ഞാൻ സിനിമയിൽ തല്ലുകൊള്ളുന്ന സീനൊക്കെ കാണുമ്പോൾ അമ്മയ്ക്ക് പെട്ടന്ന് വിഷമം വരും; അമ്മയെ കുറിച്ച് പറഞ്ഞ് നടൻ ഇന്ദ്രൻസ്

മലയാള സിനിമയിൽ ഏറെ ആരാധകർ ഉള്ള താരമാണ് ഇന്ദ്രൻസ്. നിരവധി സിനിമകളിലൂടെ ശ്രദ്ധേയമായ കഥാപാത്രങ്ങളെ അവതരിപ്പിക്കാൻ താരത്തിന് സാധിക്കുകയും ചെയ്തു. കടുംബവുമായി ഏറെ അടുപ്പം പുലർത്തുന്ന നടന്മാരിൽ ഒരാൾ കൂടിയാണ് ഇന്ദ്രൻസ്. എന്നാൽ ഇപ്പോൾ സിനിമയിൽ താൻ തല്ലുകൊള്ളുന്നത് കാണുന്നത് പോലും അമ്മയ്ക്ക് സങ്കടമാകുമായിരുന്നെന്ന് ഇന്ദ്രൻസ് പറയുകയാണ്.  താരം അമ്മയെക്കുറിച്ചുള്ള ഓർമ്മകൾ അമ്മയുടെ മരണത്തിനു ശേഷം ​ഗൃഹലക്ഷ്മിക്കു നൽകിയ അഭിമുഖത്തിലാണ് പങ്കുവെച്ചത്. ഞാൻ അഭിനയിച്ച സിനിമകൾ ഇടയ്ക്ക് മാത്രമേ അമ്മ കാണുകയുള്ളു.

പത്രത്തിൽ സിനിമയെ കുറിച്ച് വാർത്ത വരുമ്പോൾ എന്റെ പേര് കാണുകയാണങ്കിൽ നിന്റെ പേര് രണ്ടു മൂന്നിടത്ത് കണ്ടന്നൊക്കെ അമ്മ വിളിച്ചു പറയുമായിരുന്നു. ഞാൻ സിനിമയിൽ തല്ലുകൊള്ളുന്ന സീനൊക്കെ കാണുമ്പോൾ അമ്മയ്ക്ക് പെട്ടന്ന് വിഷമം വരും. ‘മാനത്തെ കൊട്ടരം’ എന്ന ചിത്രത്തിൽ എന്റെ തല മതിലിനോട് ചേർത്ത് വയ്ക്കുന്ന ഒരു സീനുണ്ടന്നും അത് കണ്ടപ്പോൾ നീ ഇതിനൊന്നും പോകണ്ടന്നാണ് അമ്മ പറഞ്ഞത്.

എന്നാൽ സിനിമയുടെ ​ഗുട്ടൻസ് ഒക്കെ പറഞ്ഞു കൊടുത്തുകഴിഞ്ഞപ്പോൾ അമ്മ സിനിമ ആസ്വദിക്കാൻ തുടങ്ങിയെന്നും കുടുതൽ മനസ്സിലാക്കിയെന്നും ഇന്ദ്രൻസ് പറഞ്ഞു. പീന്നിട് മക്കൾ ഒക്കെ സംശയം ചോദിക്കുമ്പോൾ അമ്മയാണ് പറഞ്ഞു കൊടുക്കുന്നതെന്നും നടൻ വ്യക്തമാക്കി.