അടുത്തിടെയാണ് നടിയും അവതാരകയുമായ ആര്യ വിവാഹിതയായത്. ഡിജെയും കൊറിയോഗ്രാഫറുമായ സിബിനാണ് വരന്‍. ഇരുവരുടെയും രണ്ടാം വിവാഹമാണിത്. പിന്നാലെ പുതിയ ജീവിതം ആഘോഷിക്കുന്ന തിരക്കിലാണ് ഇരുവരും.ആര്യയുമായി വിവാഹത്തിനു മുന്‍പ് നല്കിയ അഭിമുഖത്തില്‍ സിബിന് തന്റെ മകനെക്കുറിച്ച് പറഞ്ഞിരുന്നു. മകന് താന്‍ ആരാണെന്ന് പോലും അറിയില്ലെന്നും മകനെ കാണാന്‍ ചിഞ്ചു അനുവദിച്ചില്ലെന്നും സിബിന് പറഞ്ഞു.
ഇതിനു പിന്നാലെ സിബിനെതിരെ ആരോപണവുമായി ചിഞ്ചുവും രംഗത്ത് എത്തിയത്.സിബിന് നല്കിയ അഭിമുഖത്തില്‍ തന്റെ പേര് അനാവശ്യമായി വലിച്ചിഴച്ചെന്നാണ് ചിഞ്ചുവിന്റെ ആരോപണം.പറഞ്ഞത് സത്യമാണ് സിബിനെ കുട്ടിക്ക് അറിയില്ലായിരുന്നു. നോര്‍മല്‍ കുട്ടികള്‍ക്കാണെങ്കിലും അച്ഛനെയും അമ്മയും തിരിച്ചറിയുന്നത് അവര്‍ എപ്പോഴും ഒപ്പമുള്ളപ്പോള്‍ ഇത് അച്ഛനാണ് അല്ലെങ്കില്‍ അമ്മയാണ് എന്ന് തിരിച്ചറിയുകയാണ് പതിവ്. എന്റെ കുഞ്ഞിനെപ്പോലെ അസുഖമുള്ള ഒരു കുട്ടിക്ക് സാധാരണ കുട്ടികളെപ്പോലെ എല്ലാവരെയും ഐഡന്റിഫൈ ചെയ്യാന്‍ പറ്റില്ല.
എന്റെ കാര്യത്തില്‍ തന്നെ നോക്കിയാല്‍ ഞാന്‍ അവന്റെ അമ്മയാണ് എന്ന് അവന്‍ തിരിച്ചറിഞ്ഞു തുടങ്ങിയത് ഒന്നര അല്ലെങ്കില്‍ രണ്ടു വര്‍ഷത്തിനുള്ളില്‍ ആണ്. ഡെയിലി കാണുന്ന ഒരാളെ അല്ലെങ്കില്‍ അവരുടെ കാര്യത്തില്‍ ഇന്‍വോള്‍വ് ആകുന്ന ഒരാളെ മാത്രമേ കുട്ടികള്‍ക്ക് തിരിച്ചറിയാന്‍ കഴിയുകയുള്ളൂ. എന്റെ കാര്യത്തില്‍ നോക്കിയാല്‍ എന്നെ അവന്‍ ഡെയിലി കാണുന്നതുകൊണ്ടാണ് എന്നെ അറിയുന്നത്.
സിബിന് കുട്ടിയുടെ കാര്യത്തില്‍ ഒന്നും ഉണ്ടായിരുന്നില്ല അതുകൊണ്ടുതന്നെ സിബിനെ കുട്ടി തിരിച്ചറിയണം എന്ന വാശിപിടിക്കാനും പറ്റില്ല. നിങ്ങള്‍ ബിസിയായിരുന്നു. നിങ്ങള്‍ നിങ്ങളുടെ എക്‌സിനെയും വൈയെയും ഒക്കെ തൃപ്തിപ്പെടുത്താന്‍ വേണ്ടി മനപ്പൂര്‍വം മോനെ മറന്നു കളഞ്ഞതാണ്. അത് നിങ്ങള്‍ക്ക് തന്നെ നന്നായിട്ട് അറിയാം. അതിനെക്കുറിച്ചുള്ള നിങ്ങളുടെ കുറ്റബോധമാണ് ഈ രോഷമായി വന്നുകൊണ്ടിരിക്കുന്നത്.
