വിവാദങ്ങള്‍ക്കും വിമര്‍ശനങ്ങള്‍ക്കും ഒടുവില്‍ മുന്‍പ്രധാനമന്ത്രി ഡോ മന്‍മോഹന്‍ സിംഗിന്റെ ജീവിതകഥ പറയുന്ന ദ ആക്‌സിഡന്റല്‍ പ്രൈം മിനിസ്റ്ററിന്റെ മേക്കിംങ് വീഡിയോ പുറത്ത് വിട്ടു. മന്‍മോഹന്‍ സിംഗായി അനുപം ഖേര്‍ ആണ് എത്തുന്നത്. തന്റെ ഇന്‍സ്റ്റാഗ്രാം പേജിലൂടെയാണ് അനുപം ഖേര്‍ വീഡിയോ പങ്ക വെച്ചത്.
മേക്കപ്പിലൂടെ അനുപം ഖേര്‍ എങ്ങനെ മന്‍മോഹന്‍ സിംഗായി എന്ന് കാണിക്കുന്ന വീഡിയോയാണ് പുറത്തുവിട്ടത്. പ്രധാന മന്ത്രിയായിരുന്ന കാലത്ത് ഡോ. മന്‍മോഹന്‍ സിങ്ങിന്റെ മാധ്യമ ഉപദേഷ്ടാവായിരുന്ന സഞ്ജയ് ബാരുവിന്റെ പുസ്തകത്തെ ആസ്പദമാക്കിയാണ് സിനിമ ഒരുങ്ങുന്നത്.
ചിത്രത്തില്‍ മന്‍മോഹന്‍ സിങ്ങിനു പുറമെ മറ്റൊരു പ്രധാന കഥാപാത്രമായ സോണിയ ഗാന്ധിയെ അവതരിപ്പിക്കുന്നത് ജര്‍മന്‍ നടി സൂസന്‍ ബെര്‍നാടാണ്. വിജയ് രത്നാകര്‍ ആണ് സിനിമ സംവിധാനം ചെയ്യുന്നത്. ചിത്രം ഈ വെള്ളിയാഴ്ച്ച റിലീസ് ചെയ്യും. 3000 സ്‌ക്രീനുകളിലായിരിക്കും ചിത്രം റിലീസ് ചെയ്യുക.
ഇതിന് മുമ്പ് ചിത്രത്തിന്റെ ട്രെയിലര്‍ നീക്കം ചെയ്യണമെന്ന ഹര്‍ജി ഡല്‍ഹി ഹൈക്കോടതി തള്ളിയിരുന്നു. ദല്‍ഹി സ്വദേശിയും ഫാഷന്‍ ഡിസൈനറുമായ പൂജ മഹാജനാണ് ട്രെയിലറിനെതിരെ ഹൈക്കോടതിയെ സമീപിച്ചത്. ഗൂഗിള്‍, യുട്യൂബ്, സെന്‍സര്‍ ബോര്‍ഡ് എന്നിവരില്‍ നിന്നാണ് ട്രെയിലര്‍ നീക്കം ചെയ്യാന്‍ പൂജ മഹാജന്‍ കോടതിയോട് ആവശ്യപ്പെട്ടത്.
Premium Lifestyle and Entertainment website
അസത്യമാണ് പ്രചരിക്കുന്നത്;ഒരുറപ്പുമില്ലാത്ത കാര്യങ്ങള്‍ക്ക് മറുപടി പോലും അര്‍ഹിക്കുന്നില്ല;ഊഹാപോഹങ്ങളെല്ലാം അങ്ങനെ അവശേഷിക്കും; ഐശ്വര്യ-അഭിഷേക് വിഷയത്തില്‍ പ്രതികരിച്ച് ബച്ചന്‍
നായകന്‍ വിനായകന്‍, ടോം ഇമ്മട്ടിയുടെ സംവിധാനത്തില്‍ 'പെരുന്നാള്‍' ഒരുങ്ങുന്നു : ചിത്രത്തില്‍ പുതുമുഖങ്ങള്‍ക്കും അവസരം