ഷാനവാസ് ഇപ്പോഴും വെന്റിലേറ്ററിന്റെ സഹായത്തിലാണ്; അവന്റെ ഹൃദയം ഇപ്പോഴും മിടിക്കുന്നുണ്ട്; വിജയ് ബാബു

സൂഫിയും സുജാതയും സംവിധായകൻ ഷാനവാസ് നരണിപ്പുഴ അതീവ ​ഗുരുതരമായി വെന്റിലേറ്ററില്‍ തുടരുകയാണെന്ന് നിര്‍മാതാവും നടനുമായ വിജയ് ബാബു പറഞ്ഞു.  ഷാനവാസ് മരിച്ചതായി നേരത്തെ റിപ്പോര്‍ട്ടുകളുണ്ടായിരുന്നു. ഫേയ്സ്ബുക്കിലൂടെ വിജയ് ബാബു വെന്റിലേറ്ററി സഹായത്തോടെ ജീവന്‍ നിലനിര്‍ത്തിയിരിക്കുകയാണെന്നും ഹൃദയം ഇപ്പോഴും മിടിക്കുന്നുണ്ടെന്നുമാണ്  അറിയിച്ചത്.

ഷാനവാസ് ഇപ്പോഴും വെന്റിലേറ്ററിന്റെ സഹായത്തിലാണ്. അവന്റെ ഹൃദയം ഇപ്പോഴും മിടിക്കുന്നുണ്ട്. അവനുവേണ്ടി പ്രാര്‍ത്ഥിക്കാന്‍ എല്ലാവരോടും അപേക്ഷിക്കുകയാണ്. അത്ഭുതം സംഭവിക്കുമെന്ന പ്രതീക്ഷയിലാണ് ഞങ്ങള്‍ ഇപ്പോഴും. ഷാനവാസിന്റെ ആരോ​ഗ്യനില കൃത്യമായി അറിയിക്കാമെന്നും തെറ്റായ വിവരങ്ങള്‍ പങ്കുവെക്കരുതെന്നും വിജയ് പറഞ്ഞു.

 പുതിയ സിനിമയുമായി ബന്ധപ്പെട്ട് അട്ടപാടിയിൽ തിരക്കുകളിയാലിരുന്നു ഷാനവാസ്. ഇതിനിടയിലാണ് ഹൃദയാഘാതം ഉണ്ടായത്. അദ്ദേഹത്തെ ആശുപത്രിയിൽ സുഹൃത്തുക്കളാണ്  എത്തിച്ചത്. ജയസൂര്യ കേന്ദ്ര കഥാപാത്രമായി എത്തിയ സൂഫിയും സുജാതയും എന്ന ചിത്രത്തിന്റെ സംവിധായകനും തിരക്കഥാകൃത്തുമാണ് ഷാനവാസ്.

 ഷാനവാസ് സിനിമാ ലോകത്ത് എഡിറ്ററായാണ് സജീവമായത്. ആദ്യമായി  ഷാനവാസ് സംവിധാനം ചെയ്തത്  2015ല്‍ പുറത്തിറങ്ങിയ കരി എന്ന ചിത്രമാണ്. ഏറെ നിരൂപക ശ്രദ്ധ  ജാതീയത ചർച്ച ചെയ്ത ചിത്രം  പിടിച്ചു പറ്റിയിരുന്നു. ഒട്ടനവധി ചലച്ചിത്രയോത്സവങ്ങളിൽ പ്രദർശിപ്പിക്കുകയും പുരസ്‍കാരങ്ങൾക്ക് അർഹമാവുകയും ചെയ്തു.  ഒടിടി റിലീസായി കോവിഡ് പശ്ചാത്തലത്തില്‍ ആദ്യ മലയാള ചിത്രമായിരുന്നു സൂഫിയും സുജാതയും.  സിനിമയിലെ മറ്റ് താരങ്ങള്‍ അതിഥി റാവു ഹൈദരി, കലാരഞ്ജിനി, ദേവ് മോഹന്‍, സിദ്ധിഖ് എന്നിവരായിരുന്നു. ഫ്രൈഡേ ഫിലിം ഹൗസിന്റെ ബാനറില്‍ വിജയ് ബാബുവാണ് സൂഫിയും സുജാതയും നിര്‍മ്മിച്ചത്.