കുഞ്ഞിന്റെ ബര്‍ത്ത്‌ഡേക്ക് പുറത്തു പോകുന്ന കാര്യമൊക്കെ നിങ്ങള്‍ പറയുന്നുണ്ടല്ലോ, ഞാന്‍ അങ്ങനെ പോകുന്നുണ്ടെങ്കില്‍ അത് അവനെ സര്‍പ്രൈസ് കൊടുക്കാന്‍ വേണ്ടി മാത്രമാണ്. അതും ഒരു ദിവസം രാവിലെ എഴുന്നേറ്റ് പോകുന്നത് ഒന്നുമല്ല രണ്ടു മൂന്നു ദിവസം മുന്‍പേ പ്ലാന്‍ ചെയ്ത് ഇറങ്ങുന്നതാണ്. എന്റെ ലൈഫില്‍ എനിക്ക് എന്റെ മോന്‍ മാത്രമേയുള്ളൂ. അതുകൊണ്ടുതന്നെ അവന്റെ ബര്‍ത്ത്‌ഡേ എന്ന് പറയുന്നത് എനിക്ക് അത്രയും ഇമ്പോര്‍ട്ടന്റ് ആയിട്ടുള്ള കാര്യമാണ്.
ഇത് ഞാന്‍ പറയുന്നത് 2021നു മുന്‍പുള്ള കാര്യങ്ങളാണ്. 2021 മുതല്‍ 24 വരെ കുഞ്ഞിന്റെ ഒരു കാര്യങ്ങളും സിബിനറിഞ്ഞിട്ടില്ല. എന്നെ ബ്ലോക്ക് ചെയ്തു വച്ചേക്കുകയായിരുന്നു. പുള്ളിയുടെ ആക്ടിവിറ്റീസ് ഒന്നും ഞാന്‍ അറിയാതിരിക്കാന്‍ വേണ്ടി പുള്ളി എന്നെ ബ്ലോക്ക് ചെയ്തു വെച്ചതാണ്. ഞാന്‍ എവിടെ പോയി ആണ് മെസ്സേജ് അയക്കേണ്ടത് ഇന്‍സ്റ്റഗ്രാമില്‍ ഉള്‍പ്പെടെ എന്നെ ബ്ലോക്ക് ചെയ്‌തേക്കുകയായിരുന്നു . ബിഗ് ബോസിന് ശേഷം ഉണ്ടായ ഇഷു കഴിഞ്ഞിട്ടാണ് എന്നെ വാട്‌സാപ്പില്‍ നിന്ന് അണ്‍ബ്ലോക്ക് വരെ ചെയ്തത്. പുള്ളിയെ ഇതുവരെയും ഞാന്‍ ബ്ലോക്ക് ചെയ്തിട്ടില്ല
മെസേജ് അയച്ചിട്ട് ബാംഗ്ലൂര്‍ വരുന്ന കാര്യമൊക്കെ സിബിന് പറഞ്ഞിട്ടുണ്ടല്ലോ. സിബിന് വരുന്നത് ഒറ്റയ്ക്ക് അല്ല. അന്നൊരു ഗേള്‍ ഫ്രണ്ട് ഉണ്ടായിരുന്നു. പൂജിത എന്നായിരുന്നു പേര്. ആ കുട്ടിയേയും കൊണ്ട് ബാംഗ്ലൂര്‍ വന്നിട്ട്, ഇവിടെ ഫുള്‍ ചിറ്റിക്കറങ്ങി നടക്കും. വരുന്ന ദിവസം മെസേജ് അയച്ചിടും. കൂടെ ഒരു ഡിജെ ചെക്കനും ഉണ്ട്. അവര്‍ ഇവിടെ എല്ലാം പബ്ബില്‍ ഒക്കെ ആയിട്ട് കറങ്ങി നടന്നിട്ട് അവര്‍ തിരിച്ച് അവരുടെ പാട്ടിനു നാട്ടില്‍ പോകും. ഇതിന്റെ ഇടയില്‍ സമയം ഉണ്ടായിട്ട്, ഞങ്ങളുടെ വീടൊക്കെ അറിയാം എങ്കിലും വന്നിട്ടില്ല. ഒരു തവണ മാത്രം ആണ് കുഞ്ഞിനേം കൊണ്ട് അവന്റെ ബര്‍ത്ത് ഡേയ്ക്ക് ഞാന്‍ കറങ്ങാന്‍ പോയത് ഒരു വര്‍ഷം ആണ്. അത് കഴിഞ്ഞും കുഞ്ഞിന് ബര്‍ത്ത് ഡേ ഉണ്ടായിരുന്നു.
