പേളി വന്നില്ല ശ്രീനിഷിനെ പറ്റിച്ച് റിമി! ഒന്നും ഒന്നും മൂന്ന് കണ്ട പ്രേക്ഷകര്‍ ശശിയായി

ശ്രീനി അതിഥി ആയി എത്തിയ  മഴവില്‍മനോരമയിലെ ഒന്നും ഒന്നും മൂന്ന് പരിപാടിയുടെ പ്രൊമോ വീഡിയോ കണ്ട് ഷോയില്‍ പേളി എത്തുന്നതും കാത്തിരുന്ന ആരാധകര്‍ക്ക് നിരാശയായിരുന്നു ഫലം.  ഷോയില്‍ അതിഥിയായി എത്തിയ ശ്രീനിഷിന്  റിമി സര്‍പ്രൈസ് കൊടുക്കുന്നതാണ് പ്രൊമോയില്‍ കാണിച്ചിരുന്നത്. അത് കണ്ട  ആരാധകര്‍ പേളിയാണ് ആ സര്‍പ്രൈസ് എന്ന് ഉറപ്പിക്കുകയും ചെയ്തു. എന്നാല്‍ ശ്രീനിക്ക് നല്‍കിയ സര്‍പ്രൈസ് കണ്ട് ഞെട്ടിയിരിക്കയാണ് ആരാധകര്‍. 

ബിഗ്ബോസ് അവസാനിച്ച ശേഷവും പല പരിപാടികളിലും പേളിയും ശ്രീനിയും ഒരുമിച്ച്  പ്രത്യക്ഷപ്പെടാറുണ്ട്. ഇരുവരും ഒരുമിച്ചുളള ചിത്രങ്ങളും ആരാധകര്‍ ഏറ്റെടുക്കാറാണ് പതിവ്. ഏതു വേദിയില്‍ എത്തിയാലും ഇവരുടെ പ്രണയത്തെക്കുറിച്ചാണ് ചോദ്യങ്ങള്‍ ഉയരുന്നത്. പേളിയോട് ശ്രീനിയെക്കുറിച്ചും ശ്രീനിയോടു തിരിച്ചും ചോദിക്കാനാണ് ആരാധകര്‍ ഇഷ്ടപ്പെടുന്നത്. ശ്രീനി അതിഥി ആയി എത്തിയ  മഴവില്‍മനോരമയിലെ ഒന്നും ഒന്നും മൂന്ന് പരിപാടിയുടെ പ്രൊമോ കണ്ടതോടെ എപ്പിസോഡില്‍ പേളി എത്തുന്നതു കാണാനുളള ആകാഷയിലായിരുന്നു ആരാധകര്‍. എന്നാല്‍ പേളി എത്തിയില്ലെന്നു മാത്രമല്ല ശ്രീനിക്ക് പെട്ടിയില്‍ എത്തിയ സര്‍പ്രൈസ് കണ്ട് ഞെട്ടലിലാണ് ആരാധകര്‍. 

ശ്രീനിഷ്, 96 ലെ നായിക ഗൗരി കിഷന്‍, സീരിയല്‍ നടന്‍ മനീഷ് കൃഷ്ണ തുടങ്ങിയവരാണ് ഒന്നും ഒന്നും മൂന്നില്‍ അതിഥികളായി എത്തിയത്. ഷോയില്‍ പേളിയെ മിസ് ചെയ്യുന്നുണ്ടെന്നു ശ്രീനിഷ് റിമിയോടു പറഞ്ഞു. എന്നാല്‍ അല്‍പ സമയത്തിനു ശേഷം ഗൗരി ഒരു വലിയ പെട്ടി വേദിയിലേക്ക് കൊണ്ടു വരുന്നതും അതില്‍ ശ്രീനിഷ് കാണണം എന്ന് ആഗ്രഹിക്കുന്ന ആളാണെന്നു റിമി പറയുകയും ചെയ്യുന്നതായിരുന്നു പ്രൊമോ.