1.jpg "കാലമേ.... എനിക്ക് പിമ്പേ എന്ന് പറഞ്ഞ് കാറോടിക്കുന്നത് മമ്മൂട്ടിയാണ്; മൂളിപ്പാട്ട് പാടി, മഴ പെയ്യുന്നത് കണ്ട് സന്തോഷിച്ച്, കോളേജ് കാലമോര്‍ത്തും തമാശപറഞ്ഞും മമ്മൂക്ക ഡ്രൈവിങ് സീറ്റില്‍; രണ്ടു ദിവസം കൊണ്ട് ഡ്രൈവ് ചെയ്ത ദൂരം രണ്ടായിരത്തി മുന്നൂറു കിലോമീറ്റര്‍; ഓസ്‌ട്രേലിയന്‍ പര്യടനത്തില്‍ മമ്മൂക്കയ്‌ക്കൊപ്പം കാര്‍ യാത്ര ആസ്വദിച്ച സഹയാത്രികനായ റോബേര്‍ട്ട് കുറിച്ചത് ഇങ്ങനെ")
ഷൂട്ടിംഗ് തിരക്കുകള്‍ക്ക് ഇടവേള നല്‍കി മമ്മൂട്ടിയും കുടുംബവും ഓസ്‌ട്രേലിയയിലേയ്ക്ക് പറന്നതായി കുറച്ച് ദിവസം മുമ്പാണ് വാര്‍ത്തയായത്. പങ്കാളി സുല്‍ഫത്തിനും സുഹൃത്ത് രാജശേഖരനുമൊപ്പമാണ് മമ്മൂട്ടി യാത്ര പുറപ്പെട്ടത്.ഇപ്പോളിതാ വാഹനകമ്പക്കാരനും ഡ്രൈവിങ് ഏറെ ഇഷ്ടപ്പെടുന്ന മമ്മൂക്ക ഓസ്‌ട്രേലിയന്‍ നഗരങ്ങളിലൂടെ നടത്തിയ ഒരു ഡ്രൈവിങിന്റെ കുറിപ്പാണ് ശ്രദ്ധ നേടുന്നത്. ഓസ്‌ട്രേലിയലിലെ താരത്തിന്റൈ കോര്‍ഡിനേറ്ററും സുഹൃത്തുമായ റോബേര്‍ട്ട് കുര്യാക്കോസാണ് ഫെയ്‌സബുക്കില്‍ താരത്തിനൊപ്പം നടത്തിയ യാത്രയുടെ കുറിപ്പ് പങ്ക് വച്ചത്.
കുറിപ്പ് ഇങ്ങനെ
മമ്മൂക്കയെക്കുറിച്ച് മുമ്പെങ്ങോ വായിച്ച ഒരു ഫീച്ചറിലെ വാചകം എന്നും ഓര്‍മയില്‍ തങ്ങിനില്‍ക്കുന്നതാണ്. മമ്മൂക്കയ്‌ക്കൊപ്പം സഞ്ചരിച്ച് തയ്യാറാക്കിയ അതിലെ ആ വാചകം ഇങ്ങനെയായിരുന്നു: 'കാലമേ.... എനിക്ക് പിമ്പേ എന്ന് പറഞ്ഞ് കാറോടിക്കുന്നത് മമ്മൂട്ടിയാണ്...' ഓസ്‌ട്രേലിയന്‍ പാതയിലൂടെയുള്ള ഈ സഞ്ചാരത്തില്‍ എനിക്ക് അരികിലുള്ളത് അതേ മമ്മൂക്കയും അദ്ദേഹത്തിന് പിന്നില്‍ കാലവുമായിരുന്നു. സിഡ്‌നിയില്‍ നിന്ന് കാന്‍ബറയിലേക്ക്. അവിടെ നിന്ന് മെല്‍ബണിലേക്ക് പിന്നെ ടാസ്മാനിയയില്‍.
