വിക്രമിനും സംവിധായകന്‍ പാ രഞ്ജിത്തിനും ഒപ്പം അടിപൊളി സെല്‍ഫി പങ്ക് വച്ചിരിക്കുകയാണ് നടി പാര്‍വ്വതി തിരുവോത്ത്. നച്ചത്തിരം നഗര്‍ഗിരത് എന്ന സിനിമയ്ക്കു ശേഷം പാ രഞ്ജിത്ത് സംവിധാനം ചെയ്യുന്ന പുതിയ ചിത്രം തങ്കാളാന്റെ ഷൂട്ടിങ് ഇടവേളയില്‍ പകര്‍ത്തിയ ചിത്രമാണിതെന്നാണ് സൂചന.
വിക്രം നായകനാകുന്ന ചിത്രത്തില്‍ പാര്‍വതി തിരുവോത്ത്, മാളവിക മോഹനന്‍, പശുപതി, തുടങ്ങിയവരും ചിത്രത്തില്‍ മറ്റ പ്രധാനകഥാപാത്രങ്ങളായെത്തുന്നു.കര്‍ണാടകയിലെ കോളാര്‍ മൈന്‍ ഫീല്‍ഡ്സ് കേന്ദ്രീകരിച്ചുള്ള ഒരു പീരീഡ് ഡ്രാമയാണ് ചിത്രമെന്നാണ് റിപ്പോര്‍ട്ടുകള്‍.
വിക്രമിന്റെ കരിയറിലെ 61-ാമത് ചിത്രമാണ് തങ്കളാന്‍. പത്തൊന്‍പതാം നൂറ്റാണ്ടില്‍ ബ്രിട്ടീഷ് ഭരണകാലത്തെ ഒരു ഗോത്രസമൂഹത്തിന്റെ പശ്ചാത്തലത്തിലാണ് ചിത്രമൊരുക്കുന്നതെന്നാണ് സൂചന.
പാ രഞ്ജിത്തിനൊപ്പം തമിഴ് പ്രഭ കൂടെ ചേര്‍ന്നാണ് സിനിമയ്ക്ക് തിരക്കഥയൊരുക്കുന്നത്. സിനിമയുടെ സംഗീതമൊരുക്കുന്നത് ജി വി പ്രകാശ്കുമാറാണ്. എ കിഷോര്‍ കുമാറിന്റെ ഛായാഗ്രഹണത്തില്‍ ഒരുങ്ങുന്ന ചിത്രത്തിന്റെ എഡിറ്റിംഗ് സെല്‍വ ആര്‍ കെ കൈകാര്യം ചെയ്യുന്നു. സിനിമയില്‍ എസ് എസ് മൂര്‍ത്തി കല സംവിധാനവും, സ്റ്റണ്ണര്‍ സാം ആക്ഷന്‍ രംഗങ്ങളും ഒരുക്കുന്നു. തമിഴ്, തെലുങ്, ഹിന്ദി, കന്നഡ ,മലയാളം എന്നീ ഭാഷകളിലായാണ് സിനിമ പുറത്തിറങ്ങുന്നത്.
Premium Lifestyle and Entertainment website
മമ്മൂട്ടിയും ജോജു ജോര്‍ജ്ജും ഒരുമിക്കുന്നു; ജോജു മമ്മൂട്ടിക്കൊപ്പം എത്തുക പൃഥിരാജിന് പകരക്കാരനായി; ജിതിന്‍ കെ. ജോസ് സംവിധാനം ചെയ്യുന്ന ചിത്രം അണിയറയില്‍
ചില അവസരങ്ങളില്‍ രഹസ്യമായി വോട്ട് ചെയ്യും; ഓണ്‍ലൈനില്‍ കൂടെയെല്ലാം അവസരമില്ലേ; വോട്ടിങിനെക്കുറിച്ച് നടി ജ്യോതിക പങ്ക് വച്ച വാക്കുകള്‍ക്ക് സോഷ്യല്‍മീഡിയയുടെ ട്രോള്‍ മഴ