താരദമ്പതികളായ കത്രീന കൈഫിനും വിക്കി കൗശലിനുമെതിരെ സമൂഹമാദ്ധ്യമത്തിലൂടെ വധഭീഷണി മുഴക്കിയയാള് അറസ്റ്റില്. മുംബയ് പൊലീസാണ് ഇക്കാര്യം അറിയിച്ചത്. ഉത്തര്പ്രദേശിലെ ലക്നൗ സ്വദേശി മന്വീന്ദര് സിംഗാണ് അറസ്റ്റിലായത്. കത്രീനയുടെ വലിയ ആരാധകനായ ഇയാള് താരത്തെ വിവാഹം കഴിക്കാന് ആഗ്രഹിച്ചിരുന്നു.
സിനിമയിലും മറ്റും അഭിനയിക്കാന് ശ്രമിക്കുകയായിരുന്ന മന്വീന്ദര് സിംഗ് കത്രീനയുമൊത്തുള്ള എഡിറ്റ് ചെയ്ത ചിത്രങ്ങളും വീഡിയോകളും സോഷ്യല് മീഡിയയില് പങ്കുവയ്ക്കാറുണ്ടായിരുന്നു. ഇയാള് കത്രീനയെ നിരന്തരം ശല്യപ്പെടുത്താറുണ്ടായിരുന്നെന്നും റിപ്പോര്ട്ടുകളുണ്ട്.
കത്രീനയുടെ ബിസിനസ് സംരഭമായ കേബൈകത്രീനയുടെ ഉടമസ്ഥനാണെന്നും കത്രീന തന്റെ ഭാര്യയാണെന്നും ഇയാള് ഇന്സ്റ്റഗ്രാം അക്കൗണ്ടില് പറയുന്നു. കത്രീനയോടൊപ്പം അടുത്തുതന്നെ ഒരു പരസ്യചിത്രത്തില് പ്രത്യക്ഷപ്പെടുമെന്നും അവകാശപ്പെടുന്നുണ്ട്.
സാന്താക്രൂസ് പൊലീസ് സ്റ്റേഷനില് വിക്കി കൗശല് നേരിട്ടെത്തി പരാതി നല്കുകയായിരുന്നു. രാവിലെയാണ് സംഭവത്തില് കേസ് രജിസ്റ്റര് ചെയ്ത് അന്വേഷണം ആരംഭിച്ചത്. മന്വീന്ദര് സിംഗ് കത്രീനയെ ഭീഷണിപ്പെടുത്തി സന്ദേശങ്ങള് അയക്കുന്നുവെന്നും താരത്തെ പിന്തുടരുകയാണെന്നും പരാതിയില് പറയുന്നു.
ഇന്സ്റ്റഗ്രാമില് വിക്കി കൗശലിന് വധഭീഷണി സന്ദേശം അയച്ചതായും ഭാര്യയെയും കൊല്ലുമെന്ന് ഭീഷണിപ്പെടുത്തിയതായുമാണ് വിവരം. കഴിഞ്ഞ ഡിസംബറിലായിരുന്നു ഇരുവരും വിവാഹിതരായത്. ഏതാനും ദിവസങ്ങള്ക്ക് മുമ്പ് ദമ്പതികള് മാലിദ്വീപില് അവധിയാഘോഷിക്കാന് പോയതിന് പിന്നാലെയാണ് വധഭീഷണി വാര്ത്തകള് പുറത്തുവന്നത്.
കത്രീന കൈഫ് നായികയാകുന്ന ചിത്രമായി ഇനി പ്രദര്ശനത്തിന് എത്താനുള്ളത 'ഫോണ് ഭൂത്' ആണ്. ഇഷാന് ഖട്ടര്, സിദ്ദാര്ത് ചതുര്വേദി എന്നിവരും ചിത്രത്തില് പ്രധാന കഥാപാത്രങ്ങളായുണ്ട്. ഗുര്മീത് സിംഗ് ആണ് ചിത്രം സംവിധാനം ചെയ്യുന്നത്. ഒക്ടോബര് ഏഴിന് ആണ് ചിത്രം റിലീസ് ചെയ്യുക.
Premium Lifestyle and Entertainment website
ആദ്യ അറസ്റ്റ്; യൂട്യൂബറെ വീട്ടിലെത്തി തൂക്കി കേരളാ പോലീസ്;വായില്തോന്നിയത് വിളിച്ച് പറയുന്നവര്ക്ക് ഇതൊരു ഓര്മ്മപ്പെടുത്തല്;രേണു സുധിയെ അധിക്ഷേപിച്ച കേസില് യൂട്യൂബര് അറസ്റ്റില്
മലയാളത്തിലെ ഒരു പ്രമുഖ നടനും ഭാര്യയും എനിക്കെതിരെ പിആര് വര്ക്ക് ചെയ്യുന്നു;വരവ് സിനിമയ്ക്കെതിരെ നടക്കുന്ന ആസൂത്രിത നെഗറ്റിവ് ക്യാംപെയ്നുകള്ക്കെതിരെ ജോജു; നടന്റെ വെളിപ്പെടുത്തല് ചര്ച്ചയാക്കി സോഷ്യല്മീഡിയ