ആദ്യം ഒരു പൂജിത ആയിരുന്നു കാമുകി. പിന്നീട് ഒരു പാര്‍വതി. ഇതൊന്നും ഞാന്‍ പറയുന്നില്ല. എനിക്ക് അതൊന്നും താല്പര്യവുമില്ല. 2021 നു ശേഷം ഞാന്‍ നിങ്ങളുടെ പിറകെ നടന്നു നോക്കിയിട്ടില്ല. എനിക്ക് അതിന്റെ ആവശ്യവും ഇല്ല. പക്ഷെ ഞാന്‍ ഉണ്ടായിരുന്നപ്പോള്‍ നിങ്ങള്‍ കാണിച്ച വൃത്തികേട് ഞാന്‍ ഒരിക്കലും മറക്കില്ല. നമുക്ക് മ്യൂച്ചല്‍ ഫ്രണ്ട്‌സ് ഉണ്ടെന്നു നിങ്ങള്‍ മറന്നു പോയി. നിങ്ങള്‍ പ്രേമിച്ചു നടക്കുന്ന സമയത്തെ എല്ലാ അപ്ഡേറ്റ്സും എന്നെ നിങ്ങള്‍ ബ്ലോക്ക് ചെയ്തിട്ടും എനിക്ക് കിട്ടുന്നുണ്ടായിരുന്നു.
രണ്ടും കല്‍പ്പിച്ച് നിങ്ങള്‍ വന്നപ്പോഴൊക്കെ നിങ്ങള്‍ കുഞ്ഞിനെ കണ്ടിട്ടുണ്ട്. കഴിഞ്ഞമാസം സിബിനും ഞാനും ഇപ്പോഴത്തെ വൈഫും കൂടി കോണ്‍ഫറന്‍സ് കാള്‍ ഇട്ട് എല്ലാം സംസാരിച്ചത് ആയിരുന്നു. പിന്നെയും ഈ അഭിമുഖത്തില്‍ വിവാഹത്തിന് മുന്‍പ് വന്നിരുന്നു എന്നെ കുറ്റം പറയണ്ട കാര്യം ഇല്ലല്ലോ. കല്യാണത്തെ പറ്റി സംസാരിക്കാന്‍ ആണ് അഭിമുഖത്തില്‍ വന്നത് എങ്കില്‍ എന്നെ പറ്റി പറയണ്ട കാര്യം ഇല്ലല്ലോ.
നിങ്ങളായിട്ട് എന്നെ ചൊറിഞ്ഞതിനുള്ള മറുപടി ആണിത്. ഇത് നിങ്ങള്‍ ആയിട്ട് ഉണ്ടാക്കിയ ഇഷ്യൂ ആണ്. എന്റെ അമ്മയ്ക്ക് ഈ വീഡിയോ കണ്ടിട്ട് വയ്യാതെ ആയി. സിബിന് പറഞ്ഞത് മുഴുവന്‍ കള്ളം ആയിരുന്നു. ആ വീട്ടില്‍ നടന്ന മുഴുവന്‍ കാര്യങ്ങളും കണ്ടിട്ടുള്ള ആളാണ് എന്റെ അമ്മ. അമ്മയ്ക്ക് ഇതൊക്കെ കണ്ടിട്ട് നെഞ്ച് വേദന വന്നു. അവരെ ഹോസ്പിറ്റലില്‍ കൊണ്ടുപോകേണ്ടി വന്നു. അമ്മ റിക്കവര്‍ ആയതിനു ശേഷമാണ് ഞാന്‍ ഇപ്പോള്‍ ഈ വീഡിയോ ചെയുന്നത്' എന്നാണ് ചിഞ്ചു പറഞ്ഞത്.