പുല്‍മേടുകള്‍ക്കും വന്‍ മരങ്ങള്‍ക്കും നടുവിലൂടെ അതീവ ശാന്തനായി മമ്മൂക്ക കാറോടിച്ചു കൊണ്ടേയിരുന്നു. കാറോടിക്കുമ്പോള്‍ മറ്റുള്ളവരുടെ നിയമ ലംഘനം കണ്ട് മമ്മൂക്ക പലപ്പോഴും ദേഷ്യപ്പെടും എന്ന് കേട്ടിട്ടുണ്ട്. പക്ഷേ ഓസ്ട്രേലിയയിലെ യാത്രികര്‍ നമ്മുടെ നാട്ടിലേതുപോലുള്ളവരല്ലാത്തതു കൊണ്ടാകാം, മമ്മൂക്ക ഒരിക്കല്‍പ്പോലും ദേഷ്യപ്പെട്ടില്ല.
പകരം മൂളിപ്പാട്ട് പാടി, മഴ പെയ്യുന്നത് കണ്ട് സന്തോഷിച്ചു, കോളേജ് കാലത്തെക്കുറിച്ചോര്‍ത്തു, ഒരു പാട് തമാശപറഞ്ഞു. കൂടെ ഞങ്ങള്‍ മൂന്നു പേര്‍. മമ്മൂക്കയുടെ ആത്മമിത്രം രാജശേഖരന്‍, സുള്‍ഫത്ത് മേഡം,പിന്നെ ഞാനും. കേരളത്തിനേക്കാള്‍ വലിപ്പമുള്ള ദ്വീപ് സംസ്ഥാനമായ ടാസ്മാനിയയുടെ രണ്ടു തീര വശങ്ങള്‍ മമ്മൂക്ക കാറില്‍ പിന്നിട്ടു. ഹോബാര്‍ട്ടില്‍ നിന്ന് ലോണ്‍സസ്റ്റനിലേക്ക്, അവിടെനിന്ന് സ്വാന്‍സി,പോര്‍ട്ട് ആര്‍തര്‍ വഴി തിരിച്ചു ഹോബാര്‍ട്ട്. മടുപ്പേതുമില്ലാതെ, എന്നാല്‍ ഓരോ കിലോമീറ്ററിലും മമ്മൂക്ക ആവേശഭരിതനായി കാര്‍ പായിച്ചു.
റോഷിതിന്റെ 'DON007' നമ്പര്‍ പ്ലെയിറ്റുള്ള ബ്രാന്‍ഡ് ന്യൂ കാറുമെടുത്തു രണ്ടു ദിവസം കൊണ്ട് ടാസ്മാനിയ ചുറ്റിക്കണ്ടതോടെ മമ്മൂക്ക ഓസ്ട്രേലിയയിലെ ആദ്യ ഘട്ട സന്ദര്‍ശനത്തില്‍ ഡ്രൈവ് ചെയ്ത ആകെ ദൂരം രണ്ടായിരത്തി മുന്നൂറു കിലോമീറ്റര്‍! വീണ്ടും ഒരു അദ്ഭുതം. ഓസ്‌ട്രേലിയയില്‍ 10 വര്‍ഷമായി വാഹനമോടിക്കുന്ന എന്നേക്കാള്‍ ഇവിടത്തെ ഗതാഗത നിയമങ്ങള്‍ നിശ്ചയമായിരുന്നു മമ്മൂക്കയ്ക്ക്. ഇടയ്ക്ക് ഏതോ ഒരു ഗതാഗത നിയമത്തിന്റെ പേരില്‍ ഞങ്ങള്‍ തര്‍ക്കിച്ചു. മമ്മൂക്ക വിട്ടു തന്നില്ല. ഒടുവില്‍ കാറിലിരുന്നു കൊണ്ട് സംശയം തീര്‍ക്കാന്‍ ടാസ്മാനിയന്‍ ഗതാഗതവകുപ്പിലെ പരിചയക്കാരനായ ഒരുദ്യോഗസ്ഥനെ( സനില്‍ നായര്‍ )ഞാന്‍ വിളിച്ചു.
