തല അജിത്തിനെ ജീവനു തുല്യം സ്നേഹിക്കുന്ന നൂറുകണക്കിന് ആരാധകരുണ്ട്. ഷൂട്ടിംഗ് സെറ്റില്‍ മാത്രമല്ല അജിത് എവിടെ ഉണ്ടെന്ന് അറിഞ്ഞാലും അവിടെയൊക്കെ ആരാധകരുടെ വലിയൊരു കൂട്ടവുമുണ്ടാകും. തന്നെ കാണാനെത്തുന്ന ആരാധകരെ തലയും ഒരിക്കലും നിരാശരാക്കാറില്ല. അവരോട് കുശലം പറഞ്ഞും ഒപ്പം നിന്ന് ഫോട്ടോ പകര്‍ത്തിയതിനുശേഷമായിരിക്കും അജിത് അവരെ പറഞ്ഞയക്കുക. ആരാധകരോട് അജിത് കാണിച്ച സ്നേഹത്തിന് നേര്‍സാക്ഷിയായ സന്ദര്‍ഭത്തെക്കുറിച്ച് പങ്കുവച്ചിരിക്കുകയാണ് അജിത്തിന്റെ പുതിയ ചിത്രമായ വിശ്വാസം ടീമിലെ അംഗം. എ.വി.എം ഡബ്ബിംഗ് സ്റ്റുഡിയോയില്‍ ഏതാനും നാളുകള്‍ക്കു മുന്‍പാണ് സംഭവം.വിശ്വാസത്തിന്റെ ഡബ്ബിംഗ് ജോലിഎ.വി.എമ്മില്‍ നടക്കുകയായിരുന്നു. തന്റെ ഭാഗം പൂര്‍ത്തിയാക്കുന്നതിനായി അജിത് രാത്രി മുഴുവന്‍ ചെലവഴിച്ചു.
അജിത് സ്റ്റുഡിയോയിലുണ്ടെന്ന് അറിഞ്ഞ ഒരു കൂട്ടം ആരാധകര്‍ പുറത്ത് താരത്തെ കാണാനായി കാത്തുനിന്നു. പുലര്‍ച്ചെയാണ് അജിത്തിന്റെ ഡബ്ബിംഗ് പൂര്‍ത്തിയായത്. അപ്പോഴും ആരാധകര്‍ പുറത്ത് കാത്തുനില്‍പ്പുണ്ടായിരുന്നു.ഡബ്ബിംഗ് പൂര്‍ത്തിയാക്കി കാറില്‍ അജിത് പുറത്തേക്ക് എത്തിയപ്പോള്‍ ആരാധകര്‍ കാറിനു പുറകേ ഓടി. ഇതു ശ്രദ്ധയില്‍പ്പെട്ട അജിത് കാര്‍ നിര്‍ത്തി പുറത്തേക്ക് ഇറങ്ങി. രാത്രി മുഴുവന്‍ ഉറക്കം കളഞ്ഞ് തന്നെ കാത്ത് ആരാധകര്‍ നിന്നുവെന്നറിഞ്ഞപ്പോള്‍ സന്തോഷത്തിനു പകരം അജിത്തിന് ദുഃഖമാണുണ്ടായത്. ഇനി ഒരിക്കലും ഇങ്ങനെ ചെയ്യരുതെന്ന് ആരാധകരെ താരം ഉപദേശിച്ചു. അവര്‍ക്കൊപ്പം ഗ്രൂപ്പ് സെല്‍ഫി എടുത്തശേഷമാണ് അജിത് മടങ്ങിയത്.
Premium Lifestyle and Entertainment website
മഞ്ചേരിയിലെ നാട്ടിന്‍ പുറത്തുകാരി പെണ്‍കുട്ടി; ചേട്ടന്‍ പ്രതീഷ് നന്ദന്‍ വഴിയാണ് ഓഡിഷന്; നീലക്കുയിലിലെ കസ്തൂരിയായെത്തി മിനിസ്‌ക്രിന്‍ പ്രേക്ഷകകുടെ പ്രിയങ്കരിയായസ്നിഷാ ചന്ദ്രന്റെ കഥ
മഹേഷ് നാരായണന്‍ ചിത്രത്തിന്റെ ഷൂട്ടിനായി ലാലേട്ടന്‍ ശ്രീലങ്കയിലെത്തി; നിര്‍മാതാവ് ആന്റോ ജോസഫിനൊപ്പം വിമാനത്താവളത്തിലെത്തിയ നടന്റെ ദൃശ്യങ്ങള്‍ സോഷ്യല്‍മീഡിയയില്‍ ഹിറ്റ്; ചിത്രത്തില്‍ ഫഹദും നയന്‍താരയും എത്തുമെന്നും അഭ്യൂഹം