നിത്യ ഹരിത നായകന്‍ ഫസ്റ്റ് ലുക്ക് പുറത്തു വിട്ടു; വിഷ്ണു ഉണ്ണികൃഷ്ണന്‍ നായകന്‍; പോസ്റ്ററിലെ മുഖം ഒറ്റ നോട്ടത്തില്‍ 'പ്രേം നസ്സീര്‍ തന്നെ

നിത്യ ഹരിത നായകന്‍- ഈ നാമവിശേഷണം എക്കാലത്തും ഒരാള്‍ക്ക് മാത്രമാണ് സ്വന്തംമാണ്.അനശ്വര നടന്‍ പ്രേം  നസീര്‍. അങ്ങനെ കേള്‍ക്കാനാണ് മലയാളികല്‍ക്ക് ഇഷ്ടം. നസീറിനെ ഓര്‍ക്കാന്‍ ഇതിലും വലുതായി മറ്റൊന്നുമില്ല. ഈ പേരില്‍ ഇറങ്ങിയ ചിത്രമാണ് ഫസ്റ്റ് ലുക്ക് പോസ്റ്റര്‍ വഴി ഭൂതകാലത്തേക്കു കൂട്ടിക്കൊണ്ടു പോകുന്നത്. വിഷ്ണു ഉണ്ണികൃഷ്ണന്‍ നായകനാവുന്ന ചിത്രത്തിന്റെ പോസ്റ്ററിലെ മുഖം ഒറ്റ നോട്ടത്തില്‍ കണ്ടാല്‍ 'പ്രേം നസ്സീറിനെ പോലെയുണ്ടല്ലോ' എന്നു ആര് കണ്ടാലും പറയും

അറുപതുകളെ ഓര്‍മിപ്പിക്കുന്ന ചിത്രം നടനും സംവിധായകനുമായ സൗബിന്‍ ഷാഹിറിന്റെ ഫേസ്ബുക് അക്കൗണ്ട് വഴി പുറത്തു വന്നിരിക്കുകയാണ്. ധര്‍മജന്‍ ബോള്‍ഗാട്ടി നിര്‍മാതാവാവുന്നു എന്ന പ്രത്യേകത കൂടിയുണ്ട് ചിത്രത്തിനു. മനു തച്ചേട്ടാണ് സഹ നിര്‍മ്മാണം. സംവിധാനം എ.ആര്‍. ബിനുരാജ്.

പാലക്കാട് നെന്മാറയിലായിരുന്നു ചിത്രത്തിന്റെ ഷൂട്ടിംഗ്. ഇന്ദ്രന്‍സ്, മഞ്ജു പിള്ള എന്നിവരുടെ മകനായാണ് വിഷ്ണു ഈ ചത്രത്തില്‍ വ്യത്യസ്ത ലുക്കില്‍ എത്തുന്നു.കട്ടപ്പനയിലെ ഋതിക് റോഷന് ശേഷം സുഹൃത്തുക്കളായി ധര്‍മജനും വിഷ്ണുവും വീണ്ടും ഒന്നിക്കുന്ന അവസരം കൂടിയാണു നിത്യ ഹരിത നായകന്‍. വളരെ വ്യത്യസ്തമായ വിഡിയോയിലൂടെയാണ് ചിത്രം പ്രഖ്യാപിക്കപ്പെട്ടതു തന്നെ. അന്നും പ്രേം നസീറുമായി ചിത്രത്തിനു ബന്ധമുണ്ടോയെന്ന സംശയം പ്രകടിപ്പിച്ചിരുന്നു ആരാധകര്‍. ചിത്രത്തിന്റെ റിലീസ് തിയ്യതി വെളിപ്പെടുത്തിയിട്ടില്ല.