മലയാള സിനിമയിലെ പ്രധാന സംവിധായകരില്‍ ഒരാളായ ജീത്തു ജോസഫിന്റെ പുതിയ ചിത്രം പ്രഖ്യാപിച്ചു. 'നുണക്കുഴി' എന്ന് പേരിട്ടിരിക്കുന്ന ചിത്രത്തിന്റെ ടൈറ്റില്‍ പോസ്റ്റര്‍ പങ്കുവെച്ചുകൊണ്ടാണ് പ്രഖ്യാപനം. ബേസില്‍ ജോസഫാണ് നായകന്‍.
'കൂമന്‍', 'ട്വല്‍ത് മാന്‍' എന്നീ ചിത്രങ്ങള്‍ക്ക് തിരക്കഥയൊരുക്കിയ കെ ആര്‍ കൃഷ്ണകുമാറാണ് 'നുണക്കുഴി'യുടെയും തിരക്കഥ. ഡാര്‍ക്ക് ഹ്യൂമര്‍ ഴോണറിലുള്ളതാണ് ചിത്രം.
നിലവില്‍ മോഹന്‍ലാലിനെ നായകനാക്കി 'നേര്' ഒരുക്കുകയാണ് ജീത്തു ജോസഫ്. മോഹന്‍ലാല്‍ ചിത്രം 'റാമി'ന്റെ ചിത്രീകരണം പൂര്‍ത്തിയായിട്ടില്ല. നേര് പൂര്‍ത്തിയായാല്‍ ഉടന്‍ ബേസില്‍ ചിത്രത്തിന്റെ ഷൂട്ടിങ് ആരംഭിക്കും.
ഗ്രേസ് ആന്റണിയാണ് നായികാ കഥാപാത്രത്തെ അവതരിപ്പിക്കുന്നത്. സരീഗമയും ജീത്തു ജോസഫിന്റെ വിന്റേജ് ഫിലിംസും ചേര്‍ന്നാണ് നിര്‍മ്മാണം. സതീഷ് കുറുപ്പ് ഛായാഗ്രഹണം നിര്‍വഹിക്കുന്നു. സിദ്ദിഖ്, മനോജ് കെ ജയന്‍, ബൈജു, അജു വര്‍ഗീസ്, സൈജു കുറുപ്പ്, ബിനു പപ്പു, പ്രമോദ് വെളിയനാട്, അസീസ് നെടുമങ്ങാട് തുടങ്ങി ഒരു വലിയ താരനിര ചിത്രത്തിന്റെ ഭാഗമാണ്.
Premium Lifestyle and Entertainment website
വധുവരന്മാരായി ബിഗ് ബോസ് താരങ്ങളായ അര്‍ജ്ജുനും ശ്രീതുവും വിവാഹിതരായി; പ്രിയതമ എന്ന മ്യൂസിക് ആല്‍ബത്തിന്റെ ടൈറ്റില്‍ പോസ്റ്റര്‍ ശ്രദ്ധ നേടുമ്പോള്‍
വരുണ്‍ ധവാനൊപ്പം ഗ്ലാമറസ് നൃത്തച്ചുവടുകളുമായി കീര്‍ത്തി സുരേഷ്; ബോളിവുഡില്‍ അരങ്ങേറ്റം കുറിക്കുന്ന നടിയുടെ ആദ്യ ചിത്രം ബേബിജോണിലെ ആദ്യഗാനം പുറത്ത്