മമ്മൂട്ടിയുടേതായി തിയറ്ററുകളില്‍ എത്താന്‍ കാത്തിരിക്കുന്ന ചിത്രങ്ങളില്‍ ഒന്നാണ് ബസൂക്ക. നവാഗതനായ ഡിനോ തോമസ് ഒരുക്കുന്ന ചിത്രത്തിന്റെ മമ്മൂട്ടിയുടെ സ്‌റ്റൈലിഷ് ലൂക്കിലുള്ള പോസ്റ്ററുകള്‍ നേരത്തെ നേരത്തെ ശ്രദ്ധേയമായിരുന്നു. ഇപ്പോള്‍ ചിത്രത്തിന്റെ ഏറ്റവും പുതിയ പോസ്റ്റര്‍ പുറത്ത് വിട്ടിരിക്കുകയാണ് അണിയറ പ്രവര്‍ത്തകര്‍.
തമിഴ് സംവിധായകന്‍ ഗൗതം വാസുദേവ് മേനോന്റെ ലുക്കാണ് അണിയറ പ്രവര്‍ത്തകര്‍ പങ്കുവെച്ചിരിക്കുന്നത്. ചിത്രം 2024ന് തിയറ്ററുകളില്‍ എത്തും.
ബെഞ്ചമിന്‍ ജോഷ്വ എന്ന കഥാപാത്രത്തെയാണ് ഗൗതം മേനോന്‍ ചിത്രത്തില്‍ അവതരിപ്പിക്കുന്നത്. തമിഴ് സംവിധായകന്റെ പിറന്നാളിനോട് അനുബന്ധിച്ചാണ് അണിയറപ്രവര്‍ത്തകര്‍ പോസ്റ്റര്‍ പുറത്ത് വിട്ടിരിക്കുന്നത്.
ചിത്രത്തില്‍ മമ്മൂട്ടിയോളം പ്രധാന വേഷത്തിലാണ് ഗൗതം മേനോന്‍ എത്തുന്നത്. മമ്മൂട്ടിക്കൊപ്പം ഗൗതം വാസുദേവ് മേനോന്‍ ആദ്യമായി അഭിനയിക്കുന്നുവെന്ന പ്രത്യേകതയും ബസൂക്കയ്ക്കുണ്ട്. മമ്മൂട്ടിയുടെ ടര്‍ബോ എന്ന ചിത്രത്തിന്റെ ചിത്രീകരണം പൂര്‍ത്തിയാക്കിയതോടെ ബസൂക്കയുടെ അവസാന ഷെഡ്യൂളിന് തുടക്കമായിരിക്കുകയാണ്.
സിദ്ധാര്‍ത്ഥ് ഭരതന്‍, ഷൈന്‍ ടോം ചാക്കോ. സുമിത് നെവല്‍, സ്ഫടികം ജോര്‍ജ് ,ദിവ്യപിള്ള, ഐശ്വര്യ മേനോന്‍ തുടങ്ങിയവര്‍ അണിനിരക്കുന്ന ഗയിം ത്രില്ലര്‍ മൂവിയാണ് ബസൂക്ക.വലിയ മുതല്‍മുടക്കില്‍ നിര്‍മ്മിക്കുന്ന ചിത്രത്തിന് നിമിഷ് രവി ഛായാഗ്രഹണം നിര്‍വഹിക്കുന്നു
സംഗീതം - മിഥുന്‍ മുകുന്ദ്. എഡിറ്റിംഗ്. നൗഫല്‍ അബ്ദുള്ള.തിയേറ്റര്‍ ഓഫ് ഡ്രീംസിന്റെ ബാനറില്‍ ജിനു വി. ഏബ്രഹാം, ഡോള്‍വിന്‍ കുര്യാക്കോസ് എന്നിവര്‍ ചേര്‍ന്നാണ് നിര്‍മ്മാണം. പി.ആര്‍.ഒ വാഴൂര്‍ ജോസ്
Premium Lifestyle and Entertainment website
മഞ്ചേരിയിലെ നാട്ടിന്‍ പുറത്തുകാരി പെണ്‍കുട്ടി; ചേട്ടന്‍ പ്രതീഷ് നന്ദന്‍ വഴിയാണ് ഓഡിഷന്; നീലക്കുയിലിലെ കസ്തൂരിയായെത്തി മിനിസ്‌ക്രിന്‍ പ്രേക്ഷകകുടെ പ്രിയങ്കരിയായസ്നിഷാ ചന്ദ്രന്റെ കഥ
മഹേഷ് നാരായണന്‍ ചിത്രത്തിന്റെ ഷൂട്ടിനായി ലാലേട്ടന്‍ ശ്രീലങ്കയിലെത്തി; നിര്‍മാതാവ് ആന്റോ ജോസഫിനൊപ്പം വിമാനത്താവളത്തിലെത്തിയ നടന്റെ ദൃശ്യങ്ങള്‍ സോഷ്യല്‍മീഡിയയില്‍ ഹിറ്റ്; ചിത്രത്തില്‍ ഫഹദും നയന്‍താരയും എത്തുമെന്നും അഭ്യൂഹം