സിനിമ കഴിഞ്ഞാല്‍ സാമൂഹ്യ പ്രവര്‍ത്തനങ്ങളില്‍ മുഴുകും; ജീവിതത്തില്‍ ചെ​റിയ സ്വ​പ്ന​ങ്ങ​ളും ല​ക്ഷ്യ​ങ്ങ​ളും മാത്രമാണ് ഉള്ളത് എന്ന് തുറന്ന് പറഞ്ഞ് സാജു നവോദയ

ടെലിവിഷന്‍ ഹാസ്യ പരിപാടികളിലൂടെ  മലയാള സിനിമയിലേക്ക് ചേക്കേറിയ താരമാണ് പാഷാണം ഷാജി എന്ന സാജു നവോദയ. നിരവധി സിനിമകളിലൂടെ ശ്രദ്ധേയമായ കഥാപാത്രങ്ങളെ അവതരിപ്പിക്കാനും താരത്തിന് സാധിച്ചു. എന്നാൽ ഇപ്പോൾ സിനിമ കഴിഞ്ഞാല്‍ സാമൂഹ്യ പ്രവര്‍ത്തനങ്ങളില്‍ മുഴുകുകയും ജീവിതത്തില്‍ ചെ​റിയ സ്വ​പ്ന​ങ്ങ​ളും ല​ക്ഷ്യ​ങ്ങ​ളും മാത്രമാണ് ഉള്ളത് എന്നും ഷാജി കേരള കൗമുദിക്ക് നൽകിയ അഭിമുഖത്തിലൂടെ തുറന്ന് പറയുകയാണ്.

സത്യം പ​റ​യാ​ലോ, പാ​ഷാ​ണം എ​ന്ന് വി​ളി​ച്ചാ​ലേ ഞാ​നി​പ്പോള്‍ തി​രി​ഞ്ഞു നോ​ക്കു​ക​യു​ള്ളൂ. സാ​ജു എ​ന്ന പേ​ര് മ​റ​ന്നേ പോ​യി. '​സാ​ജൂ​"... എ​ന്നാ​രെ​ങ്കി​ലും വി​ളി​ച്ചാല്‍ മ​ന​സി​ലാ​കി​ല്ല. പ​ല​പ്പോ​ഴും ദേ വി​ളി​ക്കു​ന്നു എ​ന്ന് ഭാ​ര്യ പ​റ​യു​മ്ബോ​ഴാ​ണ് കാ​ര്യം പി​ടി​കി​ട്ടു​ക. പ​ക്ഷേ, '​എ​ടേ പാ​ഷാ​ണം" എ​ന്ന് വി​ളി​ച്ചാല്‍ അ​പ്പോ​ത്ത​ന്നെ തി​രി​ഞ്ഞു​നോ​ക്കും. സാ​ജൂ​ന്നു​ള്ള പേ​ര് ക​ള​ഞ്ഞി​ട്ട് പാ​സ്‌​പോര്‍​ട്ടില്‍ വ​രെ പാ​ഷ​ണം എ​ന്നാ​ക്കാന്‍ പ​റ്റു​മോ​യെ​ന്ന ആ​ലോ​ച​ന​യി​ലാ​ണ്. അ​മ്മ​യു​ടെ മെ​മ്ബര്‍​ഷി​പ്പ് വ​രെ പാ​ഷാ​ണം ഷാ​ജി എ​ന്ന പേ​രി​ലാ​ണ്. ചില ആ​ളു​കള്‍​ക്ക് എ​ന്തോ ഒ​രു ഷാ​ജി​യാ​ണ​ന്നേ അ​റി​യൂ. '​ഹ​ലോ ഭാ​സ്ക​രന്‍ ഷാ​ജി" എ​ന്ന് വി​ളി​ക്കു​ന്ന​വ​രു​ണ്ട്. ഒ​രി​ക്കല്‍ ഞാ​നും ഭാ​ര്യ​യും കൂ​ടി ഹോ​സ്‌​പി​റ്റ​ലില്‍ പോ​യി. തീ​രെ​സു​ഖ​മി​ല്ലാ​തെ ഡോ​ക്‌​ട​റു​ടെ മു​റി​യി​ലേ​ക്ക് പോയ ഒ​രു ചേ​ട്ടന്‍ തി​രി​ച്ചു​വ​ന്നി​ട്ട് ചോ​ദി​ക്കു​ക​യാ ആ​രാ​യി​ത് പാ​താ​ളം ഷാ​ജി​യ​ല്ലേ​ന്ന്. ഏ​ത് പേ​ര് വി​ളി​ച്ചാ​ലെ​ന്താ ആ​ളു​കള്‍ തി​രി​ച്ച​റി​യു​ന്നു​ണ്ട​ല്ലോ. എ​ന്റെ ജീ​വി​ത​ത്തില്‍ ന​ല്ല​തെന്തെ​ങ്കി​ലും ഉ​ണ്ടാ​യി​ട്ടു​ണ്ടെ​ങ്കില്‍ ഈ പേ​രു​കാ​ര​ണം സം​ഭ​വി​ച്ച​താ​ണ്.
