ദുല്ഖര് സല്മാന് നായകനാകുന്ന, പിടികിട്ടാപ്പുളളി സുകുമാര കുറുപ്പിന്റെ കഥ പറയുന്ന ചിത്രം 'കുറുപ്പ്' അണിയറയില് ഒരുങ്ങുകയാണ്. ചിത്രത്തില് ദുല്ഖറിനൊപ്പം ഷൈന് ടോം ചാക്കോയും ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്. ഷൈന് കഥാപാത്രമായി മാറുന്നത് ഞാന് അത്ഭുതത്തോടെ നോക്കി നിന്നിട്ടുണ്ടെന്നാണ് ദുല്ഖര് പറയുന്നത്. ഷൈനിന്റെ കഥാപാത്രത്തെ പരിചയപ്പെടുത്തി ഫെയ്സ്ബുക്കില് പങ്കുവെച്ച കുറിപ്പിലാണ് ദുല്ഖര് ഇക്കാര്യം പറയുന്നത്.
ഒരുമിച്ച് അഭിനയിച്ചിട്ടുള്ള താരങ്ങളില് ഏറ്റവും മികച്ച നടന്മാരിലൊരാളാണ് ഷൈന് എന്ന് ദുല്ഖര് പറയുന്നു. ഷൈന് കഥാപാത്രമായി മാറുന്നത് കണ്ട് മിക്കപ്പോഴും ഞാന് അത്ഭുതത്തോടെ നോക്കി നിന്നിട്ടുണ്ട്. നേരത്തെ തങ്ങള് ഒരുമിച്ച് അഭിനയിച്ച സിനിമകളെല്ലാം മനസ്സിലുണ്ടെന്നും തന്റെ നിര്മ്മാണക്കമ്പനിയായ വേഫെയറര് പ്രൊഡക്ഷന്സുമായി തുടര്ന്നങ്ങോട്ടും സഹകരിക്കണമെന്നും ദുല്ഖര് കുറിപ്പില് പറയുന്നു.
ഭാസി പിള്ള എന്ന കഥാപാത്രത്തെയാണ് ഷൈന് ചിത്രത്തില് അവതരിപ്പിക്കുന്നത്. മയക്കം പിടിച്ച കണ്ണുകളുമായി ബീഡി വലിച്ച് ഒരു കാറിലിരിക്കുന്ന ഷൈന് ടോമിന്റെ ചിത്രമായിരുന്നു ദുല്ഖര് പങ്കുവെച്ചത്. ലുക്ക് ഇതിനോടകം സോഷ്യല് മീഡിയയില് ശ്രദ്ധ നേടിയിട്ടുണ്ട്.
Premium Lifestyle and Entertainment website
നടി അനന്യ രാജിന്റെ മരണം കുടുംബം പുറത്ത് വിട്ടത് മരണം സംഭവിച്ച് ഒരു മാസത്തിന് ശേഷം; മരണം ശാരീരികവും മാനസികവുമായ അസ്വസ്ഥതകളോട് ധീരമായി പോരാടിയ ശേഷമെന്ന് കുറിപ്പ് 
പാന്മസാല പരസ്യത്തില് അഭിനയിച്ച അജയ് ദേവ്ഗണും ഷാരൂഖും ടൈഗര് ഷ്രോഫും പെട്ടു; വിമാല് എലാച്ചിയുടെ പരസ്യത്തില് അഭിനയിച്ചതിന് ബോളിവുഡ് താരങ്ങള്ക്ക് മഹാരാഷ്ട്ര എഫ്.ഡി.എ കാരണം കാണിക്കല് നോട്ടീസ്