പ്രളയബാധിതർക്ക് ഭക്ഷണം എത്തിക്കുന്നതിനായി സ്പീഡ് ബോട്ടുകൾ വേണം; ദുരന്തമുഖത്ത് നിന്നും സഹായ അഭ്യർത്ഥനയുമായി ആഷിഖ് അബു

പ്രളയബാധിതർക്ക് ഭക്ഷണമെത്തിക്കുന്നതിനായി സ്പീഡ് ബോട്ടുകൾ വേണം. സംവിധായകൻ ആഷിക് അബുവാണ് സഹായം അഭ്യർത്ഥിച്ച് രംഗത്തെത്തിയിരിക്കുന്നത്.തന്റെ ഫേസ്‌ബുക്ക് പോസ്റ്റിലൂടെയാണ് അദ്ദേഹം ദുരിതാശ്വാസ പ്രവർത്തനത്തിനായി അടിയന്തര സഹായം അഭ്യർത്ഥിച്ച് രംഗത്തെത്തിയത്. സാധിക്കുന്നവർ തന്റെ ഫേസ്‌ബുക്ക് പോസ്റ്റിന് താഴെ കമന്റ് ചെയ്യാനാണ് ആഷിക്ക് അബുവിന്റെ അഭ്യർത്ഥന.

എറണാകുളം, ആലുവ, എന്നി സ്ഥലങ്ങളിൽ നിന്നുള്ളവർക്ക് ഭക്ഷണവും സഹായവും ആവശ്യപ്പെട്ട് സഹായ അഭ്യർത്ഥനകളും വരുന്നുണ്ട്. ചാലക്കുടി പുഴയിൽ വെള്ളം ക്രമാതീതമായി ഉയർന്നതോടെ ചാലക്കുടി വെള്ളത്തിൽ മുങ്ങിയിരിക്കുകയാണ്. ആലുവ. കാലടിയുൾപ്പെടയുള്ള പ്രദേശങ്ങൾ വെള്ളത്തിനടിയാലാണ്. ഇവിടേക്ക് നേവിയുടെ സഹായത്തോടെ ഭക്ഷണവും സാധനങ്ങളും എത്തിക്കുന്നുണ്ട്. മുരിങ്ങൂർ മേൽപ്പാലത്തിൽ വെള്ളം കയറിയ നിലയിലാണുള്ളത്.