സന്‍സറിങും റിഎഡിറ്റും ഉണ്ടാക്കിയ വിവാദങ്ങള്‍ക്ക് ശേഷവും തിയേറ്ററില്‍ എമ്പുരാന് ജനപ്രീതി കുറയുന്നില്ല. ചിത്രത്തിന്റെ ആഗോള കളക്ഷന്‍ 250 കോടി കടന്നതായി അവസാന അപ്‌ഡേഷന്‍. ഇപ്പോഴിതാ ചിത്രത്തിന്റെ നിര്‍മാതാവ് ആന്റണി പെരുമ്പാവൂരിന്റെ രണ്ട് സോഷ്യല്‍ മീഡിയാ പോസ്റ്റുകളാണ് സൈബറിടത്ത് ചര്‍ച്ചയാകുന്നത്.
മോഹന്‍ലാലിനും ചിത്രത്തിന്റെ സംവിധായകന്‍ പൃഥിരാജിനും തിരക്കഥാകൃത്ത് മുരളീഗോപിക്കും ഒപ്പമുള്ള ചിത്രങ്ങളാണ് ആന്റണി പങ്കുവച്ചിരിക്കുന്നത്. സ്‌നേഹപൂര്‍വ്വം' എന്നാണ് മുരളി ഗോപിക്കൊപ്പമുള്ള പോസ്റ്റിന് ആന്റണിയുടെ ക്യാപ്ഷന്‍. ആന്റണി പെരുമ്പാവൂരിന്റെ പുതിയ പോസ്റ്റിന് വന്‍ വരവേല്‍പ്പാണ് ലഭിക്കുന്നത്.
'എല്ലാം ഓക്കെ അല്ലേ അണ്ണാ' എന്ന ക്യാപ്ഷനോടെയായിരുന്നു ആന്റണി പൃഥ്വിക്കൊപ്പമുള്ള പോസ്റ്റ് പങ്കുവെച്ചത്. 'എന്നും എപ്പോഴും' എന്ന കുറിപ്പോടെ തൊട്ട് പിന്നാലെ മോഹന്‍ലാലിനൊപ്പമുള്ള ചിത്രവും ആന്റണി പോസ്റ്റ് ചെയ്തു. ഇതിന് ശേഷമാണ് മുരളി ഗോപിക്കൊപ്പമുള്ള ചിത്രം ആന്റണി പങ്കുവെച്ചിരിക്കുന്നത്.
ഇന്‍ഡസ്ട്രി ഹിറ്റെന്ന ലേബല്‍ കഴിഞ്ഞ ദിവസം തന്നെ എമ്പുരാന് സ്വന്തം പേരിലാക്കിയിരുന്നു. മഞ്ഞുമ്മല്‍ ബോയ്സ് 72 ദിവസം കൊണ്ട് നേടിയ 241 കോടി നേട്ടത്തെയാണ് വെറും പത്ത് ദിവസം കൊണ്ട് എമ്പുരാന് മറികടന്നത്. വിഷു റിലീസുകള്‍ വന്നാലും എമ്പുരാന്റെ ബോക്സ് ഓഫീസ് തേരോട്ടം മന്ദഗതിയിലാകില്ല എന്നാണ് ട്രാക്കേഴ്സിന്റെ റിപ്പോര്‍ട്ട്. ഇന്ത്യയ്ക്ക് പുറത്തും സിനിമ മികച്ച നേട്ടമാണ് സ്വന്തമാക്കുന്നത്.
Premium Lifestyle and Entertainment website
രശ്മികയുടെ ആ ക്യൂട്ട് റീല്‍ എടുത്തത് വിജയ് ദേവരകൊണ്ട; നടിയുടെ പിറന്നാള്‍ ആഘോഷത്തില്‍ നടനും; ചര്‍ച്ചയായി താരങ്ങളുടെ ആഘോഷചിത്രങ്ങള്‍
കവിളുകള്‍ ഒട്ടി ചുളിവുകള്‍ വീണു; കരണ്‍ ജോഹര്‍ അസുഖ ബാധിതനെപ്പോലെയെന്ന് കമന്റ്; ശരീര ഭാരം കുറയ്ക്കാന്‍ ഓസെംപിക് മരുന്നോ കഴിച്ചോ എന്ന് ആരാധകര്‍