ഡ്യൂപ്പില്ലാതെ ആക്ഷന്‍ രംഗങ്ങള്‍ നിറഞ്ഞ് അഭിനയിച്ച് മോഹന്‍ലാല്‍; ഒടിയനിലെ സംഘട്ടന രംഗങ്ങള്‍ ലാലേട്ടന്‍ അഭിനയിച്ചത് പ്രായത്തെ വെല്ലുവിളിച്ച് ; ആക്ഷന്‍ രംഗങ്ങള്‍ മേക്കിങ് പുറത്തുവിട്ട് പീറ്റര്‍ ഹെയ്ന്‍; ഏറ്റെടുത്ത് ആരാധകരും

ആക്ഷന്‍ രംഗങ്ങള്‍ അവതരിപ്പിക്കുമ്പോള്‍ പലപ്പോഴും ഡ്യൂപ്പിനെ ഒഴിവാക്കി റിസ്‌ക് ഏറ്റെടുക്കുന്നതാണ് ലാലേട്ടന്റെ പതിവ്. ആക്ഷനാണെങ്കിലും, അപകടം നിറഞ്ഞ രംഗങ്ങളാണെങ്കിലും, ഡാന്‍സ് ആണെങ്കിലും ആവേശത്തോടെ ഏറ്റെടുക്കുകയാണ് പതിവ്. എന്നാല്‍ അന്‍പത് കഴിഞ്ഞ വേളയിലും ചെറുപ്പത്തിന്റെ ചുറുചുറുക്കില്‍ ഇന്ദ്രജാല പ്രകടനമാണ് ഒടിയനില്‍ മോഹന്‍ലാല്‍ കാഴ്ച വെച്ചത്്. ഒടിയനിലെ അപകടം നിറഞ്ഞ ഒ്‌ട്ടേറെ രംഗങ്ങളും, ഇത്തരത്തില്‍ തന്നെ ലാലേട്ടന്‍ ഡ്യൂപ്പിനെ ഒഴിവാക്കി ചെയ്തിട്ടുണ്ട്. എന്നാല്‍ ഇപ്പോള്‍ ഒടിയനില്‍ അത്തരത്തില്‍ ചിത്രീകരിച്ച ഒരു ചിത്രമാ്ണ് വൈറലായി മാറുന്നത്.  

ആക്ഷന്‍ കൊറിയോഗ്രാഫര് പീറ്റര്‍ ഹെയിന്‍ ആണ് വീഡിയോ ഫെയ്സ്ബുക്കിലൂടെ പുറത്തുവിട്ടിരിക്കുന്നത്.സമര്‍പ്പണം എന്ന ക്യാപ്ഷനോടെയാണ് ഹെയ്ന്‍ വീഡിയോ പങ്കുവെച്ചത്. നിരവധി പേരാണ് വീഡിയോ ഷെയര്‍ ചെയ്തിരിക്കുന്നത്. പ്രായത്തെ വെല്ലുന്ന പ്രകടനമെന്നാണ് ആരാധകരുടെ അഭിപ്രായം.ഒരു മരത്തിന്റെ മുകളില്‍ നിന്നും കയറിന്റെ സഹായത്തോടെ താഴേക്ക് ചാടുന്നതിന്റെ ദൃശ്യങ്ങളാണ് ഇപ്പോള്‍ പുറത്തുവിട്ടിരിക്കുന്നത്. അമ്പരപ്പിക്കുന്ന മെയ്വഴക്കത്തോടെയാണ് ആണ് താരം ആക്ഷന്‍ രംഗങ്ങള്‍ കൈകാര്യം ചെയ്തിരിക്കുന്നത്.