ഓള്‍ വി ഇമാജിന്‍ ആസ് ലൈറ്റ്' എന്ന ചിത്രം ആഗോള തലത്തില്‍ ശ്രദ്ധിക്കപ്പെട്ട ഇന്ത്യന്‍ ചിത്രമാണ്. പായല്‍ കപാഡിയ എഴുതി സംവിധാനം ചെയ്ത ചിത്രത്തില്‍ കനി കുസൃതി, ദിവ്യ പ്രഭ, ഛായ കദം, ഹൃദു ഹാറൂണ്‍ എന്നിവരാണ് അഭിനേതാക്കള്‍. 2024 മെയ് മാസത്തില്‍ 77-ാമത് കാന്‍ ഫിലിം ഫെസ്റ്റിവലില്‍ ഈ ചിത്രം പ്രദര്‍ശിപ്പിച്ചു.
1994-ന് ശേഷം ഇന്ത്യയില്‍ നിന്ന് ഒരു പടം ഇത്തരത്തില്‍ പ്രദര്‍ശിപ്പിക്കുന്നത് ആദ്യമായാണ്. ഒപ്പം ചിത്രം ഗ്രാന്‍ഡ് പ്രിക്‌സ് പുരസ്‌കാരവും നേടി. നിരവധി അന്താരാഷ്ട്ര ചലച്ചിത്ര മേളകളില്‍ ചിത്രം പ്രശംസ നേടുന്നുണ്ട്.
ഏറ്റവും പുതിയ അപ്‌ഡേറ്റുകള്‍ പ്രകാരം ചിത്രത്തിന്റെ ഇന്ത്യന്‍ അവകാശം തെലുങ്ക് താരം റാണ ദഗ്ഗുബതിയുടെ പ്രൊഡക്ഷന്‍ ഹൗസ് സ്വന്തമാക്കിയെന്നാണ്. അടുത്തിടെ 35 ചിന്ന കഥ കടു എന്ന തെലുങ്ക് ചിത്രം വിതരണത്തിന് എടുത്ത റാണയുടെ കമ്പനിയായ സ്പിരിറ്റ് മീഡിയ ഇന്ത്യയുടെ കാനിലെ അഭിമാന ചിത്രവും ഇന്ത്യയില്‍ വിതരണത്തിന് എത്തിക്കും.
ഗുഡ് കണ്ടന്റ് ചിത്രങ്ങള്‍ എന്നും പിന്തുണയ്ക്കുന്ന നിര്‍മ്മാതാവ് എന്ന നിലയിലാണ് ബാഹുബലി താരം റാണ അറിയപ്പെടുന്നത്. C/o കഞ്ചാരപാലം, ബൊമ്മലത, ചാര്‍ലി777 തുടങ്ങിയ ചിത്രങ്ങള്‍ എല്ലാം റാണ പിന്തുണച്ചിട്ടുണ്ട്. ഈ ചിത്രങ്ങള്‍ എല്ലാം മികച്ച അഭിപ്രായം നേടിയിരുന്നു. ഓള്‍ വി ഇമാജിന്‍ ആസ് ലൈറ്റും ഇത്തരത്തില്‍ വിതരണത്തിന് എടുത്തിരിക്കുകയാണ് റാണ.''ലോകമെങ്ങും ഉള്ള ചലച്ചിത്രോത്സവങ്ങളില്‍ ആരാധകരുടെ ഇഷ്ടം പിടിച്ചുപറ്റിയ ഒരു ചിത്രം ഇന്ത്യന്‍ ആരാധകര്‍ക്ക് മുന്നില്‍ എത്തിക്കുന്നതിന്റെ ത്രില്ലിലാണ് ഞങ്ങള്‍'' ഓള്‍ വി ഇമാജിന്‍ ആസ് ലൈറ്റ് വിതരണം ചെയ്യാന്‍ എടുത്ത തീരുമാനത്തില്‍ പ്രതികരിച്ച റാണ പറഞ്ഞു.
Premium Lifestyle and Entertainment website
അമ്മ നാല് വര്‍ഷമായി കോമയില്‍; ഭക്ഷണം നല്‍കുന്നത് ട്യൂബിലൂടെ; നാല് വര്‍ഷമായി അപ്പ ഗ്രേറ്റായ ഒരു സിംഗിള്‍ പാരന്റാണ്; സത്യരാജിനെ കുറിച്ച് കുറിപ്പ് പങ്കുവച്ച് മകള്‍ 
അല്ലുവിനും ഭാര്യയ്ക്കുമെതിരേ അധിക്ഷേപ വീഡിയോ; യൂട്യൂബ് ചാനല്‍ ഉടമയെക്കൊണ്ട് മാപ്പ് പറയിപ്പിച്ച് ആരാധകര്‍