സിനിമാ രംഗത്ത് ടെക്‌നീഷ്യന്‍സിനെ ഡേറ്റ് ചെയ്തിട്ടുണ്ട്; നടന്‍മാരുമായോ സംവിധായകരുമായോ റിലേഷന്‍ഷിപ്പുണ്ടായിട്ടില്ല; ഇപ്പോള്‍ സിംഗിള്‍; മുന്‍കാമുകന്‍മാരുമായി സൗഹൃദം സൂക്ഷിക്കാറുണ്ട്; ഡേറ്റിംഗ് ആപ്പുകളിലുമുണ്ട്; പാര്‍വ്വതി തിരുവോത്ത്  റിലേഷന്‍ഷിപ്പ് സ്റ്റാറ്റസിനെക്കുറിച്ച് പങ്ക് വച്ചത്

കരുത്തുറ്റ കഥാപാത്രങ്ങളിലൂടെയും മികച്ച അഭിനയത്തിലൂടെയും തിളങ്ങി നില്‍ക്കുന്ന പാര്‍വതി തിരുവോത്ത് മലയാളത്തിലെ മികച്ച നടിമാരില്‍ ഒരാളാണ്.സ്വന്തം നിലപാടുകളും അഭിപ്രായങ്ങലും മുഖം നോക്കാതെ തുറന്നു പറയാറുള്ള താരം  ഇപ്പോഴിതാ തന്റെ റിലേഷന്‍ഷിപ്പ് സ്റ്റാറ്റസിനെക്കുറിച്ച് പറയുകയാണ്.  ഫിലിം ഫെയറിന് നല്‍കിയ അഭിമുഖത്തില്‍ ആണ് നടി ഇക്കാര്യം പങ്ക് വച്ചത്

പ്രണയം ഉണ്ടായിരുന്നുവെന്നും എന്നാല്‍ നിലവില്‍ സിംഗിള്‍ ആണെന്നുമാണ് താരം പറഞ്ഞത്.സിനിമാരംഗത്ത് നിന്ന് ആരെയെങ്കിലും പ്രണയിച്ചിട്ടുണ്ടോയെന്ന ചോദ്യത്തിന് സംവിധായകരെയും നടന്‍മാരെയും പ്രണയിച്ചിട്ടില്ല, പക്ഷേ ടെക്‌നീഷ്യന്‍സിനെ ഡേറ്റ് ചെയ്തിട്ടുണ്ടെന്നും നടി വ്യക്തമാക്കി

മുന്‍ കാമുകന്‍മാരുമായി സംസാരിക്കുമ്പോള്‍ താന്‍ പണ്ട് ചെയ്ത തെറ്റുകള്‍ക്ക് ക്ഷമ ചോദിക്കാറുണ്ടെന്നും  അത് ഹീലിംഗ് ചെയ്യുമെന്നും പാര്‍വതി തിരുവോത്ത് പറയുന്നു.

നടിയുടെ വാക്കുകള്‍ ഇങ്ങനെ: 

പ്രണയങ്ങള്‍ ഉണ്ടായിട്ടുണ്ടെങ്കിലും ഇപ്പോള്‍ സിംഗിള്‍ ആണെന്ന് താരം വെളിപ്പെടുത്തി. സിനിമാരംഗത്ത് സംവിധായകരുമായോ നടന്‍മാരുമായോ അടുപ്പമുണ്ടായിട്ടില്ല, പക്ഷേ  ടെക്‌നീഷ്യന്‍സിനെ ഡേറ്റ് ചെയ്തിട്ടുണ്ട്. ഡേറ്റിങ് ആപ്പുകളില്‍ പ്രൊഫൈല്‍ ഉണ്ടെങ്കിലും അവയോട് താല്പര്യമില്ല. മറിച്ച് ഒരാളെ നേരില്‍ കണ്ടു മനസ്സിലാക്കി പ്രണയിക്കുന്നതിലാണ് താല്പര്യമെന്നും പാര്‍വതി പറഞ്ഞു.   