മമ്മൂക്ക പറഞ്ഞതായിരുന്നു ശരി. സ്ഥലങ്ങള്‍ പരിചയപ്പെടുത്തിത്തരാന്‍ സിഡ്‌നിയില്‍ കിരണ്‍ജയിംസും മെല്‍ബണില്‍ ഗ്രേറ്റ് ഓഷ്യന്‍ ഡ്രൈവിന് മദനന്‍ ചെല്ലപ്പനും ഫിലിപ്പ് അയലന്‍ഡ് ഉള്‍പ്പെടുന്ന തീരദേശ ഡ്രൈവിന് കിരണ്‍ ജയ പ്രകാശും കൂടെയുണ്ടായിരുന്നു. പക്ഷേ അവരെയൊക്കെ കാഴ്ചക്കാരാക്കി മമ്മൂക്ക തികച്ചും ഓസ്‌ട്രേലിയന്‍ നിവാസിയായി. അങ്ങനെ കുറച്ചു നല്ല ദിവസങ്ങള്‍, നല്ല നിമിഷങ്ങള്‍, സിനിമയല്ല കണ്‍മുന്നില്‍ ഓടുന്നതെന്ന് വിശ്വസിക്കാന്‍ പാടുപെട്ട കാഴ്ചകള്‍.. ദൈവത്തിനും കാലത്തിനും നന്ദി.. പിന്നെ എന്നെ സഹയാത്രികനാക്കിയ എന്റെ പ്രിയപ്പെട്ട മമ്മൂക്കയ്ക്കും...
ഹ്രസ്വ സന്ദര്‍ശനത്തിനം പൂര്‍ത്തിയാക്കിയ നടന്‍ തിരികെ കൊച്ചിയിലെത്തി. സിങ്കപ്പൂരില്‍നിന്നും സിഡനിയിലേക്കായിരുന്നു നടന്‍ എത്തിയത്.സിഡ്‌നി കൂടാതെ മെല്‍ബണ്‍, അഡ്ലെയിട്, ബ്രിസ്‌ബെയിന്‍, ടാസ്മാനിയ എന്നിവിടങ്ങള്‍ അദ്ദേഹം സന്ദര്‍ശിച്ചു.
ജോതിക നായികയായി എത്തുന്ന ജിയോ ബേബി ചിത്രം കാതല്‍ കൂടാതെ ഉണ്ണികൃഷ്ണന്‍ സംവിധാനം ചെയ്യുന്ന ക്രിസ്റ്റഫര്‍ ആണ് മമ്മൂക്കയുടെ അണിയറയില്‍ ഒരുങ്ങുന്ന മറ്റൊരു ചിത്രം.ആറാട്ടിനു ശേഷം ബി ഉണ്ണികൃഷ്ണന്‍ സംവിധാനം ചെയ്യുന്ന ചിത്രമാണിത്. ത്രില്ലര്‍ വിഭാഗത്തില്‍ പെടുന്ന ചിത്രത്തില്‍ ഒരു പൊലീസ് ഓഫീസറുടെ റോളിലാണ് മമ്മൂട്ടി എത്തുക
Premium Lifestyle and Entertainment website
കാസ്റ്റിങ്ങില്‍ തിരഞ്ഞെടുത്താല്‍ പത്തര ലക്ഷം രൂപ പ്രതിഫലം; ആര്‍ട്ടിസ്റ്റ് കാര്‍ഡ് ഉണ്ടോ ഇല്ലെങ്കില്‍ തമിഴ്നാട്ടില്‍ അത് അത്യാവശ്യമാണെന്നും 12300 രൂപയാണ് ഇതിനായി വേണ്ടെതെന്നും ആവശ്യം; രജനി സാറിന്റെ ഭാര്യ റിട്ടയേര്‍ഡ് ഐപിഎസ് ഓഫിസര്‍ ഭാനിയാകനാന്‍ എത്തിയ തട്ടിപ്പ് കൊളിനെക്കുറിച്ച് നടി നടി ഷൈനി സാറ പങ്ക് വ്ച്ചത്
നടി സൗന്ദര്യയുടേത് അപകട മരണമല്ല; ആസൂത്രിത കൊലപാതകമെന്ന് ആരോപണം; നടന്‍ മോഹന്‍ ബാബുവിനെതിരെ പരാതി നല്‍കി; മരണശേഷം ഭൂമി കൈവശപ്പെടുത്തിയെന്നും പരാതിയില്‍