ടൊവിനോ തോമസിനെ നായകനാക്കി ഡോ. ബിജു രചനയും സംവിധാനവും ചെയ്യുന്ന 'അദൃശ്യ ജാലകങ്ങള്‍' സിനിമയുടെ ട്രെയിലര്‍ റിലീസ് ചെയ്തു. രാധികാ ലാവു നയിക്കുന്ന എല്ലനാര്‍ ഫിലിംസും നവീന്‍ യേര്‍നേനി, വൈ രവിശങ്കര്‍, എന്നിവര്‍ നേതൃത്വം നല്‍കുന്ന മൈത്രി മൂവി മേക്കേഴ്‌സും, ടോവിനോ തോമസ് പ്രൊഡക്ഷന്‍സിന് വേണ്ടി ടോവിനോ തോമസും ചേര്‍ന്നാണ് ചിത്രം നിര്‍മ്മിക്കുന്നത്. ജയശ്രീ ലക്ഷ്മിനാരായണനാണ് അസോസിയേറ്റ് പ്രൊഡ്യൂസര്‍, ക്രിസ് ജെറോം, അനിന്ധ്യ ദാസ് ഗുപ്ത എന്നിവര്‍ എക്‌സിക്യൂട്ടീവ് പ്രൊഡ്യൂസര്‍മാരും.
ഏറെ പ്രതീക്ഷയോടെ കാത്തിരിക്കുന്ന ചിത്രത്തിന്റെ ട്രെയിലര്‍ ഇതിനോടകം തന്നെ ജനശ്രദ്ധ നേടിക്കഴിഞ്ഞു. മൂന്ന് തവണ ഗ്രാമി അവാര്‍ഡ് ജേതാവായ റിക്കി കെജ് ആണ് ചിത്രത്തിന്റെ സംഗീതം. ഇന്ദ്രന്‍സ്, നിമിഷ സജയന്‍ എന്നിവരാണ് മറ്റ് അഭിനേതാക്കള്‍.
ചിത്രത്തിനെ കുറിച്ച് സംവിധായകന്‍, ഡോക്ടര്‍ ബിജുവിന്റെ വാക്കുകള്‍, 'യുദ്ധത്തെ ആസ്പാദമാക്കിയിട്ടുള്ള ഒരു സര്‍റിയലിസ്റ്റിക് ചിത്രമാണ് അദൃശ്യ ജാലകങ്ങള്‍. ഈ കഥ ഒരു പ്രത്യേക സ്ഥലത്തെയോ ഭാഷയോ കേന്ദ്രീകരിച്ചിട്ടുള്ളതല്ല ലോകമെങ്ങും ഒരുപോലെ പ്രാധാന്യമുള്ളതാണ്.' നിര്‍മ്മാതാക്കളില്‍ ഒരാളായ രാധിക ലാവു കൂട്ടിച്ചേര്‍ത്തു, ' ഞങ്ങളുടെ സിനിമ പ്രേക്ഷകര്‍ക്ക് ഒരു അതുല്യമായ അനുഭവം തന്നെ ആവും. സിനിമയില്‍ അവതരിപ്പിക്കുന്ന സാര്‍വത്രികമായി മനുഷ്യര്‍ അനുഭവിക്കുന്ന തകര്‍ച്ചകളും, പങ്കിടുന്ന മനുഷ്യത്വവുമായി കാഴ്ചക്കാര്‍ക്ക് ബന്ധപ്പെടുമെന്ന് ഞങ്ങള്‍ക്ക് അങ്ങേയറ്റം വിശ്വാസമുണ്ട്.'
എസ്‌തോണിയയില്‍ നടക്കുന്ന പ്രശസ്തമായ 27-ാമത് ടാലിന്‍ ബ്ലാക്ക് നൈറ്റ്‌സ് ഇന്റര്‍നാഷണല്‍ ഫിലിം ഫെസ്റ്റിവലില്‍ (പി.ഒ.എഫ്.എഫ്) വച്ചായിരിക്കും ചിത്രത്തിന്റെ വേള്‍ഡ് പ്രീമിയര്‍ നടക്കുക. മേളയുടെ ഔദ്യോഗിക മത്സര വിഭാഗത്തില്‍ വേള്‍ഡ് പ്രീമിയര്‍ നടത്തുന്ന ആദ്യ മലയാള ചിത്രമായിരിക്കും 'അദൃശ്യ ജലകങ്ങള്‍'. ഈ വര്‍ഷം മേളയിലേക്ക് തിരഞ്ഞെടുക്കപ്പെട്ട ഏക ഇന്ത്യന്‍ ചിത്രവും ഇതാണ്. ഇന്റര്‍നാഷണല്‍ ഫെഡറേഷന്‍ ഓഫ് ഫിലിം പ്രൊഡ്യൂസേഴ്സ് അസോസിയേഷന്റെ (എഫ്.ഐ.എ.പി.എഫ്) അംഗീകാരമുള്ള 15 എ-ലിസ്റ്റ് ഫിലിം ഫെസ്റ്റിവലുകളില്‍ ഒന്നാണ് ടാലിന്‍ ഫിലിം ഫെസ്റ്റിവല്‍.നവംബര്‍ 3 മുതല്‍ 17 വരെയാണ് മേള നടക്കുന്നത്.
