നടന്‍ സുശാന്ത് സിങ് രജ്പുതിന്റെ കാമുകി റിയ പുതിയ പ്രണയത്തിലോ?  ബണ്ടി സാജ്‌ദെ എന്ന വ്യവസായിയുമായി താരം ഡേറ്റിങിലെന്ന് മാധ്യമങ്ങള്‍; സുശാന്തിന്റെ ആത്മഹത്യയെ തുടര്‍ന്ന് വിവാദത്തിലായ താരം വീണ്ടും വാര്‍ത്തകളില്‍

സുശാന്ത് സിംഗ് രജ്പുത്തിന്റെ മരണത്തോടനുബന്ധിച്ച് വിവാദങ്ങള്‍ക്കു വിധേയയായ താരമാണ് റിയ ചക്രബര്‍ത്തി. സുശാന്തിന്റെ മരണത്തെ തുടര്‍ന്ന് കാമുകിയായ റിയ ചക്രബര്‍ത്തിയെ നാര്‍കോട്ടിക്‌സ് കണ്‍ട്രോള്‍ ബ്യൂറോയ്  അറസ്റ്റ് ചെയ്തിരുന്നു. സുശാന്തിനെ അമിതമായി ലഹരി ഉപയോഗിക്കാന്‍ പ്രേരിപ്പിച്ചു എന്ന കുറ്റമാണ് റിയക്ക് എതിരെ ചുമത്തിയിരുന്നത്..പിന്നീട് താരം ജാമ്യത്തില്‍ ഇറങ്ങുകയായിരുന്നു. ഇപ്പോള്‍ താരം വീണ്ടും വാര്‍ത്തകളില്‍ ഇടംപിടിക്കുകയാണ്.

അന്തരിച്ച നടന്‍ സുശാന്ത് സിങ് രാജ്പുത്തിന്റെ കാമുകിയായിരുന്ന റിയ ചക്രബര്‍ത്തി വീണ്ടും പ്രണയത്തിലാണെന്നതാണ് ആ റിപ്പോര്‍ട്ട്. നടി അങ്കിത ലോഖണ്ഡെയുമായി പിരിഞ്ഞ ശേഷമാണ് മോഡലും നടിയുമായ റിയ സുശാന്തുമായി പ്രണയത്തിലായത്.ഇപ്പോള്‍ പുറത്തു വരുന്ന റിപ്പോര്‍ട്ട് പ്രകാരം ബണ്ടി സാജ്‌ദെ എന്ന വ്യവസായിയെ താരം ഡേറ്റ് ചെയ്യുന്നുവെന്നാണ് റിപ്പോര്‍ട്ട്. ഷാഷന്‍ ഡിസൈനറായ സജ്‌ദെയുടെ സഹോദരനാണ് ബണ്ടി.

കഴിഞ്ഞ കുറച്ച് വര്‍ഷങ്ങളായി തളര്‍ന്നിരിക്കുന്ന റിയ ചക്രബര്‍ത്തിക്ക് ആശ്വസമാണ് ബണ്ടി. അവര്‍ സന്തോഷത്തോടെയാണ് ഇരിക്കുന്നത്. റിയക്ക് പിന്തുണയുമായി ബണ്ടി കൂടെയുണ്ടാവാറുണ്ട് എന്നുംതാരത്തോട് അടുത്ത വൃത്തങ്ങള്‍ പറയുന്നു.

ബണ്ടിയുടെ പിറന്നാള്‍ ദിനമായ ഒക്ടോബര്‍ 7ന് ആണ് റിയ ഒടുവില്‍ എത്തുന്നത്. എന്നാല്‍ ബണ്ടി നടി സൊനാക്ഷി സിന്‍ഹയെ ഡേറ്റ് ചെയ്യുകയായിരുന്നു എന്നും റിപ്പോര്‍ട്ടുകള്‍ വന്നിരുന്നു. അതേസമയം, 2021ല്‍ പുറത്തിറങ്ങിയ 'ചെഹ്ര' ആയിരുന്നു റിയയുടെതായി ഒടുവില്‍ റിലീസിനെത്തിയ  ചിത്രം. 

2020ല്‍ ജൂണ്‍ 14ന് ആണ് സുശാന്ത് സിംഗ് രജ്പുത് ആത്മഹത്യ ചെയ്തത.സുശാന്തും റിയയും വിവാഹത്തിലേക്ക് കടക്കാനുള്ള തീരുമാനത്തില്‍ വരെ എത്തി നില്‍ക്കവെയാണ് അപ്രതീക്ഷിതമായി സുശാന്തിന്റെ മരണം സംഭവിച്ചത്. ഇന്നും ബോളിവുഡിന് മാത്രമല്ല ഇന്ത്യന്‍ സിനിമയ്ക്ക് തന്നെ ഉള്‍ക്കൊള്ളാനാവാത്ത ഒന്നാണ് സുശാന്തിന്റെ വേര്‍പാട്.