സോഷ്യല്‍ മീഡിയയിലൂടെ പ്രമോഷന്‍ പോസ്റ്റുകളിലൂടെയും സെല്‍ഫ് ട്രോളുകളുമൊക്കെയായി സജീവമായ ആളാണ് അജു വര്‍ഗീസ്. മിക്കപ്പോഴും സ്വയം ട്രോളിക്കൊണ്ടായിരിക്കും പ്രമോഷന്‍. അത്തരത്തിലൊരു ട്രോളാണ് ഇപ്പോള്‍ സോഷ്യല്‍ മീഡിയയില്‍ വൈറലായിക്കൊണ്ടിരിക്കുന്നത്.ധ്യാന്‍ ശ്രീനിവാസന്‍ സംവിധാനം ചെ്‌യ്ത് അജു വര്‍ഗീസ് നിര്‍മ്മിക്കുന്ന ലൗ ആക്ഷന്‍ ഡ്രാമ തീയറ്ററുകളിലെത്തുന്നതിന് തൊട്ടുമുമ്പാണ് നയന്‍താര രണ്ട് ചെക്കുകളുമായി നില്‍ക്കുന്ന ചിത്രം അജു ഇന്‍സ്റ്റഗ്രാമിലൂടെ പുറത്തുവിട്ടത്.
നയന്‍താര രണ്ട് ചെക്കുകളുമായി നില്‍ക്കുന്ന ചിത്രത്തിനൊപ്പമുള്ള അടിക്കുറിപ്പാണ് ശ്രദ്ധേയം. മിസ്റ്റര്‍ പ്രൊഡ്യൂസര്‍ എന്താണിത്, നിങ്ങള്‍ തന്ന രണ്ട് ചെക്കും ബൗണ്‍സ് എന്ന കുറിപ്പോടെയാണ് അജു ചിത്രം പങ്കുവച്ചിരിക്കുന്നത്. പ്രിയ താരത്തിന് പണം നല്‍കിയില്ലേയെന്ന ചോദ്യവുമായി ആരാധകരും കളം നിറഞ്ഞിട്ടുണ്ട്. എന്തായാലും രസകരമായ ചിത്രത്തിന്റെ പിന്നിലെ വിശേഷവുമായി അജു വര്‍ഗീസ് തന്നെ രംഗത്തെത്തുമെന്ന പ്രതീക്ഷയിലാണ് ചലച്ചിത്ര പ്രേമികള്‍.
ശീനിവാസന്‍ തിരക്കഥ എഴുതി സംവിധാനം ചെയ്ത വടക്കു നോക്കി യന്ത്രത്തിലെ കഥാപാത്രങ്ങളായ ദിനേശനും ശോഭയും, പേരിലൂടെ പുനരവതരിക്കുകയാണ് ചിത്രത്തില്‍.മലയാള വെള്ളിത്തിരയിലേക്ക് ദക്ഷിണേന്ത്യന്‍ ലേഡീ സൂപ്പര്‍സ്റ്റാര്‍ നയന്‍താര മടങ്ങിയെത്തിയ ചിത്രം കൂടിയാണിത്. നിവിന്‍പോളി നായകനായെത്തിയ ചിത്രം നിര്‍മ്മിച്ചിരിക്കുന്നത് അജു വര്‍ഗീസാണ്.
നിവിന്‍ പോളി തളത്തില്‍ ദിനേശന്‍ ആകുമ്പോള്‍ ശോഭയായാണ് നയന്‍ താര ചിത്രത്തിലെത്തുന്നത്. ഒന്‍പത് വര്‍ഷങ്ങള്‍ക്ക് ശേഷം മലര്‍വാടി ടീം വീണ്ടും ഒന്നിക്കുന്നു എന്ന പ്രത്യേകതയും ചിത്രത്തിനുണ്ട്. ഭഗത് മാനുവല്‍, ജൂഡ് ആന്റണി, ഹരികൃഷ്ണന്‍, ദീപക് പറമ്പേല്‍, ശ്രീനിവാസന്‍, മല്ലിക സുകുമാരന്‍ എന്നിവരും പ്രധാന കഥാപാത്രങ്ങളായി എത്തുന്നു. അജു വര്‍ഗീസും വിശാഖ് സുബ്രഹ്മണ്യവും ചേര്‍ന്നാണ് ചിത്രം നിര്‍മിക്കുന്നത്. ചിത്രത്തിന്റെ ടീസറും ഗാനവും ഇതിനോടകം തരംഗമായി കഴിഞ്ഞു.
റിലീസിന്റെ തലേന്ന് എല്ലാവരുടെയും പ്രാര്‍ഥനയും പിന്തുണയും അറിയിച്ചും അജു കുറിപ്പ് എഴുതിയിരുന്നു. ചിത്രത്തിന് നൂറ് കോടി കലക്ഷന്‍ ലഭിക്കും എന്ന് നടന്‍ ജയസൂര്യ കമന്റ് ചെയ്തിരുന്നു
Premium Lifestyle and Entertainment website
കോമഡി എന്റര്‍ടെയിനറുമായി കൃഷ്ണ ശങ്കര്‍, സുധി കോപ്പ, കിച്ചു ടെല്ലസ്; 'പട്ടാപ്പകല്‍' ട്രയിലര്‍ റിലീസായി
റോള്‍സ് റോയിസിന്റെ ഡ്രൈവര്‍ സീറ്റില്‍ യൂസഫലി; ഒപ്പം സഹയാത്രികനായി രജനീകാന്ത്; യൂസഫലിയുടെ അബുദാബി വസതിയില്‍ അതിഥിയായി തലൈവര്‍ എത്തിയപ്പോള്‍