നടപ്പാലത്തിലൂടെ നടന്ന് വന്ന് ചാടി റോഡിലേക്ക് ഇറങ്ങവേ കാല് തെറ്റി റോഡിലേക്ക്; നടി ഉഷയുടെ അടിതെറ്റി വീഴുന്ന വീഡിയോ വൈറല്‍

മലയാള സിനിമാ രംഗത്ത് ക്യാരക്ടര്‍ റോളുകളിലൂടെ ശ്രദ്ധ നേടിയ നടിയാണ് ഉഷ എന്ന ഈ നടി. ഇപ്പോള്‍ സിനിമാ രംഗത്ത് അത്ര സജീവമല്ലെങ്കിലും കിരീടം, ചെങ്കോല്‍ എന്നീ സിനിമകളില്‍ ഉഷ ചെയ്ത വേഷം ഏറെ ശ്രദ്ധിക്കപ്പെട്ടിരുന്നു. ഹസീന ഹനീഫ് എന്നാണ് നടിയുടെ യഥാര്‍ത്ഥ പേരെങ്കിലും ഉഷ എന്ന പേരിലാണ് അറിയപ്പെടുന്നത്. ഇപ്പോള്‍ സീരിയല്‍ രംഗത്ത് സന്നിധ്യം അറിയിച്ച ഉഷയുടെ ഒരു വീഡിയോ ആണ് ഇപ്പോള്‍ വാട്സാപ്പില്‍ വൈറലായി മാറുന്നത്. ആയിരക്കണക്കിനു പേരാണ് ഇതു സ്റ്റാറ്റസാക്കി മാറ്റുന്നത്. പലര്‍ക്കും ഇതു നടിയാണെന്ന് മനസിലായിട്ടില്ലായെന്നതാണ് മറ്റൊരു യാഥാര്‍ത്ഥ്യം.

സംഭവ സ്ഥലത്ത് ഒരു ഷൂട്ടിംഗിന് എത്തിയതായിരുന്നു നടി. അതിനിടെ നല്ല ക്യാമറാ മാനെ കിട്ടിയപ്പോള്‍ ഒന്ന് രണ്ട് ഫോട്ടോസ് എടുത്താല്‍ കൊള്ളാമെന്നായി. അതു പതിവാണ്. സോഷ്യല്‍ മീഡിയയിലും മറ്റും താരങ്ങള്‍ ഇടുന്ന ഫോട്ടോകളും വീഡിയോകളുമൊക്കെ ഇങ്ങനെ ഷൂട്ടിംഗിനിടയില്‍ കിട്ടുന്ന ഒഴിവുവേളകളില്‍ പകര്‍ത്തുന്നതാണ്. അത്രയുമേ നടിയും ഉദ്ദേശിച്ചുള്ളൂ. അങ്ങനെയാണ് നല്ല പ്രകൃതി ഭംഗിയുള്ള ഈ സ്ഥലം കണ്ടപ്പോള്‍ ഉഷയും ഫോട്ടോയെടുക്കാന്‍ ഇറങ്ങിയത്. തൊട്ടപ്പുറത്തു നിന്ന് സുഹൃത്ത് വീഡിയോയും പകര്‍ത്തുന്നുണ്ടായിരുന്നു. അങ്ങനെയാണ് ചെറിയ നടപ്പാലത്തിലൂടെ സാരിയുടെ തുമ്പൊക്കെ പിടിച്ച് കാറ്റില്‍ പറന്ന മുടിയൊക്കെ കോതിയൊതുക്കി നടി സ്റ്റൈലായി നടന്നു തുടങ്ങിയത്. നടത്തം കണ്ടപ്പോള്‍ എല്ലാവരും കരുതിയത് നടപ്പാലത്തിനു താഴെയുള്ള വെള്ളത്തിലേക്ക് വീഴുമെന്നായിരുന്നു. എന്നാല്‍ ട്വിസ്റ്റ് അവിടെയായിരുന്നില്ല. നടപ്പാലം കഴിഞ്ഞ് ചാടി റോഡിലേക്ക് ഇറങ്ങിയപ്പോഴായിരുന്നു അതു നടന്നത്.