ചിത്രത്തിന്റെ അസോസിയേറ്റ് ഡയറക്ടര്‍ ഫ്‌ലെവിന്‍ എസ്. ശിവന്‍. അരവിന്ദ് രാജ് വി എസ്, അഞ്ജുമോള്‍ എം, മധുമിത ആര്‍, സിദ്ധാര്‍ത്ഥ് കെ പി എന്നിവര്‍ അസിസ്റ്റന്റ് ഡയറക്ടര്‍മാരുമായി പ്രവര്‍ത്തിച്ചിരിക്കുന്നു. ചിത്രത്തിന്റെ വി.എഫ്.എക്‌സ് യെസ് സ്റ്റുഡിയോസും ഡി.ഐ വിസ്ത ഒബ്സ്‌ക്യൂറ എന്റര്‍ടൈന്‍മെന്റ്സും നിര്‍വഹിച്ചിരിക്കുന്നു.
പ്രമോദ് തോമസിനാണ് സൗണ്ട് മിക്സിങ്ങിന്റെ ചുമതല, അജയന്‍ അടാട്ട് സൗണ്ട് ഡിസൈനും സിങ്ക് സൗണ്ട് റെക്കോര്‍ഡിംഗും കൈകാര്യം ചെയ്യുന്നു. ഏങ്ങണ്ടിയൂര്‍ ചന്ദ്രശേഖരനും, മാരി നോബ്രെയും. എഴുതിയ വരികള്‍ ജോബ് കുര്യന്‍, മാരി നോബ്രെ എന്നിവര്‍ ആലപിച്ചിരിക്കുന്നു.
ഡേവിസ് മാനുവല്‍ ആണ് ചിത്രത്തിന്റെ എഡിറ്റര്‍ ആന്‍ഡ് ചീഫ് അസോസിയേറ്റ് ഡയറക്ടര്‍. ചിത്രത്തിന്റെ ഡി.ഒ.പി. യദു രാധാകൃഷ്ണന്‍, പ്രൊഡക്ഷന്‍ ഡിസൈന്‍ ദിലീപ് ദാസ് എന്നിവരാണ്. പട്ടണം ഷാ മേക്കപ്പും അരവിന്ദ് കെ ആര്‍ വസ്ത്രാലങ്കാരവും നിര്‍വഹിച്ചിരിക്കുന്നു. സ്റ്റില്‍സ് കൈകാര്യം ചെയ്യുന്നത് അനൂപ് ചാക്കോയും, ലൈന്‍ പ്രൊഡ്യൂസര്‍ എല്‍ദോ സെല്‍വരാജുമാണ്.
സ്റ്റോറീസ് സോഷ്യലിന്റെ ബാനറില്‍ മാര്‍ക്കറ്റിംഗ് ആന്‍ഡ് കമ്മ്യൂണിക്കേഷന്‍ നിര്‍വഹിക്കുന്നത് സംഗീത ജനചന്ദ്രനുമാണ്.
ട്രെയിലര്‍ യൂട്യൂബില്‍ സ്ട്രീം ചെയ്യാന്‍ ലഭ്യമാണ്.
Premium Lifestyle and Entertainment website
'സ്വകാര്യതയെ മാനിച്ചുകൊണ്ട് ഒരു മുന്‍വിധിയിലും എത്തരുത്''; എ ആര്‍ റഹ്മാന്റെ വിവാഹമോചനത്തിന് പിന്നാലെ ബാന്‍ഡിലെ ബാസിസ്റ്റ് മോഹിനി ഡേയും ഭര്‍ത്താവും വേര്‍പിരിഞ്ഞു; പരസ്പര ധാരണയിലാണ് വേര്‍പിരിയലെന്നും എല്ലാവരും പിന്തുണക്കണമെന്നും അഭ്യര്‍ത്ഥന 
നടുക്കടലില്‍ അനുമതിയില്ലാതെ സിനിമ ഷൂട്ടിംഗ് നടത്തി; രണ്ട് ബോട്ടുകള്‍ പിടിച്ചെടുത്തു; സംഭവം ചെല്ലാനത്ത്