ഹാരി പോട്ടര്‍ കഥകളിലെ 'ഒഴുകി നടക്കുന്ന' മെഴുകുതിരികളും നിഗൂഢമായ സംഗീതവും. റിലയന്‍സ് രാജാവ് മുകേഷ് അംബാനിയുടെ മകന്‍ ആകാശ് അംബാനിയുടെ പ്രീവെഡ്ഢിങ് ആഘോഷങ്ങളാണ് ഇപ്പോള്‍ സമൂഹ മാധ്യമത്തില്‍ വൈറലായിരിക്കുന്നത്. മുകേഷ് അംബാനിയുടെ ആഡംബര വസതിയായ ആന്റലിയയില്‍ മകള്‍ ഇഷ അംബാനിയുടെ വിവാഹ മാമാങ്കം നടന്ന് ആഴ്ച്ചകള്‍ക്കിപ്പുറമാണ് മകന്റെ വിവാഹം നടക്കാനൊരുങ്ങുന്നത്.
കോടികള്‍ ചെലവഴിച്ച് നടത്തിയ പ്രീവെഡ്ഢിങ് പരിപാടിക്ക് ഹാരിപ്പോട്ടര്‍ കഥകളുടെ പരിവേഷം കൂടി നല്‍കിയപ്പോള്‍ കാഴ്ച്ചക്കാര്‍ക്ക് അത് പുത്തന്‍ അനുഭവമായി മാറുകയായിരുന്നു. ആദ്യ ഘട്ട പ്രീവെഡ്ഡിങ് ആഘോഷങ്ങള്‍ നടത്തിയത് സ്വിറ്റസര്‍ലന്റില്‍ വച്ചാണ്. എന്നാല്‍ ഇതില്‍ പങ്കെടുക്കാന്‍ ഒട്ടേറെ ആളുകള്‍ക്ക് കഴിയാഞ്ഞതിന് പിന്നാലെയാണ് ആന്റലിയയില്‍ വന്‍ വിരുന്ന് നടത്തിയത്.
ഹാരിപോട്ടര്‍ കഥകളില്‍ പറയുന്ന മാന്ത്രിക സ്‌കൂളായ ഹോഗ്വാര്‍ട്ടിലെ ഡിന്നര്‍ ടേബിള്‍, ഹോഗ് വാര്‍ട്ട് എക്‌സ്പ്രസ്, പ്ലാറ്റ്ഫോം 93യ4 എന്നിവയില്‍ തുടങ്ങി ഒഴുകി നടക്കുന്ന മെഴുകുതിരികളും നിഗുഡമായ സംഗീതവും ചേര്‍ന്നുള്ള വമ്പന്‍ സെറ്റൊരുക്കിയതോടെ ആന്റലിയ ഹാരി പോട്ടര്‍ കഥകളിലെ മാന്ത്രിക ലോകമായി മാറുകയായിരുന്നു. പഞ്ചാബി ഗായകന്‍ ഗുരു രണ്‍ധാവയുടെ പ്രകടനമായിരുന്നു മറ്റൊരു ആകര്‍ഷണം. ഇതിന്റെ ദൃശ്യങ്ങള്‍ സമൂഹമാധ്യമങ്ങളില്‍ പ്രചരിക്കുന്നുണ്ട്.
ആകാശിന്റെ പ്രീവെഡ്ഡിങ് ആഘോഷങ്ങള്‍ക്കു സ്വിറ്റ്സര്‍ലന്‍ഡിലെ സെന്റ് മോറിറ്റ്സിലായിരുന്നു തുടക്കമായത്. 'വിന്റര്‍ വണ്ടര്‍ലാന്‍ഡ്' എന്നു പേരിട്ട അദ്ഭുതവേദിയാണ് ഇവിടെ ഒരുക്കിയത്. മൂന്നു ദിവസമായിരുന്നു ഇവിടെ ആഘോഷങ്ങള്‍. ഇതിന്റെ ദൃശ്യങ്ങളും ചിത്രങ്ങളും സമൂഹമാധ്യമങ്ങളില്‍ വൈറലായിരുന്നു.
മുംബൈയിലെ ബാന്ദ്ര കുര്‍ല കോംപ്ലക്സിലെ ജിയോ വേള്‍ഡ് സെന്ററില്‍ മാര്‍ച്ച് 9നാണ് വിവാഹച്ചടങ്ങുകള്‍ നടക്കുക. മാര്‍ച്ച് 11ന് വിവാഹ സല്‍കാരം. റോസ ബ്ലൂ ഡയമണ്ട്സ് ഉടമ റസല്‍ മേത്തയുടെ മകളാണു ശ്ലോക മേത്ത. ആകാശിന്റെ ആദ്യ വിവാഹക്ഷണക്കത്ത് മുംബൈയിലെ സിദ്ധിവിനായക ക്ഷേത്രത്തില്‍ അംബാനി കുടുംബം നേരിട്ടെത്തി സമര്‍പ്പിച്ചിരുന്നു. ഈ ആഡംബര വിവാഹക്ഷണക്കത്തും സമൂഹമാധ്യമങ്ങളില്‍ തരംഗമായി.
Premium Lifestyle and Entertainment website
നിഖില വിമല്‍ നായികയാകുന്ന 'പെണ്ണ് കേസ്'; ടൈറ്റില്‍ പോസ്റ്റര്‍ പുറത്ത്
പറ്റിച്ച ക്യാഷ് തിരിച്ച് ചോദിച്ചാല്‍ ഭീഷണി; ഷംനാ കാസിമിന്റെ ഭര്‍ത്താവ് ഇട്ട വാട്സാപ്പ് ചാറ്റ് പുറത്ത് വിട്ട് മജ്സിയാ ഭാനു; ഇരുവരും തമ്മിലുള്ള തര്‍ക്കം കോടതിയിലേക്ക്