ചലച്ചിത്രമേളകളില് മലയാളത്തിനായി അവാര്ഡുകള് വാരിക്കൂട്ടി ലിജോ ജോസ് പെല്ലിശ്ശേരി ചിത്രം ഈ.മ.യൗ. ഗോവന് ചലച്ചിത്രമേളയിലും കേരള രാജ്യാന്തര ചലച്ചിത്രോത്സവത്തിലും പുരസ്കാരങ്ങള് നേടിയ ചിത്രം ടാന്സാനിയ അന്താരാഷ്ട്ര ചലച്ചിത്രോത്സവത്തില് വേള്ഡ് സിനിമ കാറ്റഗറിയില് മൂന്ന് അവാര്ഡുകളാണ് ചിത്രം നേടിയത്. മികച്ച നടന്, തിരക്കഥ, സംവിധാനം എന്നീ കാറ്റഗറിയിലാണ് ചിത്രത്തിന് പുരസ്കാരം.
മികച്ച നടനുള്ള പുരസ്കാരം ഈ.മ.യൗവിലെ അഭിനയത്തിലൂടെ ചെമ്പന് വിനോദിനെ തേടിയെത്തി. 'പത്മാവതി' യിലെ അഭിനയത്തിലൂടെ രണ്വീര് സിംഗും മികച്ച നടനുള്ള പുരസ്കാരത്തിന് അര്ഹനായി. മികച്ച സംവിധായകനുള്ള പുരസ്കാരം ലിജോ ജോസ് പെല്ലിശ്ശേരിയും തിരക്കഥയ്ക്കുള്ള അവാര്ഡ് പി എഫ് മാത്യൂസും കരസ്ഥമാക്കി. ഈ അവാര്ഡുകള് ഇറാനിയന് ചിത്രമായ 'ഗോള്നെസ'യ്ക്കൊപ്പമാണ് ഇരുവരും പങ്കിട്ടത്.
പിതാവിന്റെ ശവസംസ്കാരവുമായി ബന്ധപ്പെട്ട പ്രശ്നങ്ങള് പ്രമേയമാക്കിയ 'ഈ.മ.യൗ' ഗോവന് ചലച്ചിത്രമേളയിലും കേരള രാജ്യാന്തര ചലച്ചിത്രോത്സവത്തിലും പുരസ്കാരങ്ങള് നേടിയിരുന്നു. കേരള സംസ്ഥാന ചലച്ചിത്ര പുരസ്കാരവും ചിത്രത്തെ തേടിയെത്തിയിരുന്നു. മികച്ച സംവിധായകന്, മികച്ച സഹനടി, മികച്ച സൗണ്ട് ഡിസൈന് എന്നീ കാറ്റഗറികളിലാണ് കേരള സംസ്ഥാന ചലച്ചിത്ര പുരസ്കാരങ്ങള് ചിത്രം നേടിയത്.
Premium Lifestyle and Entertainment website
'ഞാന് അത്ര നല്ല അമ്മയല്ലായിരിക്കാം, പക്ഷേ നിനക്കായി പരിശ്രമിക്കുന്നു'; മകള് ഖുഷിക്ക് ഹൃദയസ്പര്ശിയായ പിറന്നാള് ഉമ്മയുമായി ആര്യ; കുറിപ്പ് ഏറ്റെടുത്ത് ആരാധകര് 
ആക്ഷന് ഹീറോ ബിജു ഉള്പ്പെടെ സിനിമകളില് ചെറിയ വേഷങ്ങളില് വെള്ളിത്തിരയില്; രാത്രി കാലങ്ങളില് കൊച്ചി നഗരത്തിന്റെ വിവിധ ഭാഗങ്ങളില് മആവശ്യക്കാര്ക്ക് മദ്യമെത്തിച്ച് നല്കുന്നതും പതിവ്; 15 ലിറ്റര് വിദേശമദ്യവും 58 കുപ്പി ബിയറുമായി പിടിയിലായത് ജൂനിയര് ആര്ട്ടിസ്റ്റ് അല്ക്കു