നടപ്പാലം കഴിഞ്ഞ് ഇറങ്ങുന്നിടത്തു നിന്നും ടാര്‍ ചെയ്ത റോഡിലേക്ക് ചെറിയ ഉയരവ്യത്യാസമുണ്ട്. ടാറിട്ട റോഡിലേക്ക് കാലെടുത്തു വെക്കവേ നടിയുടെ ഹീലുള്ള ചെരിപ്പിട്ടന്റെ മുന്‍ഭാഗം റോഡിന്റെ സൈഡില്‍ തട്ടുകയും നെഞ്ചടിച്ച് ആ റോഡിലേക്ക് വീഴുകയുമായിരുന്നു. വലിയ പരിക്കുകളൊന്നും സംഭവിച്ചില്ലെങ്കിലും നെഞ്ചടിച്ചു വീണതിനാല്‍ കുറച്ചു ദിവസം അതിന്റെ വേദന ശരീരം മുഴുവന്‍ കാണുമെന്ന് ഉറപ്പാണ്. എന്തായാലും സംഭവത്തിന്റെ വീഡിയോ വാട്സാപ്പുകളില്‍ മുഴുവന്‍ പറപറക്കുകയാണ്. അടുത്തിടെ ഉഷയുടെ മറ്റൊരു വീഡിയോയും വൈറലായിരുന്നു. തിരക്കുള്ള ട്രാഫിക്കില്‍ ഒരു സ്‌കൂട്ടറിന്റെ പിറകില്‍ ഇരുന്ന് പോകുന്നതായിരുന്നു അത്. അതു താന്‍ തന്നെയാണെന്ന് നടി സ്ഥിരീകരിക്കുകയും ചെയ്തിരുന്നു.

അഭിനയിക്കുന്നതിനൊപ്പം ആലപ്പുഴയില്‍ ഒരു നൃത്ത വിദ്യാലയം കൂടി നടത്തുന്നുണ്ട് നടിയിപ്പോള്‍. അവധിക്കാലത്ത് രാവിലെ തൊട്ട് വൈകുന്നേരം വരെ കുട്ടികളുടെ കൂടെയും ഒപ്പം പൊതു പ്രവര്‍ത്തനവും ഉണ്ട്. ഇടതുപക്ഷത്തിന്റെ സജീവ പ്രവര്‍ത്തകയായ നടി കമ്മിറ്റിയ്ക്ക് വേണ്ടി എല്‍ സി ഓഫീസിലേക്ക് പോവുകയായിരുന്നു. എംഎല്‍എ പങ്കെടുക്കുന്ന കമ്മിറ്റിയായിരുന്നു. പക്ഷെ അതിനു പോകാന്‍ താമസിച്ചുപോയി. അപ്പോഴാണ് ഏഴാം നമ്പര്‍ ബൂത്തിന്റെ പ്രസിഡന്റ് ഫൈസല്‍ എത്തിയത്. ഫൈസലിന്റെ സ്‌കൂട്ടറില്‍ കയറി പോകവേയാണ് ലെവല്‍ ക്രോസ് അടച്ചത്.

ഗേറ്റ് തുറക്കാന്‍ വേണ്ടി വെയിറ്റ് ചെയ്തിരുന്ന സമയത്ത് ലെഫ്റ്റ് സൈഡില്‍ ഒരു കാറില്‍ കുറച്ചു പേര്‍ ഉണ്ടായിരുന്നു. അതിലുണ്ടായിരുന്നവരാണ് ചിരിക്കുകയും കൈ വീശി കാണിക്കുകയും ഒപ്പം വീഡിയോ പകര്‍ത്തുകയും ചെയ്തത്. ആ വീഡിയോയാണ് വൈറലായത്.