മുംബൈയില്‍വച്ച് പരസ്യമായി അധിക്ഷേപിച്ച അപരിചിതനെയും ഭാര്യയെയും കണ്ടെത്താന്‍ സഹായിക്കണമെന്ന് അഭ്യര്‍ഥിച്ച് നടി മാഹി വിജ്. താന്‍ 2 വയസുള്ള മകളോടൊപ്പം യാത്ര ചെയ്യുന്നതിനിടെ അപരിചിതന്‍ വാഹനം ഇടിപ്പിച്ചശേഷം ബലാത്സംഗ ഭീഷണി മുഴക്കിയന്നൊണ് മാഹി വിജിന്റെ പരാതി.
മുംബൈയില്‍വച്ച് തനിക്ക് നേരിട്ട ദുരനുഭവം സമൂഹ മാധ്യമങ്ങളിലൂടെയാണ് നടി പങ്കുവച്ചത്. വണ്ടിയുടെ നമ്പര്‍ വ്യക്തമാക്കുന്ന വീഡിയോയും നടി ട്വീറ്റ് ചെയ്തു. 'എന്റെ കാറിലിടിച്ച് അപകടം സൃഷ്ടിച്ച വ്യക്തി മോശമായി പെരുമാറുകയും ചെയ്തു. ബലാത്സംഗ ഭീഷണിയും മുഴക്കി. ഒപ്പമുണ്ടായിരുന്ന ഭാര്യയും മോശമായി പെരുമാറി. ഇയാളെ കണ്ടുപിടിക്കാന്‍ മുംബൈ പൊലീസ് ഞങ്ങളെ സഹായിക്കണം'. ട്വിറ്ററില്‍ മുംബൈ പൊലീസിനെ ടാഗ് ചെയ്തു കൊണ്ട് നടി അഭ്യര്‍ഥിച്ചു.
മമ്മൂട്ടി നായകനായെത്തിയ അപരിചിതന്‍ എന്ന ചിത്രത്തിലൂടെ പ്രേക്ഷകശ്രദ്ധ നേടിയ താരമാണ് മാഹി വിജ്. രണ്ടുവയസുകാരിയായ മകള്‍ക്കൊപ്പം മുംബയില്‍ കാറില്‍ സഞ്ചരിക്കവെയാണ് നടിക്ക് ദുരനുഭവം ഉണ്ടായത്. നടി സഞ്ചരിച്ച വാഹനത്തില്‍ ഒരാള്‍ വണ്ടി കൊണ്ട് ഇടിച്ചു. ശേഷം ഇയാള്‍ താരത്തിനു നേരെ ബലാത്സംഗ ഭീഷണി മുഴക്കുകയും ചെയ്തു. വണ്ടിയുടെ നമ്പര്‍ സഹിതം സഹായാഭ്യര്‍ത്ഥനയുമായി മാഹി ട്വിറ്ററില്‍ പോസ്റ്റ് ചെയ്തു.
മുംബയ് പൊലീസിനെ ടാഗ് ചെയ്തുകൊണ്ടായിരുന്നു ഇവര്‍ സഹായം അഭ്യര്‍ത്ഥിച്ചത്. താമസിയാതെ പൊലീസ് മറുപടി നല്‍കി. ഉടനെ അടുത്തുള്ള സ്റ്റേഷനില്‍ പരാതി നല്‍കാന്‍ പൊലീസ് ആവശ്യപ്പെട്ടു.
Premium Lifestyle and Entertainment website
മഞ്ചേരിയിലെ നാട്ടിന്‍ പുറത്തുകാരി പെണ്‍കുട്ടി; ചേട്ടന്‍ പ്രതീഷ് നന്ദന്‍ വഴിയാണ് ഓഡിഷന്; നീലക്കുയിലിലെ കസ്തൂരിയായെത്തി മിനിസ്‌ക്രിന്‍ പ്രേക്ഷകകുടെ പ്രിയങ്കരിയായസ്നിഷാ ചന്ദ്രന്റെ കഥ
മഹേഷ് നാരായണന്‍ ചിത്രത്തിന്റെ ഷൂട്ടിനായി ലാലേട്ടന്‍ ശ്രീലങ്കയിലെത്തി; നിര്‍മാതാവ് ആന്റോ ജോസഫിനൊപ്പം വിമാനത്താവളത്തിലെത്തിയ നടന്റെ ദൃശ്യങ്ങള്‍ സോഷ്യല്‍മീഡിയയില്‍ ഹിറ്റ്; ചിത്രത്തില്‍ ഫഹദും നയന്‍താരയും എത്തുമെന്നും അഭ്യൂഹം