മൂല്ലപ്പൂചൂടി കറുത്ത സാരിയില്‍ ഗ്രാമീണ സുന്ദരിയായി അണിഞ്ഞൊരുങ്ങി കാവ്യ വീണ്ടും ദിലീപിനൊപ്പം പൊതുവേദിയില്‍; സോഷ്യല്‍മീഡിയയില്‍ വൈറലായി താരദമ്പതികള്‍

ദിലീപും കുടുംബവും ഇപ്പോള്‍ പൊതുവേദികളില്‍ സജീവമായിരിക്കുകയാണ് . കാവ്യ അടുത്തിടെയാണ് ഇന്‍സ്റ്റാഗ്രാമില്‍ അക്കൗണ്ട് തുടങ്ങിയത്.ദിവസവും കാവ്യയും ദിലീപും പോകുന്ന പരിപാടികളുടെ ചിത്രങ്ങളും, യാത്രകളുടെ വീഡിയോകളുമെല്ലാം ദിലീപിന്റെയും കാവ്യയുടെയും ഫാന്‍ പേജുകളിലൂടെ പ്രേക്ഷകരിലേക്ക് എത്താറുണ്ട്.

അത്തരത്തില്‍ ഇപ്പോള്‍ വൈറലാവുന്നത് മനോഹരമായ ഒരു ചിത്രമാണ്. കാവ്യ മുന്‍പൊന്നുമില്ലാത്ത അത്രയും സുന്ദരിയായിട്ടാണ് ഫോട്ടോയില്‍ കാണുന്നത്. ഫാന്‍ പേജുകളിലൂടെ പുറത്തുവന്ന ഫോട്ടോ സോഷ്യല്‍ മീഡിയ ഏറ്റെടുത്തുകഴിഞ്ഞു. കറുത്ത സാരിയുടുത്ത്, നെറ്റിയില്‍ തന്ദനക്കുറിയൊക്കെ തൊട്ട് മൂല്ലപ്പൂവൊക്കെ ചൂടി ദിലീപിനോട് ചേര്‍ന്നു നില്‍ക്കുന്ന ഫോട്ടോ ആണ് വൈറലാവുന്നത്.

വലിയ ജിമിക്ക് കമ്മലും കാവ്യയുടെ ആ സൗന്ദര്യത്തിന്റെ മാറ്റ് കൂട്ടുന്നു. ഈ ലുക്കില്‍ കാവ്യയെ കണ്ടാല്‍ മീശ മാധവന്‍ സിനിമയിലെ 'കരമിഴിക്കുരുവിയെ കണ്ടില്ല' എന്ന പാട്ടാണ് ഓര്‍മവരുന്നത് എന്നാണ് ചിലരുടെ കമന്റുകള്‍. കാവ്യ ഇപ്പോഴും ആ പഴയ പ്രണയ നായികയായി തന്നെ തിളങ്ങുകയാണല്ലോ എന്ന് പറഞ്ഞ് വരുന്നവരുമുണ്ട്.

അടുത്തിടെയാണ് കാവ്യ ഇന്‍സ്റ്റഗ്രാമില്‍ അംഗത്വം എടുത്തത്. അപ്പോള്‍ മുതല്‍ തന്റെയും കുടുംബത്തിന്റെയും ചിത്രങ്ങളും വീഡിയോകളും എല്ലാം പങ്കുവയ്ക്കുന്നുണ്ട്. ലക്ഷ്യയുടെ പേജിലൂടെയും മറ്റ് ഫാന്‍ പേജുകലിലൂടെയും ആവശ്യത്തിലധികം ഫോട്ടോസും വരുന്നു. ദിലീപിനെ കെട്ടിയാല്‍ കാവ്യ പുറം ലോകം കാണില്ല, വീട്ടിനുള്ളില്‍ തളയ്ക്കപ്പെടും എന്ന് വിമര്‍ശിച്ചവര്‍ക്കുള്ള മറുപടി കൂടെയാണ് സോഷ്യല്‍ മീഡിയയിലെ ഈ സജീവ സാന്നിധ്യം.