വ്യത്യസ്തമായ ശബ്ദം കൊണ്ട് സംഗീതലോകത്ത് തന്റെതായ സ്ഥാനം കണ്ടെത്തിയ ഗായിക വൈക്കം വിജയ ലക്ഷ്മി വിവാഹിതയാകുന്നു. പാലാ പുലിയന്നൂര്‍ സ്വദേശിയും മിമിക്രി ആര്‍ട്ടിസ്റ്റുമായ എന്‍ അനൂപാണ് വരന്‍. അടുത്ത മാസം ഒക്ടോബര്‍ 22 നാണ് വിവാഹം. വൈക്കം മഹാദേവ ക്ഷേത്രത്തില്‍ വെച്ചയായിരിക്കും വിവാഹചടങ്ങുകളെന്നാണ് റിപ്പോര്‍ട്ടുകള്‍. സെല്ലുലോയ്ഡ്' എന്ന മലയാള സിനിമയിലെ 'കാറ്റേ കാറ്റേ നീ പൂക്കാ മരത്തില്‍ പാട്ടും മൂളിവന്നു...' എന്ന ഗാനത്തിലൂടെയാണ് വിജയലക്ഷ്മി ചലച്ചിത്രലോകത്ത് കൂടുതല്‍ ശ്രദ്ധ നേടിയത്.
ഈ ഗാനത്തിലൂടെ സംസ്ഥാന സര്‍ക്കാരിന്റെ സ്പെഷ്യല്‍ ജൂറി പുരസ്‌കാരവും തൊട്ടടുത്ത വര്‍ഷം 'ഒറ്റയ്ക്ക് പാടുന്ന...' എന്ന ഗാനത്തിലൂടെ സംസ്ഥാന പുരസ്‌കാരവും വിജയലക്ഷ്മി കരസ്ഥമാക്കിയിരുന്നു.
മുമ്പ് വിവാഹ ശേഷം സംഗീതലോകത്ത് നിന്ന് പൂര്‍ണ്ണമായും വിട്ടുനില്‍ക്കണമെന്ന് ആവശ്യപ്പെട്ടയാളുടെ വിവാഹലോചന വിജയലക്ഷ്മി നിരസിച്ചിരുന്നത് വാര്‍ത്തയായിരുന്നു. സംഗീത ലോകത്ത് നിന്ന് ഒരിക്കലും തനിക്ക് വിട്ടു നില്‍ക്കാന്‍ കഴിയില്ലെന്ന് അവര്‍ പറഞ്ഞിരുന്നു.
അതേസമയം വിജയലക്ഷ്മിയുടെ സംഗീതം ഏറെ ഇഷ്ടപ്പെടുന്ന അനൂപ് അവരെ തന്നെ ജീവിത സഖിയാക്കാന്‍ തീരുമാനിക്കുകയായിരുന്നു. കലാരംഗത്തും സംഗീത രംഗത്തും അറിവും പരിചയവുമുള്ള അനൂപിന്റെ വ്യക്തിപ്രഭാവമാണ് വിജയലക്ഷ്മിയെ ആകര്‍ഷിച്ചത്
Premium Lifestyle and Entertainment website
നാടക പ്രവര്‍ത്തകരുടെ ദുരന്തത്തില്‍ ദുഃഖം താങ്ങാനാകാതെ സഹപ്രവര്‍ത്തകര്‍; ദേവ കമ്മ്യൂണിക്കേഷന്‍സിലെ അഞ്ജലിയും ജെസ്സിയും ഓര്‍മ്മയാകുമ്പോള്‍
ചാനലില്‍ വര്‍ക്ക് ചെയ്തിരുന്ന വേറൊരു പെണ്‍കുട്ടി വരുമെന്നാണ് വിചാരിച്ചത്; ഞാന്‍ ചെന്ന് അഭിമുഖത്തിനായി ഇന്‍ട്രോ പറഞ്ഞതോടെ ഷൗട്ട് ചെയ്തു;നമ്മള്‍ ഒരുപാട് ആരാധിക്കുന്ന വ്യക്തിയില്‍ നിന്നും ഉണ്ടായ മോശം അനുഭവം പങ്ക് വച്ച് നടന്‍ കൂടിയായ ആര്‍ ജെ ഗദ്ദാഫി