ഇ​ട​യ്‌​ക്ക് ചാ​ന​ലു​ക​ളില്‍ ഷോ ചെ​യ്‌​തി​ല്ലെ​ങ്കില്‍ വി​ദേ​ശ​ത്ത് ചെ​ന്നാല്‍ തി​രി​ച്ച​റി​യി​ല്ല. സി​നി​മ​യില്‍ അ​ഭി​ന​യി​ക്കു​ന്ന​വ​രെക്കാള്‍ വി​ദേശ മ​ല​യാ​ളി​കള്‍​ക്ക് പ​രി​ച​യം മി​മി​ക്രി ചെ​യ്യു​ന്ന​വ​രെ​യാ​ണ്. അ​വര്‍ ഏ​ത് സ​മ​യ​വും യൂ​ട്യൂ​ബില്‍ ത​മാശ വീ​ഡി​യോ​കള്‍ ക​ണ്ടു​കൊ​ണ്ടി​രി​ക്കും. അടുത്ത മാസം ഒാണം ആണ്. വി​ദേ​ശ​ത്തെ ഓ​ണം പ്രോ​ഗാ​മു​കള്‍ ക്രി​സ്‌​മ​സ് വ​രെ നീ​ണ്ടു​പോ​കും. അ​പ്പോ​ഴേ​ക്കും ന​മ്മു​ടെ ഓ​ണ​മൊ​ക്കെ വ​ളി​ച്ചി​ട്ടു​ണ്ടാ​കും.
ചെ​റു​പ്പ​ത്തില്‍ സ​ദ്യ ക​ഴി​ഞ്ഞാ​ലു​ടന്‍ സൈ​ക്കി​ളു​മെ​ടു​ത്തി​റ​ങ്ങും. ക്ള​ബു​കള്‍ തോ​റും മ​ത്സ​ര​ത്തില്‍ പ​ങ്കെ​ടു​ക്കു​ക​യാ​ണ് പ​രി​പാ​ടി. ആ സു​ഖ​മൊ​ന്നും ഇ​പ്പോ​ഴി​ല്ല. റ​സി​ഡ​ന്റ്സ് അ​സോ​സി​യേ​ഷ​ന്റെ ഓ​ണാ​ഘോ​ഷ​മൊ​ന്നും ക്ള​ബു​ക​ളു​മാ​യി താ​ര​ത​മ്യ​പ്പെ​ടു​ത്താന്‍ പ​റ്റി​ല്ല.

