കയ്യിലിരിക്കുന്ന ടോര്‍ച്ച് തോക്ക് പോലെ ചൂണ്ടി പിടിച്ച് ലൈറ്റ് ഓണാക്കി ഉണ്ണി മുകുന്ദന്‍; മാളികപ്പുറം ലൊക്കേഷനില്‍ നിന്നുമുളള രസകരമായ  വീഡിയോ പങ്കുവെച്ച് നടന്‍

'മാളികപ്പുറം ലൊക്കേഷനില്‍ നിന്നുമുളള രസകരമായ  വീഡിയോ പങ്കുവെച്ച് ഉണ്ണിമുകുന്ദന്‍

ഉണ്ണിമുകുന്ദന്റെ പുതിയ ചിത്രമായ മാളികപ്പുറ ത്തിന്റെ ലൊക്കേഷനില്‍ നിന്നുമുളള രസകരമായ  വീഡിയോ പങ്കുവെചച്ചിരിക്കുകയാണ് താരം. കയ്യിലിരിക്കുന്ന ടോര്‍ച്ച് തോക്ക് പോലെ ചൂണ്ടി  പിടിച്ച് ലൈറ്റ് ഓണാക്കുന്ന ദൃശ്യങ്ങളാണ് വീഡിയോയില്‍ ഉളളത്.

പ്രഖ്യാപന സമയം മുതല്‍ വളരെയധികം ശ്രദ്ധ നേടിയിരുന്ന ഉണ്ണി മുകുന്ദന്‍ ചിത്രമാണ് 'മാളികപ്പുറം'. നവാഗതനായ വിഷ്ണു ശശിശങ്കറിന്റെ  സംവിധാനത്തില്‍ ഒരുങ്ങുന്ന ചിത്രത്തിന്റെ ഷൂട്ടിംഗ് അടുത്തിടെയാണ്  പൂര്‍ത്തിയായത്. നിലവില്‍ പ്രമോഷനുമായി ബന്ധപ്പെട്ട തിരക്കിലാാണ് ഉണ്ണി മുകുന്ദനും അണിയറ പ്രവര്‍ത്തകരുമുളളത്. ഈ അവസരത്തില്‍ ഉണ്ണി പങ്കുവച്ച ചിത്രത്തിന്റെ ഗ്ലിംപ്സ് വീഡിയോയാണ് ഇപ്പോള്‍ വൈറലായിരിക്കുന്നത്.

ബാലതാരത്തോടൊപ്പം കയ്യില്‍ ടോര്‍ച്ചുമായി നില്‍ക്കുന്ന ഉണ്ണി മുകുന്ദനെയാണ് വീഡിയോയില്‍ കാണുവാന്‍ സാധിക്കുന്നത്. ചിത്രം ഉടന്‍ തിയറ്ററുകളില്‍ എത്തുമെന്നും തനിക്ക് ഏറ്റവും പ്രിയപ്പെട്ട കഥാപാത്രമാണ് ചിത്രത്തിലേതെന്നും ഉണ്ണി മുകുന്ദന്‍ വീഡിയോയ്ക്ക് ഒപ്പം കുറിച്ചിരുന്നു. ഒപ്പം ഷെഫീക്കിന്റെ സന്തോഷം എന്ന ചിത്രം ഏറ്റെടുത്തതിന് പ്രേക്ഷകരോട് താരം നന്ദി അറിയിക്കുകയും ചെയ്തിട്ടുണ്ട്.  കല്യാണി എന്ന എട്ടു വയസ്സുകാരിയുടെയും അവളുടെ സൂപ്പര്‍ ഹീറോ ആയ അയ്യപ്പന്റെയും കഥ പറയുന്ന ചിത്രമാണ് മാളികപ്പുറം.

കാവ്യ ഫിലിം കമ്പനിയുടെയും ആന്‍ മെഗാ മീഡിയയുടെയും  ബാനറുകളില്‍ പ്രിയ വേണു, നീത പിന്റോ എന്നിവരാണ് ചിത്രത്തിന്റെ നിര്‍മ്മാണം നിര്‍വഹിച്ചിരിക്കുന്നത്. സൈജു കുറുപ്പ്, ഇന്ദ്രന്‍സ്, മനോജ് കെ ജയന്‍, രമേശ് പിഷാരടി, സമ്പത്ത് റാം, ദേവനന്ദ, ശ്രീപദ് എന്നിവരാണ് ചിത്രത്തില്‍  ചിത്രത്തില്‍ മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്. അഭിലാഷ് പിള്ളയുടേതാണ് ചിത്രത്തിന്റെ  രചന. സംവിധായകന്‍ തന്നെ എഡിറ്റിംഗും നിര്‍വ്വഹിച്ചുന്ന ചിത്രത്തിന്റെ ഛായാഗ്രഹണം നിര്‍വഹിക്കുന്നത് വിഷ്ണു നാരായണന്‍ ആണ്.

സംഗീതവും പശ്ചാത്തല സംഗീതവും രഞ്ജിന് രാജ്, പ്രൊഡക്ഷന് കണ്ട്രോളര് സഞ്ജയ് പടിയൂര്, വരികള്‍ സന്തോഷ് വര്‍മ്മ, ബി കെ ഹരിനാരായണന്‍, കലാസംവിധാനം സുരേഷ് കൊല്ലം, മേക്കപ്പ് ജിത്ത് പയ്യന്നൂര്‍, വസ്ത്രാലങ്കാരം അനില്‍ ചെമ്പൂര്‍, ആക്ഷന്‍ കൊറിയോ?ഗ്രഫി കനല്‍ കണ്ണന്‍, ചീഫ് അസോസിയേറ്റ് ഡയറക്ടര്‍ റെജിസ് ആന്റണി, ക്രിയേറ്റീവ് ഡയറക്ടര്‍ ഷംസു സൈബ, സ്റ്റില്‍സ് രാഹുല്‍ ഫോട്ടോഷൂട്ട്, പ്രൊമോഷന്‍ കണ്‍സള്‍ട്ടന്റ് വിപിന്‍ കുമാര്‍, പി ആര്‍ ഒ മഞ്ജു ഗോപിനാഥ്, ഡിസൈന്‍സ് കോളിന്‍സ് ലിയോഫില്‍.