ഷാജിമാരുടെ ചിത്രത്തിലെ അടുത്ത ഗാനം പുറത്തിറങ്ങി; നാദിർഷ ആലപിച്ചിരിക്കുന്ന ഗാനത്തിന് ഈണം പകർന്നിരിക്കുന്നത് എമിൽ മുഹമ്മദ്; ചിത്രം ഏപ്രിൽ 5ന് തീയേറ്ററുകളിൽ

നാദിർഷായുടെ സംവിധാനത്തിൽ ബിജു മേനോൻ, ആസിഫ് അലി എന്നിവർ പ്രധാന വേഷത്തിലെത്തുന്ന മേരാ നാം ഷാജിയിലെ പുതിയ ഗാനം റിലീസ് ചെയ്തു. കുണുങ്ങി കുണുങ്ങി എന്ന് തുടങ്ങുന്ന ഗാനത്തിൽ ആസിഫ് അലിയും ധർമ്മജനുമാണ് നിറഞ്ഞു നിൽക്കുന്നത്. സംവിധായകനായ നാദിർഷാ തന്നെയാണ് ഗാനം ആലപിച്ചിരിക്കുന്നത്.സാബു അറക്കുഴയുടെ വരികൾക്ക് സംഗീതം പകർന്നിരിക്കുന്നത് എമിൽ മുഹമ്മദാണ്. ചിത്രം ഏപ്രിൽ 5ന് തീയേറ്ററുകളിലെത്തും.

ഷാജി എന്നു പേരുള്ള മൂന്നു പേരുടെ കഥയാണ് ചിത്രം പറയുന്നത്. കോഴിക്കോടുള്ള ഗുണ്ടാ ഷാജിയുടെയും കൊച്ചിയിലുള്ള അലവലാതി ഷാജിയുടെയും തിരുവനന്തപുരത്തുള്ള ഒരു ജെന്റിൽമാൻ ഷാജിയുമാണ് ചിത്രത്തിൽ പ്രധാന കഥാപാത്രങ്ങൾ. ചിത്രത്തിന് ക്ലീൻ യു സർട്ടിഫിക്കറ്റാണ് ലഭിച്ചിരിക്കുന്നത്. ഏപ്രിൽ 5 നാണ് ചിത്രത്തിന്റെ റിലീസ്. 2 മണിക്കൂർ 14 മിനിറ്റാണ് ചിത്രത്തിന്റെ സെൻസർ കോപ്പിയുടെ ദൈർഘ്യം.

നിഖില വിമൽ നായികയാകുന്ന ചിത്രത്തിൽ ഒരു പ്രധാന വേഷത്തിൽ ശ്രീനിവാസനും എത്തുന്നുണ്ട്. ദിലീപ് പൊന്നനാണ് തിരക്കഥയും സംഭാഷണവും നിർവ്വഹിക്കുന്നത്. തിരുവനന്തപുരവും കൊച്ചിയും കോഴിക്കോടും ചിത്രത്തിന് ലൊക്കേഷനുകളായിരുന്നു. ബി.രാകേഷാണ് നിർമ്മാണം. നർമ്മത്തിന് കൂടുതൽ പ്രാധാന്യം നൽകിയാണ് ചിത്രം ഒരുക്കിയിരിക്കുന്നത്.