കൊറോണ ഭീതിയില്‍ നാട് മുഴുവനും ആശങ്കപ്പെടുമ്പോള്‍ ബിഗ് ബോസ് താരം രജിത് കുമാറിന് വിമാനത്താവളത്തില്‍ ആരാധകര്‍ നല്‍കിയ സ്വീകരണത്തിനെതിരെ പ്രതികരണവുമായി രംഗത്ത് എത്തിയിരിക്കുകയാണ് നടന്‍ ഹരീഷ് പേരടി. നിയമപരമായി തന്നെ ഫാന്‍സ് അസോസിയേഷനുകളെ നിയന്ത്രിക്കേണ്ട സമയം അതിക്രമിച്ചുവെന്നും, അതോടൊപ്പം ഫാന്‍സ് അസോസിയേഷനുകള്‍ വേണ്ടെന്ന് ഉറക്കെ പ്രഖ്യാപിച്ച നടന്‍ ഫഹദ് ഫാസിലിലാണ് ഇനിയുളള പ്രതീക്ഷയെന്നും ഹരീഷ് പേരടി പറഞ്ഞു.
കുറിപ്പിന്റെ പൂര്‍ണരൂപം
ഏല്ലാ ഫാന്‍സുകാരെയും നിയമപരമായി നിയന്ത്രിക്കേണ്ട സമയം അതിക്രമിച്ചിരിക്കുന്നു..കഴിഞ്ഞ വര്‍ഷമാണ് സംസ്ഥാനത്തിന്റെ മുഖ്യമന്ത്രി പങ്കെടുത്ത ഒരു യോഗത്തില്‍ ഒരു സൂപ്പര്‍സ്റ്റാര്‍ ഫാന്‍സ് മുഖ്യമന്ത്രിയെ സംസാരിക്കാന്‍ സമ്മതിക്കാത്ത രീതിയില്‍ ബഹളമുണ്ടാക്കുകയും ആ പ്രമുഖ നടന്‍ ഇരിക്കുന്ന വേദിയില്‍ വെച്ച് സംസ്ഥാനത്തിന്റെ മുഖ്യമന്ത്രി പ്രസംഗം മുഴുമിപ്പിക്കാതെ അവസാനിപ്പിച്ചതും...
ഇതും ഈ സമയത്ത് ചര്‍ച്ചചെയ്യപെടേണ്ടതാണ് എന്ന് ഒരു ജനാധിപത്യ വിശ്വാസിയായ ഞാന്‍ രാഷ്ട്രീയ ഭേദമന്യേ വിശ്വസിക്കുന്നു...എത്രയോ മനുഷ്യര്‍ അവരുടെ ജീവന്‍ കൊടുത്ത് ഉണ്ടാക്കിയെടുത്തതാണി ജനാധിപത്യ കേരളം...ആ കേരളത്തെ തലക്കോളമില്ലാത്ത ഫാന്‍സുകള്‍ എന്ന ആള്‍കൂട്ടത്തിന് അഴിഞ്ഞാടാന്‍ വിട്ടുകൊടുക്കരുത്...ഈ എയര്‍പോര്‍ട്ട് സംഭവത്തോടെ ഇതിന് ഒരു അവസാനമുണ്ടാവണം..
ഫാന്‍സ് അസോസിയേഷനുകളുള്ള ചെറുതും വലുതുമായ ഏല്ലാ നടന്‍മാര്‍ക്കും ഇത്ബാധകമാണ് ...മലയാളത്തിന്റെ അഭിമാനം ഉയര്‍ത്തിപിടിച്ച ഏല്ലാ മഹാനടന്‍ മാരുടെയും അഭിനയമികവിന് മുന്‍പില്‍ ബഹുമാനത്തോടെ തല താഴ്ത്തി കൊണ്ട് പറയുന്നു...ഇത്തരം തലതിരിഞ്ഞ ആള്‍ക്കൂട്ടത്തെ പോറ്റി വളര്‍ത്തരുത്..ആകെയുള്ള പ്രതീക്ഷയും ഉദാഹരണവും മലയാളികള്‍ ഹൃദയത്തിലേറ്റിയ ഫഹദ് ഫാസില്‍ എന്ന നടന്‍ മാത്രമാണ്...തനിക്ക് ഫാന്‍സ് അസോസിയേഷനുകള്‍ വേണ്ട എന്ന ഉറക്കെ പ്രഖ്യാപിച്ച ഒരേയൊരു ഫഹദ് ...പുതിയ കേരളം മഹാനടന്‍മാരുടെ പുതിയ തീരുമാനങ്ങള്‍ക്കായാണ് കാത്തിരിക്കുന്നത്...
Premium Lifestyle and Entertainment website
സുഹൃത്തുക്കളുടെ നഗ്നദൃശ്യങ്ങള്‍ പ്രചരിപ്പിച്ച കേസ്; യൂട്യൂബര്‍ തൊപ്പിക്കെതിരെ കുറ്റപത്രം സമര്‍പ്പിച്ച് പോലീസ്; ആലുവ റൂറല്‍ സൈബര്‍ പോലീസ് എറണാകുളം സി.ജെ.എം കോടതിയില്‍ സമര്‍പ്പിച്ച അന്തിമ റിപ്പോര്‍ട്ടില്‍ ഉള്‍പ്പെടുത്തിയത് ഐ.ടി നിയമത്തിലെ വിവിധ വകുപ്പുകള്‍
ആദ്യം വീട്ടില്‍ കയറിയപ്പോള്‍ തന്നെ നോട്ടമിട്ടത് രാഹുലിനെ; ഫെമിനിസ്റ്റ് കണ്ടന്റ് ക്രിയേറ്റര്‍ എന്ന നിലയില്‍ ഒരു പൊരിഞ്ഞ പോരാട്ടമായിരിക്കുമെന്ന് പലരും കരുതി; പക്ഷെ ദിവസങ്ങള്‍ കഴിഞ്ഞതും അവരുടെ പെരുമാറ്റം കണ്ട് പ്രേക്ഷകരുടെ അടക്കം കിളി പോയി; ഒടുവില്‍ ബിഗ് ബോസില്‍ നിന്ന് ആ ഒരാള്‍ കൂടി പുറത്തേക്ക്
എന്റെ ആഗ്രഹങ്ങളെ മറച്ചുവെച്ച് കളിക്കാന്‍ റോബോട്ടല്ല മനുഷ്യനാണെന്ന് നേഹ; ചെയ്യില്ല എന്ന് ഉറപ്പിച്ച് പറഞ്ഞ കാര്യം നീ തന്നെ ചെയ്തില്ലെയെന്ന് ഉമ്മ; താഷിയെ ഇഷ്ടമാണെന്ന നിലപാടിലുറച്ച് നേഹ; രക്ഷിതാക്കളെ വീട്ടിലെത്തിച്ച ബിഗ്ബോസിനും മോഹന്‍ലാലിനും വ്യാപക വിമര്‍ശനം