ക​ല്യാ​ണ​മൊ​ക്കെ ക​ഴി​ഞ്ഞ​പ്പോള്‍ തി​രു​വോ​ണ​ത്തി​ന് രാ​വി​ലെ ത​റ​വാ​ട്ടി​ലെ​ത്തി അ​മ്മ​യെ ക​ണ്ട് ഭാ​ര്യ​യെ അ​വി​ടെ​യാ​ക്കി പ​രി​പാ​ടി​ക്ക് പോ​കും. ഓണ സ​ദ്യ ക​ഴി​ക്കു​ന്ന​ത് രാ​ത്രി പ​ന്ത്ര​ണ്ട് മ​ണി​ക്കാ​യി​രി​ക്കും. ക്ള​ബു​ക​ളു​ടെ പ​രി​പാ​ടി​യാ​ണെ​ങ്കില്‍ പല സ്ഥ​ല​ത്ത് നി​ന്നാ​യി​രി​ക്കും ക​റി​കള്‍ വ​രു​ന്ന​ത്. സെ​ക്ര​ട്ട​റി​യു​ടെ വീ​ട്ടില്‍ നി​ന്ന് അ​വി​യല്‍ ,​ ഖ​ജാന്‍​ജി​യു​ടെ വീ​ട്ടില്‍ നി​ന്ന് ഉ​പ്പേ​രി അ​ങ്ങ​നെ . ‌​ഞ​ങ്ങള്‍ ക​ഴി​ക്കു​മ്ബോ​ഴേ​ക്കും എ​ല്ലാം അ​വി​യല്‍ പ​രു​വ​ത്തി​ലാ​യി​ട്ടു​ണ്ടാ​കും. ത​മി​ഴ്നാ​ട്ടി​ലാ​ണ് ശ​രി​ക്കു​മു​ള്ള ഓ​ണം.

അ​രി​യും പൂ​വു​മെ​ല്ലാം അ​വി​ടെ നി​ന്ന​ല്ലേ വ​രു​ന്ന​ത്. ന​മു​ക്ക് സ​ദ്യ ക​ഴി​ക്കു​ക, ടി വി കാ​ണുക അ​ത്ര​യ​ല്ലേ​യു​ള്ളൂ. ഞ​ങ്ങള്‍ പ​ത്തു​മ​ക്ക​ളാ​ണ്. ഓ​ണ​ത്തി​ന് എ​ല്ലാ​വ​രും ത​റ​വാ​ട്ടില്‍ വ​രും. അ​ച്ഛ​ന്റെ​യും അ​മ്മ​യു​ടെ​യും ഒ​പ്പ​മി​രു​ന്ന് ഭ​ക്ഷ​ണം ക​ഴി​ച്ചി​ട്ടാ​ണ് ഭാ​ര്യ​മാ​രു​ടെ വീ​ട്ടി​ലേ​ക്ക് പോ​കു​ന്ന​ത്. കു​റ​ച്ചു​നാ​ളാ​യി മി​ക്ക വി​ശേഷ ദി​വ​സ​ങ്ങ​ളി​ലും വേ​ണ്ട​പ്പെ​ട്ട മ​റ്റു ചി​ലര്‍ കൂ​ടി ഞ​ങ്ങള്‍​ക്കൊ​പ്പ​മു​ണ്ടാ​കും. കാ​ര​ണം ചാ​രി​റ്റി പ്ര​വര്‍​ത്ത​ന​ത്തി​നാ​യാ​ണ് ഞാ​നും ഭാ​ര്യ ര​ശ്മി​യും ഏ​റ്റ​വും അ​ധി​കം സ​മ​യം ചെ​ല​വ​ഴി​ക്കു​ന്ന​ത്. ചാ​രി​റ്റി സം​ഘ​ട​ന​യൊ​ന്നു​മ​ല്ല. പ​റ​ഞ്ഞും കേ​ട്ടു​മ​റി​ഞ്ഞ് ഓ​രോ​രു​ത്ത​രെ സ​ഹാ​യി​ക്കും. അ​ഗ​തി​മ​ന്ദി​ര​ങ്ങ​ളില്‍ സ്ഥി​ര​മാ​യി പോ​കും. ഞാന്‍ വ​ള​രെ ക​ഷ്‌​ട​പ്പെ​ട്ടാ​ണ് വ​ളര്‍​ന്ന​ത്. ഇ​പ്പോ​ഴ​ല്ലേ എ​ന്തും ക​ഴി​ക്കാ​മെ​ന്ന അ​വ​സ്ഥ​യി​ലെ​ത്തി​യ​ത്.​അ​തു​കൊ​ണ്ട് ഇ​ല്ലാ​ത്ത​വ​ന്റെ വേ​ദന മ​ന​സി​ലാ​കും. വി​വാ​ഹ​വാര്‍​ഷി​കം പോ​ലു​ള്ള ആ​ഘോ​ഷ​ങ്ങ​ളെ​ല്ലാം അ​നാ​ഥാ​ല​യ​ങ്ങ​ളി​ലെ കു​ട്ടി​കള്‍​ക്കൊ​പ്പ​മാ​ണ്.
