മലയാള സിനിമാപ്രേമികള്‍ ഒരുപോലെ കാത്തിരിക്കുന്ന സീക്വലാണ് എല്‍ 2 എമ്പുരാന്‍. 2023 ഒക്ടോബറില്‍ ആണ് സിനിമയുടെ ചിത്രീകരണം ആരംഭിച്ചത്. ബ്രഹ്മാണ്ഡ ബജറ്റില്‍ ഒരുങ്ങുന്ന സിനിമ ഇരുപതോളം രാജ്യങ്ങളിലായാണ് ഷൂട്ട് ചെയ്യുന്നത്. ഇപ്പോഴിതാ സിനിമയുടെ അണിയറപ്രവര്‍ത്തകര്‍ക്കൊപ്പം പൃഥ്വിരാജ് പങ്കുവെച്ച ചിത്രമാണ് വൈറലാകുന്നത്. 'ടീം എല്‍ 2 ഇ എമ്പുരാന്‍' എന്ന ക്യാപ്ഷനോടെയാണ് പൃഥ്വി ചിത്രം പങ്കുവെച്ചിരിക്കുന്നത്.
മലയാളത്തിന് പുറമെ ഹിന്ദി, തമിഴ്, തെലുങ്ക് ഭാഷകളിലും സിനിമ പ്രദര്‍ശനത്തിനെത്തും. ലഡാക്കിലെ ആദ്യ ഷെഡ്യൂളിന് ശേഷം ഇടവേളയെടുത്ത സംഘം ഡിസംബറിലാണ് യുകെ ഷെഡ്യൂള്‍ ആരംഭിച്ചത്. കഴിഞ്ഞ ദിവസമാണ് ഈ ഷെഡ്യൂള്‍ അവസാനിച്ചത്. മൂന്നാം ഷെഡ്യൂള്‍ അമേരിക്കയിലാണെന്നാണ് വിവരം.
മുരളി ഗോപി ആണ് തിരക്കഥ ഒരുക്കുന്നത്.ചിത്രത്തിന്റെ സംഗീത സംവിധാനം നിര്‍വ്വഹിക്കുന്നത് ദീപക് ദേവാണ്. ചിത്രത്തില്‍ മഞ്ജു വാര്യരും പൃഥ്വിരാജും പ്രാധാന വേഷങ്ങളില്‍ എത്തുന്നുണ്ട്.
Premium Lifestyle and Entertainment website
മുട്ട സ്റ്റൂ ; അപ്പത്തിനും ഇടിയപ്പത്തിനും കൂട്ടാം
നന്ദി ദിനത്തിലെ വാടാമലരുകള്‍ (കവിത)