ആരാധകര്‍ ഏറെ പ്രതീക്ഷയോടെ കാത്തിരിക്കുന്ന' ആടുജീവിതം'. സിനിമയുടെ ട്രെയിലര്‍ കഴിഞ്ഞ ദിവസം പുറത്തുവന്നിരുന്നു.ഇപ്പോഴിതാ തെന്നിന്ത്യന്‍ സൂപ്പര്‍ താരം പ്രഭാസ് പൃഥ്വിരാജിനെ പ്രശംസിച്ചുകൊണ്ട് പങ്കുവെച്ച കുറിപ്പാണു സമൂഹമാധ്യമങ്ങളിലെ പ്രധാന ചര്‍ച്ച.
അതിജീവനത്തിന്റെയും ഒറ്റപ്പെടലിന്റെയും കഥപറയുന്ന ചിത്രത്തിനായി പൃത്വിരാജ് നടത്തിയ 'ബോഡി ട്രാന്‍സ്ഫര്‍മേഷനും' കഠിനാധ്വാനവുമാണ് പ്രഭാസിനെ ഞെട്ടിച്ചത്. 'എന്റെ സഹോദരന്‍ @therealprithvi, നിങ്ങള്‍ എന്താണ് ഈ ചെയ്തത്! വരദരാജ മാന്നാറായി വേഷമിട്ടത് നിങ്ങള്‍ തന്നെയാണെന്ന് വിശ്വസിക്കാനാവുന്നില്ല. അഭിനന്ദനങ്ങളും ആശംസകളും. ഒരുപാട് സ്‌നേഹത്തോടെ ആടുജീവിതത്തിനായി കാത്തിരിക്കുന്നു. ബ്ലോക്ക്ബസ്റ്റര്‍ ലോഡുചെയ്യുന്നു.' ഇന്‍സ്റ്റഗ്രാം സ്റ്റോറിയില്‍ പ്രഭാസ് കുറിച്ചു. 'നന്ദി ദേവ! ഉടന്‍ യുദ്ധക്കളത്തില്‍ കാണാം ശൗരംഗ്യപര്‍വ്വം,' എന്നായിരുന്നു പൃഥ്വിയുടെ മറുപടി.
ബെന്യാമിന്റെ പ്രശസ്ത നോവലിന്റെ (ആടുജീവിതം) പശ്ചാത്തലത്തില്‍ ദേശീയ അവാര്‍ഡ് ജേതാവ് ബ്ലെസിയാണ് ചിത്രം സംവിധാനം ചെയ്യുന്നത്. ജിമ്മി ജീന്‍ ലൂയിസ്, അമല പോള്‍, കെ.ആര്‍ ഗോകുല്‍, താലിബ് അല്‍ ബലൂഷി, റിക്കാബി തുടങ്ങി മികച്ച താരനിരയുമായാണ് ചിത്രം എത്തുന്നത്.
പൃഥ്വിരാജും പ്രഭാസും ഒരുമിച്ചെത്തിയ സലാര്‍, തിയേറ്ററില്‍ വന്‍വിജയമാണ് നേടിയത്. 700 കോടിയിലധികം വാരിക്കൂട്ടിയ ചിത്രം 2023ല്‍ ഏറ്റവും കൂടുതല്‍ വരുമാനം നേടിയ തെലുങ്ക് ചിത്രം കൂടിയാണ്. സലാറിന്റെ രണ്ടാം ഭാഗം വൈകാതെയുണ്ടാകുമെന്നാണ് റിപ്പോര്‍ട്ട്.
Premium Lifestyle and Entertainment website
നാടക പ്രവര്‍ത്തകരുടെ ദുരന്തത്തില്‍ ദുഃഖം താങ്ങാനാകാതെ സഹപ്രവര്‍ത്തകര്‍; ദേവ കമ്മ്യൂണിക്കേഷന്‍സിലെ അഞ്ജലിയും ജെസ്സിയും ഓര്‍മ്മയാകുമ്പോള്‍
ചാനലില്‍ വര്‍ക്ക് ചെയ്തിരുന്ന വേറൊരു പെണ്‍കുട്ടി വരുമെന്നാണ് വിചാരിച്ചത്; ഞാന്‍ ചെന്ന് അഭിമുഖത്തിനായി ഇന്‍ട്രോ പറഞ്ഞതോടെ ഷൗട്ട് ചെയ്തു;നമ്മള്‍ ഒരുപാട് ആരാധിക്കുന്ന വ്യക്തിയില്‍ നിന്നും ഉണ്ടായ മോശം അനുഭവം പങ്ക് വച്ച് നടന്‍ കൂടിയായ ആര്‍ ജെ ഗദ്ദാഫി