കോമഡിയും പ്രണയവും ആക്ഷനും കോര്‍ത്തിണക്കി പവി കെയര്‍ ടേക്കര്‍; ദിലിപ് ചിത്രത്തിന്റെ ട്രെയിലര്‍ പുറത്ത്

ജനപ്രിയ നായകന്‍ ദിലീപ് നായകനാകുന്ന ഏറ്റവും പുതിയ ചിത്രമാണ് പവി കെയര്‍ ടേക്കര്‍. വിനീത് കുമാര്‍ സംവിധാനം ചെയ്യുന്ന ചിത്രത്തിന്റെ ട്രെയിലര്‍ പുറത്തുവിട്ടു. ഒരു ഫ്‌ലാറ്റിലെ കെയര്‍ ടേക്കറിന്റെ ജീവിത്തതിലെ സംഭവ ബഹുലമായ നിമിഷങ്ങളാണ് ട്രെയിലറിലുള്ളത്. മുമ്പത്തെ ദിലപ് ചിത്രങ്ങളിലേതുപോലെ കോമഡിക്കാണ് പ്രാധാന്യം നല്‍കുന്നത്. നര്‍മ്മരസമായ നിരവധി ഭാഗങ്ങള്‍ ട്രെയിലറില്‍ ഉള്‍പ്പെടുത്തിയിട്ടുണ്ട്....

ചിത്രം ഏപ്രില്‍ 26-നാണ് തിയേറ്ററിലെത്തുന്നത്. ദിലീപിനൊപ്പം അഞ്ച് പുതുമുഖ നായികമാരാണ് ചിത്രത്തില്‍ അണിനിരക്കുന്നത്. ഗ്രാന്‍ഡ് പ്രൊഡക്ഷന്‍സിന്റെ ബാനറില്‍ ദിലീപ് തന്നെയാണ് ചിത്രം നിര്‍മ്മിക്കുന്നത്. ജൂഹി ജയകുമാര്‍, ശ്രേയ രുഗ്മിണി, റോസ്മിന്‍, സ്വാതി, ദിലിന രാമകൃഷ്ണന്‍ എന്നിവരാണ് ചിത്രത്തിലെ അഞ്ച് പുതുമുഖ നായികമാര്‍. തിരക്കഥ ഒരുക്കിയിരിക്കുന്നത് രാജേഷ് രാഘവനാണ്. ജോണി ആന്റണി, രാധിക ശരത്കുമാര്‍, ധര്‍മജന്‍ ബോള്‍ഗാട്ടി, സ്ഫടികം ജോര്‍ജ് തുടങ്ങിയ വന്‍ താരനിര തന്നെ ചിത്രത്തിലെത്തുന്നുണ്ട്.

ടൈറ്റില്‍ സൂചിപ്പിക്കുന്നത് പോലെതന്നെ ഒരു കെയര്‍ ടേക്കറുടെ വേഷത്തിലാണ് ദിലീപ് എത്തുന്നത്.  സനു താഹിറാണ് ചിത്രത്തിന്റെ ഛായാഗ്രഹണം നിര്‍വ്വഹിക്കുന്നത്. ഷിബു ചക്രവര്‍ത്തിയുടെ വരികള്‍ക്ക് ഈണം നല്‍കുന്നത് മിഥുന്‍ മുകുന്ദനാണ്...