നൂറ് കോടി ക്‌ളബില്‍ ഇടംനേടിയ ആദ്യ ഉണ്ണി മുകുന്ദന്‍ സിനിമയാണ് മാളികപ്പുറം. ഈ വര്‍ഷത്തെ മലയാളത്തിലെ ആദ്യ 100 കോടി ക്ലബ് ചിത്രമാണ് മാളികപ്പുറം. ആന്റോ ജോസഫും വേണുകുന്നപ്പള്ളിയും ചേര്‍ന്ന് നിര്‍മിച്ച് വിഷ്ണുശശിശങ്കര്‍ സംവിധാനം ചെയ്ത ചിത്രത്തില്‍ ഉണ്ണി മുകുന്ദനെക്കൂടാതെ സൈജു കുറുപ്പ്, രമേഷ് പിഷാരടി, ടി ജി രവി തുടങ്ങിയവര്‍ക്കൊപ്പം ബാലതാരങ്ങളായ ദേവനന്ദന, ശ്രീപദ് യാന്‍ എന്നിവരാണ് ചിത്രത്തില്‍ പ്രധാന കഥാപാത്രങ്ങളെ അവതരിപ്പിച്ചത്. ഇപ്പോഴിതാ മാളികപ്പുറത്തിന്റെ രണ്ടാം ഭാഗം എത്തുമെന്ന സൂചന നല്‍കിയിരിക്കുകയാണ് ചിത്രത്തിന്റെ തിരക്കഥാകൃത്ത് അഭിലാഷ് പിള്ള.
അഭിനയിക്കുന്ന എല്ലാ സിനിമകളിലും സൈജു കുറുപ്പിന്റെ കഥാപാത്രം പണം കടം വാങ്ങുമെന്ന ട്രോളുകള്‍ അടുത്തിടെ സമൂഹമാദ്ധ്യമങ്ങളില്‍ നിറഞ്ഞിരുന്നു. ഇത്തരം ട്രോളുകള്‍ സൈജു കുറുപ്പ് തന്നെ സമൂഹമാദ്ധ്യമങ്ങില്‍ പങ്കുവയ്ക്കാറുണ്ട്. ഇത്തരത്തില്‍ പങ്കുവച്ച ട്രോളിലാണ് അഭിലാഷ് പിള്ള കമന്റ് ചെയ്തിരിക്കുന്നത്.
'മൂന്ന് നാല് കഥകള്‍ പ്രാരാബ്ധം, കടം ഒക്കെ ഉള്ളത് കമ്മിറ്റ് ചെയ്തിട്ടുണ്ട്. നമ്മള്‍ പൊളിക്കും' എന്ന കുറിപ്പോടെയായിരുന്നു നടന്‍ ട്രോള്‍ പങ്കുവച്ചത്. 'മാളികപ്പുറം 2ല്‍ ഞാന്‍ പറയാം കടം വാങ്ങിച്ചതിനുള്ള യഥാര്‍ത്ഥ കാരണം' എന്നായിരുന്നു അഭിലാഷ് പിള്ളയുടെ പ്രതികരണം. ഇതോടെയാണ് മാളികപ്പുറത്തിന്റെ രണ്ടാം ഭാഗം എത്തുമെന്നുള്ള അഭ്യൂഹങ്ങള്‍ പരക്കുന്നത്
അയ്യപ്പ ഭക്തയായ മാളികപ്പുറത്തമ്മയുടെ കഥ പറയുന്ന ചിത്രത്തില്‍ പ്രധാനപ്പെട്ട കഥാപാത്രത്തെയായിരുന്നു സൈജു കുറുപ്പ് അവതരിപ്പിച്ചത്. വളരെ കുറച്ച് സ്‌ക്രീന്‍ സ്പേസാണ് താരത്തിന് മാളികപ്പുറത്തില്‍ ലഭിച്ചത്. താരത്തിന്റെ കഥാപാത്രത്തെക്കുറിച്ച് വലിയ വിവരണം ചിത്രത്തില്‍ ഉണ്ടായിരുന്നില്ല. സൈജു കുറുപ്പിന്റെ കഥാപാത്രത്തെക്കുറിച്ച് രണ്ടാം ഭാഗത്തില്‍ കൂടുതലായി അറിയാന്‍ കഴിഞ്ഞേക്കുമെന്നും ചര്‍ച്ചകളുണ്ട്.
Premium Lifestyle and Entertainment website
എനിക്ക് 21 ഉം ഇവന് 17 ഉം; ശരിക്കും കല്യാണം കഴിച്ചോ എന്ന് ചോദിച്ചവരുണ്ട്; നല്ല ചേര്‍ച്ച ഉണ്ടെന്നും പറഞ്ഞു; ഉപ്പും മുളകും സീരിയലില്‍ കേശുവിന്റെ വിവാഹം കഴിഞ്ഞതോടെ ഉണ്ടായ അനുഭവം പങ്കിട്ട് പ്രിയതാരം കേശുവും അനീനയും 
എന്റെ മടിയില്‍ ഇരുന്ന് കളിച്ച കൊച്ചുകുട്ടി ഇന്ന് പാന്‍ ഇന്ത്യന്‍ താരമായി മാറിയിരിക്കുന്നു; അല്‍ത്താഫ് സലിം ചിത്രം ഓടും കുതിര ചാടും കുതിരയുടെ ലൊക്കേഷനില്‍ ഫഹദിനൊപ്പമുളള ചി്ത്രവുമായി ബാബു ആന്റണി