കൊന്ന് കെട്ടിത്തൂക്കുക, എന്നിട്ടത് ആത്മഹത്യയെന്ന് കെട്ടിച്ചമയ്ക്കുക; ഇതിനു പിന്നിലുള്ള സകലരെയും അറിഞ്ഞും കേട്ടും മിണ്ടാതിരുന്നവരെ പോലും വെറുതെ വിടരുത്; പ്രതികരണവുമായി സംവിധായകന്‍ അരുണ്‍ ഗോപി 

വയനാട് പൂക്കോട് വെറ്ററിനറി സര്‍വകലാശാലയിലെ സിദ്ധാര്‍ത്ഥന്റെ മരണത്തില്‍ കടുത്ത അമര്‍ഷം പ്രകടിപ്പിച്ച് സംവിധായകന്‍ അരുണ്‍ ഗോപി.  കൊന്ന് കെട്ടിത്തൂക്കുക എന്നിട്ട് അത് ആത്മഹത്യാ എന്ന് കെട്ടിച്ചമയ്ക്കുക.  ഇല്ലാകഥകളില്‍ ആ കുഞ്ഞിനെ വീണ്ടും വ്യക്തിഹത്യ ചെയ്യുക കൂടിയാണ് അക്രമികള്‍ ചെയ്യുന്നത്. കൊലയ്ക്ക് പിന്നിലുള്ള സകലരേയും പിടികൂടണമെന്നും ആരേയും വെറുതെ വിടരുതെന്നും അരുണ്‍ ഗോപി പറഞ്ഞു. ഫേസ്ബുക്കിലൂടെയാണ് അരുണ്‍ ഗോപിയുടെ വിമര്‍ശനം.

അരുണ്‍ ഗോപിയുടെ കുറിപ്പ് വായിക്കാം

കുറച്ചായി സോഷ്യല്‍ മീഡിയ ഉപയോഗിച്ചിരുന്നില്ല. പക്ഷേ ഇപ്പോള്‍ അല്ലെങ്കില്‍ പിന്നെ എപ്പോള്‍. ഒരു പാവം പയ്യന്റെ ഒരു കുടുംബത്തിന്റെ ഒരു നാടിന്റെ സ്വപ്നങ്ങളെ ഇങ്ങനെ ഇല്ലാതാക്കിയ ആ ക്രൂര ജീവികള്‍ക്കെതിരെ ഒരക്ഷരം എഴുതാതെ ഇരിക്കാന്‍ കഴിയുന്നില്ല. കൊന്ന് കെട്ടിത്തൂക്കുക അത് ആത്മഹത്യയെന്നു കെട്ടിച്ചമയ്ക്കുക, ഇല്ലാകഥകളില്‍ ആ കുഞ്ഞിനെ വീണ്ടും വ്യക്തിഹത്യ ചെയ്യുക. ഏതു ലോകത്താണ് നമ്മള്‍ ജീവിക്കുന്നത് ഇതിനു പിന്നിലുള്ള സകലരെയും അറിഞ്ഞും കേട്ടും മിണ്ടാതിരുന്നവരെ പോലും വെറുതെ വിടരുത്.