മലയാളത്തിന് ഇത് റീറിലീസുകളുടെ കാലമാണ്. മോഹന്‍ലാല്‍-സിബി മലയില്‍ കൂട്ടുകെട്ടിന്റെ ദേവദൂതന്‍ രണ്ടാം വരവില്‍ മികച്ച പ്രതികരണം നേടുന്ന വേളയില്‍ തന്നെ മലയാളത്തിന്റെ എവര്‍ക്ലാസ്സിക് മണിച്ചിത്രത്താഴും അടുത്ത ദിവസം തിയേറ്ററുകളിലേക്ക് എത്തുകയാണ്. ഈ രണ്ട് സിനിമകള്‍ക്കും പിന്നാലെ മറ്റൊരു മോഹന്‍ലാല്‍ സിനിമ കൂടി റീ റിലീസിന് ഒരുങ്ങുന്നതായുളള റിപ്പോര്‍ട്ടുകളാണ് വരുന്നത്.
പ്രിയദര്‍ശന്റെ സംവിധാനത്തില്‍ 1994ല്‍ റിലീസ് ചെയ്ത തേന്മാവിന്‍ കൊമ്പത്താണ് റീ റിലീസിന് ഒരുങ്ങുന്നത്. 4കെ ക്വാളിറ്റിയോടെയാണ് ചിത്രം റീ റിലീസ് ചെയ്യുക എന്നും ഇ4 എന്റര്‍ടെയ്ന്‍മെന്റ്‌സായിരിക്കും സിനിമ വീണ്ടും പ്രേക്ഷകര്‍ക്ക് മുന്നിലെത്തിക്കുക എന്നും റിപ്പോര്‍ട്ടുകളുണ്ട്. ആറുമാസത്തിനുള്ളില്‍ സിനിമയുടെ റീ റിലീസ് ഉണ്ടാകുമെന്നാണ് സൂചന.
മോഹന്‍ലാലും ശോഭനയും നെടുമുടി വേണുവും പ്രധാന കഥാപാത്രങ്ങളായെത്തിയ ചിത്രത്തില്‍ കവിയൂര്‍ പൊന്നമ്മ, കുതിരവട്ടം പപ്പു, ശങ്കരാടി, ശ്രീനിവാസന്‍, സുകുമാരി, കെപിഎസി ലളിത എന്നിവരും അഭിനയിച്ചിട്ടുണ്ട്.
പ്രശസ്ത ഛായാഗ്രാഹകനും സംവിധായകനുമായ കെ വി ആനന്ദ് ആയിരുന്നു സിനിമയ്ക്കായി ക്യാമറ ചലിപ്പിച്ചത്. ഈ സിനിമയിലൂടെ അദ്ദേഹത്തിന് മികച്ച ഛായാഗ്രാഹകനുള്ള ദേശീയ പുരസ്‌കാരവും ലഭിച്ചിരുന്നു. ബേണി ഇഗ്‌നേഷ്യസ് കൂട്ടുകെട്ടായിരുന്നു സിനിമയ്ക്ക് ഗാനങ്ങള്‍ ഒരുക്കിയത്. വരികള്‍ രചിച്ചത് ഗിരീഷ് പുത്തഞ്ചേരിയുമായിരുന്നു
Premium Lifestyle and Entertainment website
വെളളരിക്കയും ഉരുളക്കിഴങ്ങും തൊടില്ല; വര്‍ക്കൗട്ട് ചെയ്യുന്നത് സ്ഥിരം ശീലം; വെള്ളം കുടിയും മുടക്കില്ല; ഷൂട്ടിനിടയിലും മറക്കാതെയുള്ള ആഹാര ക്രമങ്ങള്‍; രഹസ്യങ്ങള്‍ പരസ്യമാക്കി താരം; രശ്മികയുടെ ബ്യൂട്ടി സീക്രട്ടിന് പിന്നില്‍! 
മലൈക്കോട്ടൈ വാലിബന് രണ്ടാം ഭാഗം ഉണ്ടാകില്ല'; മോഹന്‍ലാല്‍-ലിജോ കൂട്ടുകെട്ടില്‍ പുതിയ പ്രൊജക്ടുകളൊന്നും പ്ലാന്‍ ചെയ്തിട്ടില്ല; മലൈക്കോട്ടൈ വാലിബന് പരാജയമായിരുന്നില്ലെന്നും നിര്‍മ്മാതാവ് ഷിബു ബേബി ജോണ്‍