ലാലേട്ടന്റെ പിറന്നാളിന് വിത്ത് വിതച്ച് ഫാന്‍സ് അസോസിയേഷന്‍; നൂറുമേനി വിളവ് കൊയ്ത പ്രവര്‍ത്തകര്‍ക്ക് സോഷ്യല്‍ മീഡിയയില്‍ കയ്യടി

മലയാളത്തില്‍ ഏറ്റവുമധികം ആരാധകരുള്ള നടനാണ് മോഹന്‍ലാല്‍. ലാലേട്ടന്റെ സിനിമയുടെ പ്രമോഷനും മറ്റ് കാരുണ്യ പ്രവര്‍ത്തികള്‍ക്കും ഫാന്‍സ് അസോസിയേഷനുകള്‍ സജീവമായി തന്നെ രംഗത്തുണ്ട്. തന്റെ പേരിലുള്ള അസോസിയേഷനുകള്‍ക്ക് പൂര്‍ണ പിന്തുണയുമായി മോഹന്‍ലാല്‍ എത്തുന്നതും ശ്രദ്ധേയമായ കാര്യമാണ്.

ലാല്‍ന്റെ പിറന്നാള്‍ ആരാധകരെ സംബന്ധിച്ച് വളരെ വിലപ്പെട്ട ദിവസമാണ്. ആ ദിവസം വ്യത്യസ്തമായ പല പ്രവര്‍ത്തനങ്ങളും ആരാധകരുടെ ഭാഗത്ത് നിന്നുമുണ്ടാവും. ഈ വര്‍ഷം 58-ാം പിറന്നാളായിരുന്നു മോഹന്‍ലാല്‍ ആഘോഷിച്ചത്. മേയ് 21 ന് പ്രിയതാരത്തിന്റെ പിറന്നാള്‍ ദിവസം ആറ്റിങ്ങലിലെ ഫാന്‍സ് ആഘോഷിച്ചത് വേറിട്ടൊരു രീതിയിലായിരുന്നു.

തരിശായി കിടന്നിരുന്ന ഭൂമിയില്‍ നെല്‍കൃഷി ഇറക്കിയായിരുന്നു ആഘോഷം. കഴിഞ്ഞ ദിവസമാണ് നെല്ല് കൊയ്തത്. എല്ലാവര്‍ക്കും മാതൃകയാക്കാന്‍ പറ്റുന്ന കാര്യമായത് കൊണ്ട് സോഷ്യല്‍ മീഡിയയില്‍ ഫാന്‍സ് ക്ലബ്ബുകാര്‍ക്ക് വലിയ കയ്യടിയാണ് ലഭിച്ചിരിക്കുന്നത്. ട്വിറ്റര്‍ പേജിലൂടെ ഫാന്‍സുകാര്‍ തന്നെയാണ് ഇക്കാര്യം പുറത്ത് വിട്ടത്.ലാലേട്ടന്റെ ജന്മദിനത്തോട് അനുബന്ധിച്ചു ആറ്റിങ്ങല്‍ ലാലേട്ടന്‍ ഫാന്‍സ് തരിശു ഭൂമിയില്‍ കൃഷി ഇറക്കുകയും ഇന്ന് കൊയ്തു നടത്തുകയും ചെയ്തുഏകദേശം 400 kg നെല്ല് കിട്ടി എന്നാണ്  അസോസിയേഷന്‍ പ്രവര്‍ത്തകര്‍ പറയുന്നു.