞ്ഞു.
തിരക്കില്‍ നിന്ന് ഒഴിഞ്ഞ് നിറയെ ചെടികളും ചുറ്റുപാടും മരങ്ങളുമൊക്കെയായി കായലിന് സമീപത്താണ് വീട് നില്‍ക്കുന്നത്. വളരെ മനോഹരമായ ഒരു വീടാണ് അത്. വീടിന്റെ ഫോട്ടോയും വിഡിയോയും എടുക്കാന്‍ ബാല ചേട്ടന്‍ എന്നെയാണ് ഏല്‍പ്പിച്ചിരുന്നത്. അങ്ങനെ ഞാന്‍ എടുത്ത വിഡിയോയാണ് ബാല ചേട്ടന്‍ പോസ്റ്റ് ചെയ്തതശാലു പേയാട് പറഞ്ഞു.
വിവാഹസംബന്ധമായ നിരവധി വിവാദങ്ങള്‍ക്കും നാലാം വിവാഹത്തിനും ശേഷം കേരളം വിടുകയാണ് എന്ന് നടന്‍ ബാല പറഞ്ഞിരുന്നു. എന്നാല്‍, തല്‍ക്കാലം കൊച്ചി വിട്ട് വൈക്കത്തേക്കാണ് താമസം മാറ്റിയിരിക്കുന്നത്. പുതിയ വീട് മനോഹരമാണെന്നും ഇതൊരു നല്ല തുടക്കമാകട്ടെ എന്നും ആരാധകര്‍ കുറിച്ചു.
Premium Lifestyle and Entertainment website
നടുക്കടലില്‍ അനുമതിയില്ലാതെ സിനിമ ഷൂട്ടിംഗ് നടത്തി; രണ്ട് ബോട്ടുകള്‍ പിടിച്ചെടുത്തു; സംഭവം ചെല്ലാനത്ത്