കെജിഎഫ് എന്ന ഒറ്റ ചിത്രത്തിലൂടെ ഇന്ത്യയൊട്ടാകെ പ്രേക്ഷകരുടെ ശ്രദ്ധ പിടിച്ചു പറ്റിയ താരമാണ് യാഷ്. ഗീതു മോഹന്‍ദാസ് സംവിധാനം നിര്‍വഹിച്ച് യാഷ് പ്രധാന വേഷത്തിലെത്തുന്ന 'ടോക്സിക്' എന്ന ചിത്രത്തിനായി വലിയ ആകാംക്ഷയോടെയാണ് പ്രേക്ഷകര്‍ കാത്തിരിക്കുന്നത്. കഴിഞ്ഞ വര്‍ഷം ഓഗസ്റ്റിലാണ് ടോക്‌സിക്കിന്റെ ചിത്രീകരണം ആരംഭിച്ചിരിക്കുന്നത്. ഇപ്പോള്‍ പുറത്ത് വന്നിരിക്കുന്ന ചിത്രത്തിന്റെ അപ്‌ഡേറ്റ് പ്രേക്ഷകരില്‍ ആകാംഷ വര്‍ദ്ധിപ്പിച്ചിരിക്കുകയാണ്.
ചിത്രത്തിന്റെ വിദേശ റിലീസിന് വേണ്ടി നിര്‍മ്മാതാക്കള്‍ ഹോളിവുഡിലെ പ്രമുഖ നിര്‍മ്മാണ, വിതരണ കമ്പനിയായ ട്വന്റിയത് സെഞ്ചുറി സ്റ്റുഡിയോയുമായി ചര്‍ച്ചകള്‍ നടത്തുകയാണെന്നാണ് റിപ്പോര്‍ട്ട്. ആദ്യ ഘട്ട ചര്‍ച്ചകളാണ് ഇപ്പോള്‍ നടക്കുന്നത്. യഷും കെവിഎന്‍ പ്രൊഡക്ഷന്‍സും ചേര്‍ന്നാണ് ചിത്രം നിര്‍മ്മിക്കുന്നത്. അന്തര്‍ദേശീയ വിതരണക്കാരെ കണ്ടെത്താനുള്ള അന്വേഷണമാണ് നടക്കുന്നതെന്നും ചര്‍ച്ചയുടെ മുന്‍നിരയിലുള്ളത് ട്വന്റിയത് സെഞ്ചുറി സ്റ്റുഡിയോസ് ആണെന്നും റിപ്പോര്‍ട്ടുകളുണ്ട്.
ഗോവയില്‍ പ്രവര്‍ത്തിക്കുന്ന ഒരു മയക്കുമരുന്ന് സംഘത്തെ ചുറ്റിപ്പറ്റിയാണെന്ന് ടോക്സിക് സിനിമയെന്ന് നേരത്തെ റിപ്പോര്‍ട്ടുകള്‍ പുറത്ത് വന്നിരുന്നു. ''എ ഫെയറി ടെയില്‍ ഫോര്‍ ഗ്രൗണ്‍-അപ്‌സ്'' എന്നാണ് ടാഗ്ലൈന്‍. കെവിഎന്‍ പ്രൊഡക്ഷന്‍സിന്റെ ബാനറില്‍ വെങ്കട്ട് കെ നാരായണയും മോണ്‍സ്റ്റര്‍ മൈന്‍ഡ് ക്രിയേഷന്‍സും ചേര്‍ന്നാണ് നിര്‍മാണം. ചിത്രത്തിന്റെ ആക്ഷന്‍ കൊറിയോഗ്രാഫറായി ജോണ്‍ വിക്ക്, ഫാസ്റ്റ് ആന്റ് ഫ്യൂരിയസ്,ഡേ ഷിഫ്റ്റ് പോലുള്ള ചിത്രങ്ങളില്‍ സ്റ്റണ്ട് ഒരുക്കിയ ജെജി പെറിയാണെന്ന വാര്‍ത്തകള്‍ വലിയ ചര്‍ച്ചയായിരുന്നു.
നേരത്തെ, ഒരു അഭിമുഖത്തില്‍ യാഷ് ചിത്രത്തെ കുറിച്ചുള്ള കാര്യങ്ങള്‍ പങ്കു വെച്ചിരുന്നു. ഒരു ചെറിയ ആശയത്തില്‍ നിന്നും ആരംഭിച്ച ചിത്രം നേരത്തെ തീരുമാനിച്ചിരുന്നതില്‍ നിന്ന് വലിയ രീതിയില്‍ വികസിച്ചിട്ടുണ്ടെന്നും യാഷ് വെളിപ്പെടുത്തിയിരുന്നു. ഗീതുവിന്റെ മുന്‍ ചിത്രങ്ങളായ ലയേഴ്‌സ് ഡൈസ്, മൂത്തോന്‍ എന്നിവയില്‍ നിന്ന് തീര്‍ത്തും വ്യത്യസ്തമായിരിക്കും ഈ സിനിമയെന്നും താരം വ്യക്തമാക്കി.
പ്രേക്ഷകരെ തൃപ്തിപ്പെടുത്തുന്ന ഒരു വാണിജ്യ ചിത്രമായിരിക്കും 'ടോക്സിക്' കൂടാതെ, മികച്ച സ്ത്രീ കഥാപാത്രങ്ങള്‍ ചിത്രത്തില്‍ ഉണ്ടാകുമെന്നും യഷ് പറഞ്ഞിരുന്നു. 2023 ഡിസംബറില്‍ ടോക്സിക് പ്രഖ്യാപിച്ചത്. മറ്റ് അഭിനേതാക്കളെ കുറിച്ച് ഔദ്യോഗിക സ്ഥിരീകരണമൊന്നും ഉണ്ടായിട്ടില്ലെങ്കിലും, യാഷിന്റെ നായികയായി കിയാര അദ്വാനി അഭിനയിക്കുമെന്നാണ് റിപ്പോര്‍ട്ട്. അതേസമയം നയന്‍താര യാഷിന്റെ സഹോദരിയായി വേഷമിടുമെന്നാണ് വിവരം.
Premium Lifestyle and Entertainment website
ഗോബി മഞ്ചൂരിയന്‍
കുഞ്ഞിന് തടിയും തൂക്കവും വയ്ക്കാന്‍ ദിവസവും പഴം
മുഖകാന്തി കൂട്ടാന്‍ തക്കാളി കൊണ്ടുള്ള 4 ഫേസ് പാക്കുകള്‍
ശൈത്യകാലത്ത് ഹൃദയാഘാത സാധ്യത; ശ്രദ്ധിക്കേണ്ടത് എന്തൊക്കെ?
മാര്‍ക്കോവിലൂടെ' ഒരു പ്രതിഭയുടെ അരങ്ങേറ്റം; കൈയ്യടി നേടി ഇഷാന്‍ ഷൗക്കത്തും