നേരിന് ശേഷം വീണ്ടും ജീത്തു ജോസഫ്; ബേസിലും ഗ്രേസ് ആന്റണിയും ഒന്നിക്കുന്ന നുണക്കുഴി' ടീസര്‍ പുറത്ത്

ബേസില്‍ ജോസഫിനെയും ഗ്രേസ് ആന്റണിയെയും കേന്ദ്ര കഥാപാത്രങ്ങളാക്കി ജീത്തു ജോസഫ് ഒരുക്കുന്ന 'നുണക്കുഴി' ടീസര്‍ പുറത്ത്. ഓഗസ്റ്റ് 15-നാണ് ചിത്രം തിയേറ്ററുകളില്‍ എത്തുന്നത്. വലിയ വജയം നേടിയ മോഹന്‍ലാല്‍ ചിത്രം നേരിന് ശേഷമത്തുന്ന ജീത്തു ജോസഫ് ചിത്രം കൂടിയാണ് നുണക്കുഴി. ലയേഴ്സ് ഡേ ഔട്ട് എന്ന ടാഗ് ലൈനോടെ പുറത്തു വന്ന ചിത്രത്തിന്റെ ഫസ്റ്റ് ലുക്ക് പോസ്റ്റര്‍ വലിയ സ്വീകാര്യതയാണ് നേടിയത്.

'ട്വല്‍ത്ത് മാന്‍', 'കൂമന്‍' എന്നീ ജീത്തു ജോസഫ് ചിത്രങ്ങളുടെ തിരക്കഥ രചിച്ച കെ ആര്‍ കൃഷ്ണകുമാറാണ് നുണക്കുഴിക്ക് വേണ്ടി തിരക്കഥയൊരുക്കിയിരിക്കുന്നത്. സരിഗമയാണ് ചിത്രം നിര്‍മ്മിച്ചിരിക്കുന്നത്.

ബൈജു സന്തോഷ്, സിദ്ദിഖ്, മനോജ് കെ ജയന്‍, അജു വര്‍ഗീസ്, സൈജു കുറുപ്പ്, ബിനു പപ്പു, അസീസ് നെടുമങ്ങാട്, സെല്‍വരാജ്, അല്‍ത്താഫ് സലിം, സ്വാസിക, നിഖില വിമല്‍, ശ്യാം മോഹന്‍, ദിനേശ് പ്രഭാകര്‍, ലെന, കലാഭവന്‍ യുസഫ്, അരുണ്‍ പുനലൂര്‍, ശ്യാം തൃക്കുന്നപുഴ, സന്തോഷ് ലക്ഷ്മണന്‍, കലാഭവന്‍ ജിന്റോ എന്നീ വമ്പന്‍ താരനിരയാണ് ചിത്രത്തില്‍ അണിനിരക്കുന്നത്.

സംഗീതം - ജയ് ഉണ്ണിത്താന്‍, ബാക്ക്ഗ്രൗണ്ട് സ്‌കോര്‍ - വിഷ്ണു ശ്യാം, എഡിറ്റര്‍ - വിനായക് വി എസ്, വരികള്‍ - വിനായക് ശശികുമാര്‍, കോസ്റ്റും ഡിസൈനര്‍ - ലിന്റാ ജീത്തു, സൗണ്ട് ഡിസൈന്‍ -സിനോയ് ജോസഫ്, മേക്ക് അപ് - അമല്‍ ചന്ദ്രന്‍, എക്സിക്യൂട്ടീവ് പ്രൊഡ്യൂസര്‍ - സൂരജ് കുമാര്‍, പ്രൊഡക്ഷന്‍ കണ്‍ട്രോളര്‍ - പ്രണവ് മോഹന്‍.