സമ്പാദ്യമെല്ലാം ഭാര്യയുടെ പേരിലാക്കി; താനിപ്പോള്‍  'പാപ്പരാണ്;  വേണമെങ്കില്‍ അറസ്റ്റ് ചെയ്തു കൊണ്ടുപോകാം;ജീവിതത്തില്‍ ഞാന്‍ ആവശ്യപ്പെടുന്നത് കാശല്ല; സ്നേഹമാണ്; ബാല പങ്ക് വച്ചത്

നടന്‍ ബാലയുടെ ഭാര്യ കോകിലയുടെ പിറന്നാളായിരുന്നു കഴിഞ്ഞ ദിവസം. കുടുംബത്തിനൊപ്പം വിപുലമായി ആഘോഷമായിരുന്നു ഒരുക്കിയത്.
പിറന്നാള്‍ ആഘോഷത്തിനിടെ ഭാര്യയോടുള്ള പ്രണയവും വിശ്വാസവും തുറന്നുപറയുകയാണ് ബാല. തന്റെ സ്വത്ത് മുഴവന്‍ കോകിലയ്ക്ക് കൊടുത്തെന്നും താന്‍ പാപ്പരാണെന്നുമാണ് ബാല പറയുന്നത്.

പിറന്നാള്‍ സമ്മാനമായി ബാല കോകിലയ്ക്ക് നല്‍കിയ മാലയുടെ വില ചോദിച്ച യൂട്യൂബേഴ്‌സിനോടാണ് ബാല തന്റെ സ്വത്തിനെ പറ്റി പറഞ്ഞത്. 'മാലയുടെ വില ചോദിക്കേണ്ട, ഞാന്‍ എന്റെ സ്വത്തെല്ലാം കോകിലയ്ക്കും ഭാര്യയ്ക്കും കൊടുത്തു. എന്റെ കയ്യില്‍ ഒന്നുമില്ല. ഞാന്‍ പാപ്പരാണ്. വേണമെങ്കില്‍ അറസ്റ്റ് ചെയ്തു കൊണ്ടുപോകാം' എന്നാണ് ബാല പറയുന്നത്.

സ്വത്തെല്ലാം നല്‍കാന്‍ കോകില എന്താണ് നല്‍കിയതെന്ന് ചോദിക്കുമ്പോള്‍ എന്നെ വിശ്വസിച്ചു എന്നാണ് ബാല പറയുന്നത്. 'വീട്ടില്‍ നിന്നും പുറത്തു പോകണമെന്ന് പറഞ്ഞാല്‍ പോകണം. ഒന്നുമില്ലാത്തയാളാണ് ഞാന്‍' എന്നും ബാല വിഡിയോയില്‍ പറയുന്നുണ്ട്. കോകിലയുടെ കഴുത്തിലെ മാല എട്ടു പവനോളമുണ്ടെന്നും അതിന്റെ വില ഒന്‍പത് ലക്ഷത്തോളമാണെന്നും ബാല പറഞ്ഞു.

തന്റെ കഴുത്തിലെ മാല സ്ഫടികം കൊണ്ടുണ്ടാക്കിതാണെന്നും കോകില സമ്മാനിച്ചതു കൊണ്ട് അതിന് വിലമതിക്കാന്‍ കഴിയില്ലെന്നും ബാല പറയുന്നുണ്ട്. ഞാനൊരു മനുഷ്യന്‍, മരണത്തിന് മുന്നില്‍ നിന്നും ജീവിതം തിരിച്ച് തന്നത് ദൈവം. ജീവിതത്തില്‍ ഞാന്‍ ആവശ്യപ്പെടുന്നത് കാശല്ല, സ്നേഹമാണ്. ചോദ്യങ്ങള്‍ക്ക് ഉത്തരം പറയാന്‍ പേടിയാണ് ഇപ്പോള്‍. എന്റെ എല്ലാ സ്വത്തും ഞാന്‍ കോകിലയ്ക്ക് കൊടുത്തു.

എനിക്ക് പത്ത് രൂപ വേണമെന്നുണ്ടെങ്കില്‍ കോകില തരണം. ഞാനൊരു ബിസിനസ് പ്രൊഡക്ടല്ല. എനിക്കും വേദനിക്കും. ഒരു മനുഷ്യന്‍ ജീവിച്ചിരിക്കുമ്പോള്‍ ചത്ത് പോയാല്‍ എന്നൊക്കെ ചോദിച്ചാല്‍ എന്റെ മനസും വേദനിക്കും. രണ്ട് വര്‍ഷമായി ഞാന്‍ മിണ്ടിയിട്ടില്ലല്ലോ. ഇതുവരെ ഞാന്‍ മൗനമാണ്. ഞാന്‍ മാത്രമല്ല വിക്ടിം, എന്നെപ്പോലെ കുറേ പേരുണ്ട്.

ഇത്ര പേര്‍ക്ക് ഇത്ര കോടി കൊടുത്തു. കാശ് വേണ്ട, സത്യം പറയുമോ എന്നൊക്കെ ചോദിച്ച് ആളുകള്‍ വിളിക്കുന്നുണ്ട്. പറ്റുന്നില്ലെടാ എന്നാണ് അവരോടുള്ള എന്റെ മറുപടി.- ബാല പറഞ്ഞു.
വീട്ടില്‍ കുറേ പട്ടികളുണ്ട്. അവര്‍ക്കെല്ലാം ചേട്ടന്‍ സ്വര്‍ണ്ണമാല ഇട്ടിരുന്നു. ബി എന്നെഴുതിയ ലോക്കറ്റുമുണ്ട്. നമ്മളേക്കാളും ചെലവാണ് ഇവര്‍ക്ക്. ആശുപത്രിയില്‍ പോവുന്നതും, കുളിപ്പിക്കുന്നതും, ഫുഡുമൊക്കെയായി നല്ല ചെലവാണ്. ഒരു മാസം അന്‍പതിനായിരത്തോളം ചെലവുണ്ട്. നാല് പേരുണ്ടല്ലോ. നമ്മള്‍ തന്നെയാണ് നോക്കുന്നത്. ഞാന്‍ എല്ലാ പഠിച്ച് വരികയാണ്. ഇവരോടൊപ്പമുള്ളപ്പോള്‍ സമയം പോവുന്നതേ അറിയില്ല. മാമാക്ക് ജീവനാണ് ഇവരൊക്കെ. എല്ലാവരും നല്ല സ്നേഹമാണ്. നിയോ, ഡെയ്സി, ഷെല്‍സി, സിങ്ക എന്നൊക്കെയാണ് പട്ടികളുടെ പേരുകള്‍. ഇതുവരെ ഇവര്‍ ആരേയും കടിച്ചിട്ടില്ല എന്നായിരുന്നു വളര്‍ത്തുമൃഗങ്ങളെക്കുറിച്ച് കോകിലയുടെ കമന്റ്.

കഴിഞ്ഞ ദിവസം പത്തു വര്‍ഷമായി ഒരാള്‍ തന്നെ ദ്രോഹിക്കുകയാണെന്നും ഇനിയും തുടര്‍ന്നാല്‍ പരസ്യമായി പ്രതികരിക്കുമെന്നും ബാല പറഞ്ഞിരുന്നു.