ഞാന്‍ പ്രണയിച്ചിട്ടുണ്ട്. പക്ഷേ, കുറെ നാളായി സിംഗിളാണ്. മുന്‍കാമുകന്‍മാരില്‍ മിക്കവരുമായും സൗഹൃദം സൂക്ഷിക്കുന്നയാളാണ് ഞാന്‍. പലരുമായും ഞാന്‍ ഇപ്പോഴും സംസാരിക്കാറുണ്ട്. വളരെ അടുത്ത ബന്ധം പുലര്‍ത്തുന്നു എന്നല്ല. എങ്കിലും, വല്ലപ്പോഴും വിളിച്ച്, നിനക്ക് സുഖമാണോ എന്നു ചോദിക്കുന്നതില്‍ തെറ്റില്ല.  കാരണം ഏതോ ഒരു കാലത്ത് ഞങ്ങള്‍ പരസ്പരം സ്‌നേഹിച്ചിരുന്നവരാണ്. ഒരുമിച്ച് ജീവിക്കണം എന്ന് ആഗ്രഹിച്ചിരുന്നവരാണ്. അവര്‍ സന്തോഷമായിരിക്കണമെന്ന് കരുതുന്നു. കാരണം, ഞാന്‍ സന്തോഷവതിയാണ്. ചിലപ്പോള്‍ ഒറ്റപ്പെടല്‍ തോന്നും. കെട്ടിപ്പിടിക്കാന്‍ തോന്നുന്ന ദിവസങ്ങളുണ്ട്. മനുഷ്യരുടെ സ്പര്‍ശമില്ലാതെ നമ്മള്‍ കടന്നു പോകുന്ന ദിവസങ്ങളുണ്ടല്ലോ... അത് ന്യായരഹിതമാണ്.

ഒരുപാട് മാനസിക പ്രശ്‌നങ്ങളിലൂടെ കടന്നുപോയ ആളാണ് ഞാന്‍. അമിതമായി ഭക്ഷണം കഴിക്കുന്ന കുഴപ്പം എനിക്കുണ്ടായിരുന്നു. ബോഡി ഡിസ്‌മോര്‍ഫിയ അതിന്റെ അതിന്റെ പീക്കിലായിരുന്നു. ആ സമയത്ത് ഞാന്‍ വളരെ നല്ല ഒരു വ്യക്തിയെ ഡേറ്റ് ചെയ്യുകയായിരുന്നു. എനിക്ക് ദേഷ്യവും വിശപ്പും ഒരുമിച്ച് വരും. വിശക്കുന്നതിന് എനിക്ക് ദേഷ്യം വരും.  ഭക്ഷണം കഴിക്കണ്ട എന്ന് വിചാരിക്കും. കാരണം നമ്മള്‍ തടിവച്ച് കാണാന്‍ വൃത്തികേടായിപ്പോകും എന്നൊക്കെ തോന്നും. 

ആ സമയത്ത് അവന്‍ എനിക്ക് വേണ്ടി ഭക്ഷണമുണ്ടാക്കും. ചായയും ജിഞ്ചര്‍ ടീയും ഒക്കെ ഉണ്ടാക്കി തരും. പക്ഷേ, ഭക്ഷണത്തോടുള്ള എന്റെ ദേഷ്യം ആ ബന്ധത്തെ മോശമാക്കാന്‍ തുടങ്ങി. എന്റെ മാനസികബുദ്ധിമുട്ടുകള്‍ ആ ബന്ധത്തെയും ബാധിച്ചു. ഞാന്‍ തന്നെ ആ ബന്ധം നശിപ്പിക്കുകയാണെന്ന് കുറച്ച് മാസങ്ങള്‍ക്കുള്ളില്‍ ഞാന്‍ മനസ്സിലാക്കി.  ഒരുപാട് കാലങ്ങള്‍ക്ക് ശേഷം ഞങ്ങള്‍ വീണ്ടും സംസാരിച്ചു. ഞാന്‍ ക്ഷമ ചോദിച്ചു. കുറെ നാളുകള്‍ക്ക് ശേഷം അങ്ങനെ തുറന്നു സംസാരിക്കുന്നത് ഒരുതരത്തില്‍ മുറിവുണക്കലാണ്. ഇനി മറ്റാെരാളെ ജീവിതത്തിലേക്ക് കൊണ്ട് വരും മുമ്പ് ഞാന്‍ എന്റെ കാര്യം കുറച്ച് കൂടി ശ്രദ്ധിക്കണം എന്നാണ് എനിക്ക് തോന്നുന്നത്. അല്ലെങ്കില്‍ അവര്‍ക്ക് ഒരുപാട് കാര്യങ്ങള്‍ നേരിടേണ്ടി വരും.

