മോഹന്‍ലാല്‍, റോഷന്‍ മേക്ക പ്രധാന വേഷങ്ങളിലെത്തി സഹ്റ എസ് ഖാനെയും ഷാനയ കപൂറിനെയും പാന്‍-ഇന്ത്യ ലെവലില്‍ ലോഞ്ച് ചെയ്യുന്ന വൃഷഭ ഓരോ ദിനവും വളര്‍ന്നുകൊണ്ടിരിക്കുന്നു. രണ്ടാം ഷെഡ്യുള്‍ ഇന്ന് മുംബൈയില്‍ ആരംഭിച്ചു. ഒക്ടോബര്‍ - നവംബര്‍ മാസങ്ങളിലായി രണ്ടാം ഷെഡ്യുള്‍ പൂര്‍ത്തിയാക്കും. ദസറ നാളില്‍ ചിത്രത്തിന്റെ റിലീസ് തീയതി അണിയറപ്രവര്‍ത്തകര്‍ പുറത്തുവിടും.
മൈസൂരില്‍ ആയിരുന്നു ചിത്രത്തിന്റെ ആദ്യ ഷെഡ്യുള്‍ പൂര്‍ത്തിയായത്. 2023 ജൂലൈ 22ന് ആരംഭിച്ച ചിത്രത്തിന്റെ ഷെഡ്യുള്‍ മോഹന്‍ലാല്‍, റോഷന്‍ മേക്ക, സഹ്റ എസ് ഖാന്‍, ഷാനയ കപൂര്‍ എന്നിവരുടെ ഡ്രമാറ്റിക്ക് രംഗങ്ങള്‍ ചിത്രീകരിക്കപ്പെട്ടു. ചിത്രം മികച്ച രീതിയില്‍ തന്നെ എത്തണമെന്നുള്ളതുകൊണ്ട് കഠിനപ്രയത്‌നത്തിലാണ് അണിയറപ്രവര്‍ത്തകര്‍.
ചിത്രത്തില്‍ എക്‌സിക്യൂട്ടീവ് പ്രൊഡ്യുസറായി നിക്ക് തുര്‍ലോ എത്തിയതിന് ശേഷം ആക്ഷന്‍ സംവിധായകനായി പീറ്റര്‍ ഹെയ്ന്‍ കൂടി എത്തുന്നതോടെ ചിത്രം വലിയ സ്‌കെയിലിലേക്ക് നീങ്ങുകയാണ്. ബാഹുബലി, പുലിമുരുഗന്‍, ശിവാജി, ഗജിനി, എന്തിരന്‍, പുഷ്പ തുടങ്ങിയ ബ്രഹ്മാണ്ഡ ചിത്രങ്ങളിലെല്ലാം പീറ്റര്‍ ഹെന്റെ സാന്നിധ്യം പ്രകടമായിരുന്നു.
സംവിധായകന്‍ നന്ദ കിഷോറിന്റെ വാക്കുകള്‍ ഇങ്ങനെ 'മൈസൂരില്‍ സമാപിച്ച ഞങ്ങളുടെ ആദ്യ ഷെഡ്യൂളില്‍ നിന്ന് ഞങ്ങള്‍ പ്രതീക്ഷിച്ചതിലും കൂടുതല്‍ നേടാന്‍ സാധിച്ചതില്‍ സന്തോഷമുണ്ട്. ഞങ്ങളുടെ ടൈറ്റ് ഷൂട്ടിംഗ് ഷെഡ്യൂളിന്റെ ദൈനംദിന ലക്ഷ്യങ്ങള്‍ നേടിയെടുക്കാന്‍ രാവും പകലും കഠിനാധ്വാനം ചെയ്ത എന്റെ മുഴുവന്‍ പ്രൊഡക്ഷന്‍ ടീമിനും നന്ദി പറയുന്നു. പ്രധാന അഭിനേതാക്കളായ മോഹന്‍ലാല്‍ സാര്‍, റോഷന്‍, ഷാനയ, ശ്രീകാന്ത്, രാഗിണി എന്നിവര്‍ തിരക്കേറിയ സമയപരിധികള്‍ നിറവേറ്റാന്‍ രാപ്പകലില്ലാതെ പ്രയത്‌നിച്ചു. പുലിമുരുകനു ശേഷം മോഹന്‍ലാല്‍ സാറും പീറ്റര്‍ ഹെയ്‌നും വീണ്ടുമൊന്നിക്കുന്നതാണ് ഹൈലൈറ്റ്. വൃഷഭയ്ക്കായി ഇന്ത്യന്‍ സിനിമയിലെ ഏറ്റവും വലിയ ആക്ഷന്‍ സീക്വന്‍സുകളില്‍ ഒന്ന് ഇരുവരും നടത്തിയെടുക്കുകയും ചെയ്തു.
ഇമോഷന്‍സ് കൊണ്ടും വിഎഫ്എക്‌സ് കൊണ്ടും മികച്ച ദൃശ്യാനുഭവമാകും പ്രേക്ഷകര്‍ക്കായി വൃഷഭ സമ്മാനിക്കുന്നത്. മലയാളം, തെലുഗ്, കന്നഡ, തമിഴ്, ഹിന്ദി ഭാഷകളില്‍ ചിത്രം റിലീസിനെത്തും. 2024ല്‍ 4500ഓളം സ്‌ക്രീനുകളില്‍ മലയാളം, തെലുഗ്, തമിഴ്, കന്നഡ, ഹിന്ദി ഭാഷകളില്‍ ചിത്രം റിലീസിനെത്തും. എ വി എസ് സ്റ്റുഡിയോസിന്റെ ബാനറില്‍ അഭിഷേക് വ്യാസ്, ഫസ്റ്റ് സ്റ്റെപ് മൂവീസിന്റെ ബാനറില്‍ വിശാല്‍ ഗുര്‍നാനി, ജൂറി പരേഖ് മെഹ്ത, ശ്യാം സുന്ദര്‍, ബാലാജി ടെലിഫിലിംസിന്റെ ബാനറില്‍ ഏക്ത കപൂര്‍, ശോഭ കപൂര്‍, കണക്ട് മീഡിയയുടെ ബാനറില്‍ വരുണ്‍ മാതുര്‍ എന്നിവര്‍ ചിത്രം നിര്‍മിക്കുന്നു. പി ആര്‍ ഒ - ശബരി
Premium Lifestyle and Entertainment website
യൂറിക് ആസിഡ്: ലക്ഷണങ്ങളും പരിഹാരവും അറിയാം
ബി ഉണ്ണികൃഷ്ണന്റെ മോശം വശം ആദ്യ സിനിമ മുതല്‍ കണ്ട ആള്‍; അദ്ദേഹത്തിന്റെ സിനികളുടെ പേര് പോലെ തന്നെ മാടമ്പി, പ്രമാണി എന്നൊക്കെ പോലെ തന്നെ ജീവിതത്തിലും; ബട്ടണ്‍സ് ഊരി കിടന്നിട്ട് ഇടാന്‍ മെസ്സേജ് അയച്ചു എന്നൊക്കെ പറയുന്നത് പച്ചക്കള്ളം; സാന്ദ്രാ തോമസ് പങ്ക് വക്കുന്നത്