ദുല്ഖര് സോനം കപൂര് ജോഡികള് ഒന്നിച്ചെത്തുന്ന ബോളിവുഡ് ചിത്രം സോയ ഫാക്ടര് ഇന്ത്യയൊട്ടാകെ തരംഗം സൃഷ്ടിച്ചിരിക്കുകയാണ്..ദുല്ഖര് നായക വേഷത്തിലെത്തിയ ചിത്രം മികച്ച അഭിപ്രായങ്ങള് നേടി മുന്നേറുമ്പോള് തന്റെ വിശേഷങ്ങള് പങ്ക് വച്ചിരിക്കുകയാണ് ദുല്ഖര്.ഇന്ത്യടുഡേയ്ക്ക് നല്കിയ അഭിമുഖത്തിലാണ് അദ്ദേഹം മനസ്സു തുറന്നത്.
സിനിമയില് വരുന്നതിന് മുമ്പ് തനിക്ക് സ്റ്റേജില് കയാറന് പോലും മടിയായിരുന്നെന്നാണ് ദുല്ഖര് പറയുന്നത്.സിനിമയില് വന്ന സമയത്ത് എനിക്ക് വല്ലാത്ത അരക്ഷിതത്വ ബോധമുണ്ടായിരുന്നു. എന്റെ ബാല്യകാലത്തും കൗമാരകാലത്തും ഉള്വലിഞ്ഞ പ്രകൃതമായിരുന്നു. സ്റ്റേജിലൊക്കെ കയറാന് വല്ലാത്ത പേടിയായിരുന്നു. അഥവാ കയറിയാല് ശബ്ദം പുറത്തേക്ക് വരില്ല. മുംബൈയില് അഭിനയ പഠനത്തിന്റെ ഭാഗമായി വന്നപ്പോഴാണ് അപരിചിതര്ക്ക് മുന്നില് സംസാരിക്കാന് ധൈര്യമായത്. അതൊരു വലിയ അനുഭവമായിരുന്നു. ദുല്ഖര് പറഞ്ഞു.
ബോളിവുഡ് ചിത്രം സോയാ ഫാക്ട്റാണ് തിയേറ്ററുകളിലെത്തിയ പുതിയ ദുല്ഖര് ചിത്രം. അഭിഷേക് ശര്മ്മ സംവിധാനം ചെയ്യുന്ന ചിത്രത്തില് സോനം കപൂര് ആണ് നായിക. തന്റെ രണ്ടാമത്തെ ബോളിവുഡ് ചിത്രമായ ദ സോയ ഫാക്ടറില് ക്രിക്കറ്റ് താരത്തിന്റെ വേഷത്തിലാണ് ദുല്ഖര് അഭിനയിച്ചിരിക്കുന്നത്. 2008ല് പ്രസിദ്ധീകരിച്ച അനുജാ ചൗഹാന് രചിച്ച 'ദി സോയാ ഫാക്റ്റര്' എന്ന പുസ്തകത്തെ ആസ്പദമാക്കിയാണ് ചിത്രം ഒരുക്കിയിരിക്കുന്നത്. ചിത്രത്തിന് മികച്ച പ്രതികരണമാണ് ലഭിക്കുന്നത്
മലയാള സിനിമയില് ഒരു പുതിയ ട്രെന്ഡ് ഉണ്ടായികൊണ്ടിരിക്കുന്ന സമയത്താണ് എന്റെ അരങ്ങേറ്റം. വളരെ റിയലിസ്റ്റിക് ആയി സിനിമ എടുക്കുന്ന ധാരാളം യുവ സംവിധായകര് അവിടെയുണ്ട്. അതുകൊണ്ടു തന്നെ നമ്മള് ചെയ്ത പല സിനിമകളും മറ്റു ഭാഷയിലെ സിനിമാസ്വാദകരും ഏറ്റെടുത്തു.എല്ലാവര്ഷവും ഹിന്ദി ചിത്രം ചെയ്യണം എന്നത് എന്റെ ബോധപൂര്വ്വമായ ഒരു തീരുമാനമൊന്നുമല്ല. ഞാന് ഒരു വര്ഷം അഞ്ച് സനിമ ചെയ്യുമ്പോള് എന്റെ വാപ്പച്ചി ചെയ്യുന്നത് ഏഴ് സിനിമകളോളമാണെന്നും നടന് അഭിമുഖത്തില് പറഞ്ഞു.
ഞങ്ങള്ക്ക് മലയാളത്തില് തിരക്കിലാണെന്ന് കരുതി ഹിന്ദിയില് തിരക്കഥ കേള്ക്കാന് സമയമില്ലെന്നാണ് പലരും ചിന്തിക്കുന്നുണ്ട്. എന്നാല് അങ്ങനെയല്ല. നല്ല സിനിമകള് തേടിയെത്തിയാല് ഭാഷയൊന്നും എനിക്ക് പ്രശ്നമല്ല. തമിഴില് പ്രണയ സിനിമ ചെയ്യുന്ന പോലെ നിസ്സഹമായി എനിക്ക് മലയാളത്തില് ചെയ്യാന് കഴിയണമെന്നില്ല. അതുപോലെ മലയാളത്തില് ഞാന് ചെയ്ത പല കഥാപാത്രങ്ങളും എനിക്ക് തമിഴില് ചെയ്യാന് സാധിക്കണമെന്നില്ല ദുല്ഖര് പറഞ്ഞു.
Premium Lifestyle and Entertainment website
വിക്രമിന്റെ മകള് അക്ഷിതയുടെ ഭര്ത്താവ് മനു രഞ്ജിത്തിന്റെ പിതാവ്; ആ കുരങ്ങിന്റെ ഓണര് പ്രമുഖ വ്യവസായ സ്ഥാപനമായ കാവിന്കെയറിന്റെ സ്ഥാപകനും ചെയര്മാനുമായ സി.കെ. രംഗനാഥന്; മരുമകളുടെ റീലിട്ടു പെട്ടത് രംഗനാഥന്; വംശനാശഭീഷണി നേരിടുന്ന കുരങ്ങുമൊത്തുള്ള വീഡിയോയില് വിക്രം പ്രതിസന്ധിയില് 
വേണം എന്ന് തോന്നുമ്പോള് മാത്രം ഫോണ് ഓണ് ചെയ്യും; അല്ലാത്തപ്പോള് സ്വിച്ച്ഡ് ഓഫ്; വീടിനുള്ളില് എന്തെങ്കിലും സംഭവിച്ചാല് പോലും ലോകം അറിയാന് മൂന്ന് നാല് ദിവസങ്ങളെടുക്കും;അച്ഛന് ചെയ്ത കാര്യത്തില് മനസ്സ് തകര്ന്നു പോയ ജീവിതം; നടി കനകയെ നേരില് കണ്ട അനുഭവം പങ്കുവെച്ച് നടി കുട്ടി പത്മിനി