വീ​ടി​ന​ടു​ത്തൊ​രു അ​ഗ​തി മ​ന്ദി​ര​മു​ണ്ട്. അ​വി​ടെ ആ​ഴ്ച​യില്‍ ര​ണ്ട് ദി​വ​സം ഭ​ക്ഷ​ണം കൊ​ടു​ക്കും. ഗ​വണ്‍​മെ​ന്റ് ആ​ശു​പ​ത്രി​യി​ലും ര​ണ്ട് ദി​വ​സം ഭ​ക്ഷ​ണം കൊ​ടു​ക്കാന്‍ തീ​രു​മാ​നി​ച്ചി​ട്ടു​ണ്ട്. ഇ​തി​നു മാ​ത്ര​മാ​യി ഒ​രു വീ​ട് എ​ടു​ത്തു. ഭ​ക്ഷ​ണ​മു​ണ്ടാ​ക്കാന്‍ ഒ​രു ചേ​ച്ചി​യെ​യും ചു​മ​ത​ല​പ്പെ​ടു​ത്തി​യി​ട്ടു​ണ്ട്. ന​മ്മു​ടെ മ​ക്കള്‍ ക​ള​യു​ന്ന ഭ​ക്ഷ​ണം ക​ഴി​ച്ചാല്‍ വി​ശ​പ്പു​മാ​റു​ന്ന നി​ര​വ​ധി കു​ട്ടി​കള്‍ ചു​റ്റു​മു​ണ്ട്. ഭ​ക്ഷ​ണം പാ​ഴാ​ക്ക​രു​തെ​ന്ന് മ​ന​സി​ലാ​ക്കാന്‍ മ​ക്ക​ളെ അ​ങ്ങ​നെ​യു​ള്ള സ്ഥ​ല​ങ്ങ​ളില്‍ കൊ​ണ്ടു​പോ​ക​ണം. അ​ല്ലാ​തെ ലു​ലു​മാ​ളില്‍ മാ​ത്ര​മ​ല്ല പോ​കേ​ണ്ട​ത്. ആ​രാ​ധ​നാ​ല​യ​ങ്ങ​ളില്‍ നേര്‍​ച്ച ചെ​യ്യു​ന്ന​തി​നെ​ക്കാള്‍ വ​ലിയ സ​ന്തോ​ഷ​വും സ​മാ​ധാ​ന​വും ഇ​ത്ത​രം പ്ര​വൃ​ത്തി​കള്‍ ത​രു​മെ​ന്ന് അ​നു​ഭ​വ​ത്തി​ലൂ​ടെ മ​ന​സി​ലാ​ക്കി​യ​താ​ണ്. ജോ​സ് മാ​വേ​ലി, പാല മ​രി​യാ സ​ദന്‍ ന​ട​ത്തു​ന്ന സ​ന്തോ​ഷേ​ട്ടന്‍ തു​ട​ങ്ങി​യ​വ​രോ​ടൊ​ക്കെ ന​ല്ല അ​ടു​പ്പ​മാ​ണ്. മ​രി​യാ സ​ദ​നില്‍ 150​-ല്‍ അ​ധി​കം അ​ന്തേ​വാ​സി​ക​ളു​ണ്ട്.