സിനിമാ രംഗത്ത് ടെക്‌നീഷ്യന്‍സിനെ ഡേറ്റ് ചെയ്തിട്ടുണ്ട്. നടന്‍മാരുമായോ സംവിധായകരുമായോ റിലേഷന്‍ഷിപ്പുണ്ടായിട്ടില്ല. അത് പ്ലാന്‍ ചെയ്ത് സംഭവിച്ചതല്ല.  സിനിമയെക്കുറിച്ച് മനസ്സിലാകുന്ന ഒരാള്‍ ആകുന്നത് വളരെ പ്രധാനമാണ്. അവര്‍ക്ക് നമ്മുടെ ജോലിയെക്കുറിച്ച് മനസ്സിലാകും. പ്രണയത്തിലാകുന്നത് എനിക്ക് വളരെ ഇഷ്ടമുള്ള കാര്യമാണ്. പക്ഷേ, കുറച്ചു വര്‍ഷങ്ങളായി ഞാന്‍ സിംഗിളാണ്, ഏകദേശം മൂന്നരവര്‍ഷത്തോളമായി. 

നാല് മാസം മുമ്പ് എന്നെ സുഹൃത്തുക്കള്‍ ഡേറ്റിങ് ആപ്പുകള്‍ പരിചയപ്പെടുത്തി. പക്ഷേ, ആളുകളെ 'ഷോപ്പ്' ചെയ്യുന്നത് വിചിത്രമായിട്ടാണ് എനിക്ക് തോന്നിയത്. ഫ്രാന്‍സില്‍ വെച്ച് ടിന്‍ഡറില്‍ എന്റെ പ്രൊഫൈല്‍ പിക്ചര്‍ വച്ചു. എന്റെ സുഹൃത്തുമുണ്ടായിരുന്നു ഒപ്പം. ഇവിടെ വെച്ച് നിന്നെ ആരും തിരിച്ചറിയില്ലെന്ന് അവള്‍ പറഞ്ഞു. ഒരുപാട് മുഖങ്ങള്‍ ഞാന്‍ അവിടെ കണ്ടു. പക്ഷേ, പെട്ടെന്ന് തന്നെ ഞാന്‍ ടിന്‍ഡര്‍ ഉപേക്ഷിച്ചു. പിന്നീട് ബംബിള്‍, റായ തുടങ്ങിയ ഡേറ്റിങ് ആപ്പുകള്‍ വന്നു.

ഞാന്‍ ഡേറ്റിങ് ആപ്പുകളിലുണ്ട്. ചിലപ്പോഴൊക്കെ കയറി നോക്കും. പക്ഷേ, മിക്കവാറും അക്കൗണ്ട് സസ്‌പെന്‍ഡ് ചെയ്തുവയ്ക്കും. ചിലരുടെ ബയോ വായിച്ചാല്‍ കഥയെഴുതാം. പക്ഷേ, അവരെ താഴ്ത്തി കാണുകയല്ല, ചിലപ്പോള്‍ ഞാനും അങ്ങനെ ബയോ വയ്ക്കാറുണ്ട്. ഇപ്പോഴത്തെ റിയാലിറ്റി ഇതാണ്. പക്ഷേ, എനിക്ക് പഴയ രീതിയില്‍ ഒരാളെ കണ്ടെത്താനാണിഷ്ടം. നേരിട്ട് കാണുക, കണ്ണുകള്‍ കൊണ്ട് സംസാരിക്കുക, കാണുമ്പോഴുള്ള ആവേശം അനുഭവിക്കുക, അതൊക്കെയാണ് എനിക്കിഷ്ടം. ഞാന്‍ വളരെ മനോഹരമായി പ്രണയിക്കുന്ന ആളാണ്. എനിക്ക് തോന്നുന്നത് പ്രണയം നമ്മുടെ തലച്ചോറില്‍ തന്നെ ഉള്ളതാണ്. അത് ആര്‍ക്കും എടുത്തു മാറ്റാന്‍ കഴിയില്ല, പാര്‍വതി തിരുവോത്ത് പറയുന്നു