മമ്മൂട്ടി- ജിയോ ബേബി കൂട്ടുക്കെട്ടില്‍ പുറത്തിറങ്ങിയ കാതല്‍ എന്ന ചിത്രത്തിന് ഒടിടി റിലീസിന് പിന്നാലെ നിരവധി പ്രശംസകളാണ് കിട്ടികൊണ്ടിരിക്കുന്നത്. മമ്മൂട്ടിയുടെ അഭിനയ ജീവിതത്തിലെ ഏറ്റവും മികച്ച കഥാപാത്രങ്ങളിലൊന്നായാണ് കാതലിലെ മാത്യു ദേവസിയെ പ്രേക്ഷകരും നിരൂപകരും നോക്കിക്കാണുന്നത്.
ഇപ്പോഴിതാ ചിത്രത്തെ പ്രശംസിച്ച് രംഗത്തെത്തിയിരിക്കുകയാണ് നടനും തിരക്കഥാകൃത്തുമായ അനൂപ് മേനോന്‍. കാതല്‍ പോലെയൊരു മഹത്തായ കലാസൃഷ്ടി ഒരുക്കിയതിന് തീവ്രസിനിമ പ്രേമിയായ താന്‍ നന്ദി പറയുന്നു എന്നാണ് ഫേയ്‌സ്ബുക്കില്‍ പങ്കുവെച്ച കുറിപ്പില്‍ അനൂപാ മേനോന്‍ പറയുന്നത്.
കാതല്‍ കണ്ടു. മലയാളം സിനിമ തെലുങ്കിലെയും ബോളിവുഡിലെയും പോലെ ബുദ്ധിശൂന്യമായ മസാല നിലവാരത്തിലേക്ക് കുതിക്കുന്ന ഒരു സമയത്ത്, പത്മരാജന്‍, ലോഹിതദാസ്, ഭരതന്‍, എംടി എന്നിവര്‍ മലയാള സിനിമയ്ക്ക് സമ്മാനിച്ചത് ജിയോ ബേബിയും അതിശയകരമായ കഴിവുള്ള എഴുത്തുകാരായ ആദര്‍ശും പോള്‍സണും ചേര്‍ന്ന് കെ ജി ജോര്‍ജിനെപ്പോലുള്ള ധാര്‍മികതയും ചാരുതയും തിരികെ കൊണ്ടുവന്നു.
ജിയോ ബേബിയും ആദര്‍ശും പോള്‍സണും സൂക്ഷ്മമായ ഒരു വിഷയത്തെ സമര്‍ത്ഥമായി കൈകാര്യം ചെയ്തെന്നും അനൂപ് മേനോന്‍ പറഞ്ഞു. ഒരു വേനല്‍മഴയ്ക്കിടയില്‍ മാത്യുവും തങ്കനും കണ്ടുമുട്ടുന്ന രംഗം നമ്മുടെ ഏറ്റവും കാവ്യാത്മക നിമിഷങ്ങളില്‍ ഒന്നായി മാറി.
സാധ്യമായ എല്ലാ തരം സിനിമകളിലും തുല്യ ധൈര്യത്തോടെ മുന്നേറാന്‍ കഴിയുന്ന ഒരേയൊരു നടന്‍ എന്ന നിലയില്‍ മമ്മൂക്ക നിങ്ങള്‍ എന്നെന്നേക്കുമായി ഓര്‍മ്മിക്കപ്പെടും... നിങ്ങളുടെ താരപരിവേഷം നല്‍കിയില്ലായിരുന്നെങ്കില്‍ ജിയോയ്ക്ക് ഇത്രയും വലിയ പ്രേക്ഷകരിലേക്കെത്താന്‍ കഴിയുമായിരുന്നില്ല. ഒരു തീവ്ര സിനിമാ പ്രേമിയില്‍ നിന്ന് ഇതിന് നന്ദി.' എന്നാണ് സിനിമയെ പ്രശംസിച്ച് അനൂപ് മേനോന്‍ കുറിച്ചത്.
മമ്മൂട്ടിയെ കൂടാതെ ജ്യോതികയും ചിത്രത്തില്‍ പ്രധാന വേഷത്തിലെത്തിയിരുന്നു. സുധി കോഴിക്കോട്, ചിന്നു ചാന്ദ്‌നി, മുത്തുമണി തുടങ്ങിയവരാണ് ചിത്രത്തിലെ മറ്റ് പ്രധാന താരങ്ങള്‍. ആദര്‍ശ് സുകുമാരന്‍ പോള്‍സണ്‍ സക്കറിയ എന്നിവര്‍ ചേര്‍ന്നാണ് ചിത്രത്തിന് തിരക്കഥയെഴുതിയിരിക്കുന്നത്. മമ്മൂട്ടി കമ്പനിയാണ് ചിത്രത്തിന്റെ നിര്‍മ്മാണം.
Premium Lifestyle and Entertainment website
സ്വന്തം ദാമ്പത്യം തകര്‍ന്നു;മറ്റൊരു സ്ത്രീയുടെ ജീവിതം കൂടി ഇല്ലാതാക്കരുത് ;രാജ് നിദിമൊരുവുമായി കൈകോര്‍ത്ത് പിടിച്ച് ചിത്രങ്ങള്‍ പുറത്ത് വ്ന്നതോടെ സാമന്തക്ക് വിമര്‍ശനം; നടി പ്രണയത്തിലെന്നും റിപ്പോര്‍ട്ട്
സായിദ് മസൂദിനും എസ്തപ്പാനും ഒപ്പം രംഗന്‍ ചേട്ടനും; മോഹന്‍ലാല്‍ പങ്ക് വച്ച സോഷ്യല്‍മീഡിയയില്‍ ചൂടന്‍ ചര്‍ച്ച; ഫഹദ് എമ്പുരാനില്‍ ഉണ്ടോയെന്ന് ആരാധകര്‍