അ​വി​ടെ​യൊ​ക്കെ ചെ​ന്നാല്‍ ന​മ്മ​ളൊ​ന്നു​മ​ല്ലെ​ന്ന സ​ത്യം മ​ന​സി​ലാ​കും. ഇ​തൊ​ക്കെ അ​റി​ഞ്ഞ് ഒ​രു​പാ​ട് ആ​ളു​കള്‍ വീ​ട് വ​ച്ച്‌ കൊ​ടു​ക്കു​മോ, ക​ല്യാ​ണം ന​ട​ത്തി​കൊ​ടു​ക്കു​മോ എ​ന്നൊ​ക്കെ ചോ​ദി​ച്ച്‌ വ​രാ​റു​ണ്ട്. അ​ത്ര​യ്‌​ക്കൊ​ന്നു​മാ​യി​ട്ടി​ല്ല. ഞാന്‍ വീ​ട് വ​ച്ച​തു ത​ന്നെ ലോ​ണെ​ടു​ത്തി​ട്ടാ​ണ്. അ​ത​ട​യ്‌​ക്കാന്‍​പെ​ടു​ന്ന പാ​ട് എ​നി​ക്ക് മാ​ത്ര​മേ അ​റി​യൂ. സി​നി​മ​യില്‍ അ​ഭി​ന​യി​ക്കു​ന്ന​തി​ന് അ​ഞ്ചും പ​ത്തും ല​ക്ഷ​മൊ​ക്കെ പ്ര​തി​ഫ​ലം വാ​ങ്ങു​ന്നു​ണ്ടെ​ന്നാ​ണ് പ​ല​രും ക​രു​തു​ന്ന​ത്. നിര്‍​മ്മാ​താ​ക്കള്‍ ഒ​രു പ്ര​തി​ഫ​ലം പ​റ​യു​ന്നു ന​മ്മള്‍ പോ​യി അ​ഭി​ന​യി​ക്കു​ന്നു.​അ​ത്ര​യേ​യു​ള്ളു. കാ​ര​ണം സി​നി​മ​യാ​ണ് ല​ക്ഷ്യം. ഇ​നി വേ​റെ വ​ഴി​ക്കൊ​ന്നും സ​ഞ്ച​രി​ക്കാന്‍ ക​ഴി​യി​ല്ല. ഒ​രാ​ഴ്‌ച വീ​ട്ടില്‍ നി​ന്നാല്‍ സ​ഹാ​യ​ങ്ങള്‍​ക്കാ​യി മാ​ത്രം 10000 രൂപ വേ​ണം. പ​ക​രം ഞ​ങ്ങ​ളു​ടെ ചെ​ല​വില്‍ കു​റ​യ്‌​‌​ക്കും. ഞാ​നും ഭാ​ര്യ​യു​മാ​യി​ട്ടു​ള്ള ഒ​രു പ്ളാ​നിം​ഗാ​ണ​ത്. എ​ന്റെ വീ​ട്ടി​ലും ഭാ​ര്യ​യു​ടെ വീ​ട്ടി​ലു​മു​ള്ള​വ​രെ​ല്ലാം പാ​വ​ങ്ങ​ളാ​ണ്. അ​വ​രെ​യൊ​ക്കെ സ​ഹാ​യി​ക്ക​ണം. പ​ണ​ക്കാ​ര​നാ​യി​ട്ട​ല്ല. എ​ങ്കി​ലും ഞാന്‍ ജീ​വി​ക്കു​ന്ന​തു​പോ​ലെ അ​വ​രും ജീ​വി​ക്ക​ണ​മെ​ന്നു​ണ്ട്. ചെ​റിയ സ്വ​പ്ന​ങ്ങ​ളും ല​ക്ഷ്യ​ങ്ങ​ളു​മാ​യി ഇ​ങ്ങ​നെ ജീ​വി​ച്ചു പോ​ക​ണ​മെ​ന്നാ​ണ് ആ​ഗ്ര​ഹം.