സിബിന് നല്കിയ അഭിമുഖത്തിന് ചിഞ്ചു കമന്റുകളുമായെത്തിയെത്തിയിരുന്നു. സിബിനെതിരെയുള്ള ആരോപണങ്ങളായിരുന്നു കമന്റുകളില്‍. ഇതോടെ സിബിന് പ്രതികരിച്ചിരുന്നു.'ചിഞ്ചു, നിങ്ങളുടെ മിക്ക കമന്റുകളും കണ്ടു. എന്റെ വ്യക്തിപരമായ കാര്യങ്ങള്‍ എല്ലാം പൊതുജനങ്ങള്‍ക്ക് മുന്നില്‍ കൊണ്ടുവന്നതും നിങ്ങള്‍, ഇതിന് തുടക്കമിട്ടതും നിങ്ങളാണെന്ന് ഞാന്‍ നിങ്ങളെ ഓര്‍മ്മിപ്പിക്കുന്നു. പക്ഷേ ഇത് എന്നെന്നേക്കുമായി അവസാനിപ്പിക്കാന്‍ ഞാന്‍ പദ്ധതിയിടുന്നു. അതിനാല്‍, എനിക്കെതിരെ നിങ്ങളുടെ കൈവശമുള്ള എല്ലാ തെളിവുകളും കൊണ്ടുവരിക, നിങ്ങള്‍ക്ക് ആവശ്യമുള്ളതെന്തും പരസ്യമായി ചോദിക്കുക. നിങ്ങളുടെ ഇഷ്ടമുള്ള യൂട്യൂബ് ചാനല്‍, വേദി, നിങ്ങളുടെ ഇഷ്ടമുള്ളതെല്ലാം മോഡറേറ്റര്‍മാര്‍. നമുക്ക് ഇത് എന്നെന്നേക്കുമായി അവസാനിപ്പിച്ച് മകന് വേണ്ടി നല്ലത് ചെയ്യാം. ഇനിയെങ്കിലും എന്നെ സമാധാനമായി ജീവിക്കാന്‍ അനുവദിക്കണം. ഒരു അപേക്ഷയായി കാണണം' എന്നായിരുന്നു സിബിന്റെ പ്രതികരണം. വിഷയത്തില്‍ സിബിന്റെ ഭാര്യ ആര്യ ഇതുവരെ പ്രതികരിച്ചിട്ടില്ല. സിബിന്റെ സുഹൃത്തായിരുന്നു ആര്യ. പിന്നീടിവര്‍ പ്രണയത്തിലായി.
ആഘോഷപൂര്‍വമാണ് സിബിന്റെയും ആര്യയുടെയും വിവാഹം കഴിഞ്ഞ ദിവസം നടന്നത്. ആര്യയുടെയും രണ്ടാം വിവാഹമാണിത്. ആദ്യ വിവാഹ ബന്ധത്തിലെ മകള്‍ ആര്യക്കൊപ്പമാണുള്ളത്. ഡാഡി എന്നാണ് സിബിനെ ആര്യയുടെ മകളെ വിളിക്കുന്നത്.
Premium Lifestyle and Entertainment website
ചിരവ കൊണ്ട് മുഖത്തിനിട്ട് അടിച്ചു; ചാര്‍ജറിന്റെ കേബിള്‍ ഉപയോഗിച്ചും ഉപദ്രവം; മരിക്കാന്‍ വേണ്ടി ഇവിടെ വരേണ്ട കാര്യം ഉണ്ടോ എന്ന് ബന്ധുക്കള്‍; ആയിഷയോട് ബഷീറുദ്ദീന്‍ കാട്ടിയത് കൊടും ക്രൂരത