ഒരുകുപ്രസിദ്ധ പയ്യനില്‍ യുവതാരം നിമിഷ എത്തുന്നത് അഭിഭാഷകയുടെ വേഷത്തിലെന്ന് സൂചന; ടൊവിനോ നായകനായ ചിത്രത്തില്‍ കേന്ദ്ര കഥാപാത്രമായി അനുസിത്താരയും

ഒരു കുപ്രസിദ്ധ പയ്യനില്‍ നായികയായി മലയാളി പ്രേക്ഷകരുടെ പ്രിയ നായിക നിമിഷ സഞ്ജയനും. ചിത്രത്തിന്റെ ക്യാരക്ടര്‍ പോസ്റ്റര്‍ പുറത്തു വന്നതോടെയാണ് നിമിഷ ചിത്രത്തില്‍ പ്രധാന കഥാപാത്രമായി എത്തുന്നുവെന്ന വാര്‍ത്ത എത്തിയത്. ടൊവിനോയാണ് ചിത്രത്തിലെ നായകന്‍. ചിത്രത്തിന്റെ ക്യാരക്ടര്‍ പോസ്റ്ററില്‍ അഭിഭാഷകയുടെ വേഷത്തിലാണ് നിമിഷ ഉളളത്. അതിനാല്‍ തന്നെ അഭിഭാഷകയുടെ റോളിലാകും നിമിഷ എത്തുകയെന്നാണ് വിവരം.  

ഹന്ന എലിസബത്തെന്നാണ് നിമിഷയുടെ കഥാപാത്രത്തിന്റെ പേര്. കേരളത്തെ പിടിച്ചു കുലുക്കിയ 2012-13 കാലഘട്ടത്തിലെ കൊലപാതകമാണ് കഥക്ക് പ്രചോദനമെന്നു റിപ്പോര്‍ട്ട്. അജയന്‍ എന്നാണ് ടൊവിനോയുടെ കഥാപാത്രത്തിന്റെ പേര്..

ജീവന്‍ ജോബ് തോമസാണ് ഒരു കുപ്രസിദ്ധ പയ്യന്റെ തിരക്കഥയും സംഭാഷണവും നിര്‍വഹിച്ചിരിക്കുന്നത്. നൗഷാദ് ഷെരീഫ് ആണ് ചിത്രത്തിന്റ് ഛായാഗ്രഹണം. അനു സിതാര, ശരണ്യ പൊന്‍വണ്ണന്‍, സിദ്ദിഖ്, ദിലീഷ് പോത്തന്‍, ശ്വേത മേനോന്‍, അലെന്‍സിര്‍, നെടുമുടി വേണു തുടങ്ങിയവരും അണി നിരക്കുന്നു. അവാര്‍ഡുകള്‍ വാരിക്കൂട്ടിയ തലപ്പാവിന് ശേഷം മധുപാല്‍ സംവിധാനം ചെയ്ത ഒഴിമുറിയും ശ്രദ്ധിക്കപ്പെട്ടിരുന്നു.